1 പത്ത്‌റോസു 2:17 - സാമി സേദി

¹⁷ എല്ലാവാര്‌നാമ് മദിസി നഡാന്, ഏസ്സ്‌ഗാറാരോഡ സീവാന്‌ബെത്ത് നഡാന്, സാമിക്ക് അഞ്ച്‌ന്, രാജാവുന മദ്‌സ്‌ന്.

1 പത്ത്‌റോസു 2:17 ပူးပေါင်းရင်းမြစ်များ

മത്തായി 22:21

അദുക്കുള: <<റോമ നാഡ് രാജാവുത്തു>> എന്റ് അവാര് സൊന്നാര്. <<അത്ത്യാന റോമ നാഡ് രാജാവുക്കുള്ളാദ്‌ന റോമ നാഡ് രാജാവുക്കുമു സാമിക്കുള്ളാദ്‌ന സാമിക്ക്‌മ് കൊഡുനു>> എന്റ് ഏസ്സ് അവാര്‌ക്ക് സൊന്നാന്.

ഓഗന്നാന് 13:35

നിമ്മ ആങ്കീങ്ക് സീവാന്‌ബെത്ത് നഡാന്തദാന നിമ്മ എന്ന് സൊല്ലുപഡി നഡാക്ക്‌ന്റവാര്‌ത്തെ എന്റ് എല്ലാ ആള്‌ഗാള്‌ക്ക്‌മ് തെരിവു.>>

റോമഗാറാര് 12:10

ക്‌റ്‌സ്‌ത്ത്‌ന നമ്പിര്‌ക്കുവ നിമ്മ പെ്റ്റപ്‌റാപ്പ്‌ഗാള്‌ന പാസെ ആങ്കീങ്ക് സീവാന്‌ബെത്ത് നഡാന്, ആങ്കീങ്ക് മദിസി നഡാക്കുവ കാര്യാത്ത്‌ല് നിമ്മ മുന്ത്‌നവാര് ആയിര്‌ന്.

റോമഗാറാര് 13:7

എല്ലാവാര്‌ക്ക്‌മ് കൊഡുക്ക്യ ഉള്ളാദ്‌ന കൊഡുക്കുഡൊ. കന്ത്യ കൊഡുക്ക്യുള്ളവാന്‌ക്ക് കന്ത്യനാമ് ബരിപണ കൊഡുക്ക്യുള്ളവാന്‌ക്ക് ബരിപണാമ് മദ്‌പ്പ് കൊഡുക്കുന്റവാന്‌ക്ക് മദ്‌പ്പ്‌മ് കൊഡുക്കുഡൊ. മാന കാട്ട്‌ന്റവാന്‌ക്ക് മാനാമ് കാട്ടുഡൊ.

2 കൊരിന്ത്യഗാറാര് 7:1

എനാക്ക് മെച്ച്‌പ്‌ഡിത്ത എ്ണേവുഗാറാരെ, ഈ ഒറേപ്പ് നമാക്ക് ഇര്‌ക്കുവാദ്‌നാലെ നമ്മ് സരിഗലനാമ് മനേസ്സ്‌നാമ് കെ്ഡ്‌സുവ എല്ലാ പാവഗാള്‌നാമ് ബ്‌ട്ട്‌തള്ളി നമാന താനെ ബെ്ഡിപ്പ് മാഡുഡൊ. അത്തെ നിമ്മ സാമിക്ക് അഞ്ചി പാവകറെഗാള് ഒന്റുമില്ലാദെ സുത്താപ്പുള്ളവാരായി പെ്ളേന്.

എപസോസുഗാറാര് 5:21

നിമ്മ ഇന്നാല് ക്‌റ്‌സ്‌ത്തോഡ എ്ണേന്ത് പെ്ളേക്കുവ പുദ്യ പെ്ളേപ്പ് എത്ത്‌റാഗോ ദൊഡ്ഡ പെ്ളേപ്പ് എന്റ് നെനേത്ത് ആങ്കീങ്ക് സൊല്ലുവ നായാക്ക് കെ്ട്ട്‌പട്ട് നഡാന്.

പിലിപ്പ്യഗാറാര് 2:3

നിമ്മ ഒന്റു കാര്യ ഗേഗാട്ടി നിമാന താനെ ദൊഡ്ഡവാര് എന്റ് നെനേക്ക്യ ബേ്ണ്ടിമ് നിമ്മ ഗേവാദ്‌ന പറ്റി ഏസ്സി നഡാക്ക്യ ബേ്ണ്ടിമ് നിമ്മ ഗേഗാദേന്. അദ്‌ക്ക് ബദ്‌ല നിമ്മ തണിന്ത് നഡാക്ക്‌ന്റവാര് ആയിന്ത് അഡ്‌ത്തവാര്‌ന നിമാന ബ്‌ഡ ദൊഡ്ഡവാര് എന്റ് നെനേത്ത് കൊണ്ടു നിമ്മ ഗേഡൊ.

1 തിമിത്തോസു 6:1

സാമി പേര്‌ക്ക്‌മ് നമ്മ പഡിസി കൊഡുക്കുവ കാര്യഗാള്‌ക്ക്‌മ് മാനകേ്ഡ് ബരാദിര്‌ക്ക്യ ബേ്ണ്ടി പണ്ണ്യഗിലാസ ഗേവ ഏസ്സ്‌ഗാറാര് തമ്മ് പണ്ണാഡിഗാള്‌ന എല്ലാ കാര്യാത്ത്‌ല്‌മ് മദ്‌സുഡൊ.

എവുറായാര് 13:1

ഏസ്സ്‌ഗാറാര് ആയിര്‌ക്കുവ നിമ്മ ഇന്നാല് സീവാന്‌ബെത്ത് നഡാക്കുവ പാസെ ഇന്നിമ് ആങ്കീങ്ക് സീവാന്‌ബെത്ത് നഡാക്കുഡൊ.

1 പത്ത്‌റോസു 1:22

നിമ്മ സത്ത്യാക്ക് കെ്ട്ട്‌പട്ട് നഡാക്കുവാദ്‌നാലെ ഇന്നാല് നിമ്മ നിമാന താനെ സുത്താപ്പുള്ളവാര് മാഡ്‌ന്റ്റ്. അദ്‌നാലെ നിമ്മ ഏസ്സ്‌ന നമ്പിര്‌ന്റവാരോഡ മനേസ്സാറ സീവാന്‌ബെത്ത് കൊണ്ടുമു ആങ്കീങ്ക് ഉജുരുക്കുജുര സീവാന്‌ബെത്ത് കൊണ്ടുമു നഡാന്.

1 പത്ത്‌റോസു 2:13

മന്‌സാന് ബെത്ത്‌റ്‌ക്കുവ എല്ലാ അദിഗരഗാള്‌ക്ക്‌മ് ആണ്ടവാന്‌ക്ക് ബേ്ണ്ടി കെ്ട്ട്‌പട്ട് നഡാന്. അദ് എല്ലാദ്‌ക്ക്‌മ് അദിഗാരി ആയിര്‌ക്കുവ രാജാവാനാല്‌മ് സെരി,

1 പത്ത്‌റോസു 5:5

അദേപാസെത്തെ ബീ്ണാരെ, മൂപ്പനാമ് സൊല്ലുപഡിക്ക് നഡാന്. നിമ്മ ആങ്കീങ്ക് തണിമോഡ കെ്ട്ട്‌പട്ട് നഡാന്. എന്ത്‌ക്കെന്റ് സൊന്ന, <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്.>>