1 പത്ത്‌റോസു 2:20 - സാമി സേദി

²⁰ നിമ്മ കുറ്റ ഗേന്ത് കെ്ഡേസ്‌ന അഡിന താങ്കുവാദ്‌നാലെ നിമാക്ക് എന്ത് പെരിമെ ഇര്‌ക്ക്‌ന്റ്? ആന നല്ലാദ് ഗേന്ത പേര്‌ല് കജട്ട പഡുവാദ്‌ന താങ്കുവദാന സാമി നിമാന പിര്യപഡുവാന്.

1 പത്ത്‌റോസു 2:20 ပူးပေါင်းရင်းမြစ်များ

മത്തായി 26:67

അദുക്കുള അവാര് അയാള് മൂഞ്ചിക്ക് തുപ്പുനാര്, പ്‌ഡികുത്തുലു അയാള്‌ന കുത്തുനാര്. ലേസ ആള്‌ഗാള് അയാള് സെ്ഗ്‌ഡ്‌ന അഡിത്ത്:

മത്തായി 5:47

എ്ണേവുഗാറാര്‌ന താനെ നിമ്മ ബിനാത്തി നായനൊഡിന്ത് നഡാന്തദാന അഡ്‌ത്തവാര് ഗേവാദ്‌ക്ക് അദിഗ നിമ്മ എന്ത് ഗേന്റ്‌റ്? സാമിന തെര്യാത്ത ആള്‌ഗാള്‌മ് അത്തേത്തെ ഗേന്റാരല്ല?

മര്‌ക്കോസു 14:65

പഗ്‌ദ്യാള്‌ഗാള് അയാള്‌ക്ക് തുപ്പുനാര്, അവാര് അയാള് കണ്ണ്‌ന കെ്ട്ടി പ്‌ഡികുത്തുലു അയാള്‌ന കുത്തുനാര്. <<നീ ഒന്റു സാമിദാസല്ല? ആര് നിനാന അഡിത്താദ് എന്റ് സൊല്ലു>> എന്റ് അവാര് അയാള്‌ന കേ്ട്ടാര്. കാവഗാറാര് ഏസ്സ്‌ന എ്ഡ്‌ത്ത് പോയി അഡിത്ത്‌പ്‌ഡിത്ത് ഗേന്താര്.

ലൂക്കോസു 6:32

നിമാന സീവാന്‌ബെത്ത് നഡാക്ക്‌ന്റവാരോഡ താനെ നിമ്മ സീവാന്‌ബെത്ത് നഡാന്തദാന നിമാക്ക് എന്ത് ഉവഗര? പാവ ഗേന്റവാര്‌മ് തമാന സീവാന്‌പഡ്‌ന്റവാര്‌ന സീവാന്‌പഡ്‌ന്റാരല്ല.

1 കൊരിന്ത്യഗാറാര് 4:11

ഇന്നാമാട്ട്‌ക്ക് എമ്മ തിന്ന്യ ഇല്ലാദേമ് കുഡിക്ക്യ ഇല്ലാദേമ് ഇക്ക്യ നല്ല സീലെസിലാപ്പ് ഇല്ലാദേമ് ഇര്‌ക്ക്‌ന്റേമ്. എമ്മ അഡി ബാങ്ക്‌ന്റേമ്. എമ്മ ഒന്റേ പട്ട്‌ല് ഇര്‌ക്ക്യ മുഡ്യാദെ ആങ്കീങ്ക് പോന്റേമ്.

ഗലാത്ത്യഗാറാര് 4:18

നാന് നിമ്മോഡിര്‌ക്കാട്ടി താനേമല്ല, ഏദ്‌ഗളിഗേക്ക്‌മ് നല്ല കാര്യഗാള്‌ക്ക് ബേ്ണ്ടി സുറുസുറുപ്പു കാട്ടുവാദ് നല്ലാദ്‌ത്തെ.

എപസോസുഗാറാര് 5:10

അദ്‌നാലെ ആണ്ടവാന്‌ക്ക് മെച്ച്‌പ്‌ഡിക്കുവ കാര്യഗാള് എന്തെന്റ് തെരിന്ത് അദ്‌ന ഗേഡൊ.

പിലിപ്പ്യഗാറാര് 4:18

എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.

1 പത്ത്‌റോസു 2:19

എന്ത്‌ക്കെന്റ് സൊന്ന സാമിന നെനേത്ത് നിമ്മ കുറ്റ ഗേഗാദെ കൊഡിമെപഡുവദാന സാമി നിമാന നെനേത്ത് പിര്യപഡുവാന്.

1 പത്ത്‌റോസു 3:14

ആന നേര്‌മുള്ള കാര്യ ഗേന്ത് ഗുഡി കജട്ട ബന്തദാന നിമ്മ ബാഗ്യകേ്ട്ടവാര്‌ത്തെ. <<അവാര് നിമാന അഞ്ച്‌സുവാദ്‌ന കണ്ട് നിമ്മ അഞ്ചാമ് ബേ്ഡ, അദ്‌റാമ് ബേ്ഡ.>>

1 പത്ത്‌റോസു 3:17

നിമ്മ നല്ലാദ് ഗേന്താദ്‌നാലെ കജട്ട പഡുവാദ് സാമിക്ക് പിര്യര്‌ക്കുവ കാര്യ ആയിന്തദാന കെ്ട്ടാദ് ഗേന്ത് കജട്ട പഡുവാദ്‌ന ബ്‌ഡ അദ് നല്ലാദ്‌ത്തെ.