1 പത്ത്‌റോസു 2:12 - സാമി സേദി12 എഗുദാരല്ലാത്ത ജാദിഗാള് പട്ട്‌ല് നിമ്മ നലമായി പെ്ളേക്കുഡൊ. അത്തെ നിമ്മ കെ്ട്ട കാര്യഗാള് ഗേന്റവാര് എന്റ് സൊല്ലുന്റവാര് നിമ്മ ഗേവ നല്ല കാര്യഗാള്‌ന കണ്ട് സാമി ബരുവ നാള് സാമിന ദൊഡ്ഡവാന് എന്റ് സൊല്ലുവാര്. အခန်းကိုကြည့်ပါ။ |
1 പത്ത്‌റോസു 2:12
46 ပူးပေါင်းရင်းမြစ်များ
<<ഇസ്‌റവേല്‌ഗാറാര്‌ക്ക് സാമ്യായിര്‌ക്കുവ ആണ്ടവാന് ദൊഡ്ഡവാന്‌ത്തെ. എന്ത്‌ക്കെന്റ് സൊന്ന തന്ന് കാര്യാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവ സാമിദാസ്‌ഗാള്‌ന ബെത്ത് സാമി മുന്തെ കാലാത്ത്‌ലിന്തേ സൊല്ലിന്ത പാസെ തന്ന് ജനഗാള്‌ന ബ്‌ഡിസ്യ ബേ്ണ്ടി അവാര് പട്ട്‌ക്ക് ബന്താന്. തന്ന് ഗിലാസഗാറാന് ദാവീദ് കാല്‌കെ്ളേലിന്ത് നമാന കാപാറ്റ്യ ബേ്ണ്ടി മിദിമീ്റ്‌ന ബില ഇര്‌ക്ക്‌ന്റവാന്‌ന സൊല്ലി ബ്‌ട്ട്‌റ്‌ക്ക്‌ന്റാന്. അയാള് നമാന കണ്ണ്‌ക്ക് പ്‌ഡിക്കാത്ത എല്ലാ പോട്ടിഗാറര് കയിലിന്ത്‌മ് കാപാറ്റുവാന്.
ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
കഡേസില്, ഏസ്സ്‌ഗാറാരെ, നാന് ഒന്റു കാര്യ ഗുഡി നിമാക്ക് സൊന്റെ. നിമ്മ സത്ത്യമാന കാര്യഗാള്‌ന പറ്റിമ്, എല്ലാവാര്‌മ് നല്ലാദെന്റ് സൊല്ലുവ കാര്യഗാള്‌ന പറ്റിമ്, ആര്‌മ് കുറ്റ സൊല്ലാത്ത കാര്യഗാള്‌ന പറ്റിമ്, എല്ലാവാര്‌ക്ക്‌മ് മെച്ച്‌പ്‌ഡിത്ത കാര്യഗാള്‌ന പറ്റിമ്, എല്ലാവാര്‌മ് പെരിമെപഡുവ കാര്യഗാള്‌ന പറ്റിമ്‌ത്തെ നെനേക്കുഡൊ.
നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.
നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ