1 പത്ത്‌റോസു 2:1 - സാമി സേദി1 അദ്‌നാലെ കെ്ട്ട കാര്യഗാള് ഗേവാദ്‌നൊട്ടുക്കുമു, ബഞ്ചണെ ഗേവാദ്‌നൊട്ടുക്കുമു, ബക്‌തിഗാറാരായി നഡിക്കുവാദ്‌നാമ്, കണ്ണ്‌കഡി ബെത്ത് നഡാക്കുവാദ്‌നാമ്, അഡ്‌ത്തവാര്‌ന പറ്റി എല്ലാ ദിന്‌സ്‌ല് കുറ്റ സൊല്ലി നഡാക്കുവാദ്‌നാമ് നിമ്മ താനെ തള്ള്‌ന്. အခန်းကိုကြည့်ပါ။ |
1 പത്ത്‌റോസു 2:1
50 ပူးပေါင်းရင်းမြစ်များ
നിന്ന് കണ്ണ്‌ല് ഇര്‌ക്കുവ മുട്ടിതോര സണ്ട്‌ന കാണാദെ <മാ, നില്ല് നിന്ന് കണ്ണ്‌ല സണ്ട്‌ന എ്ഡ്‌ത്ത് തള്ള്‌ന്റെ> എന്റ് എത്തെ നിനാക്ക് അഡ്‌ത്തവാന്‌ക്ക് സൊല്ല്യ മുഡിമ്? ബക്‌തിഗാറാനായി നഡിക്ക്‌ന്റവാനെ, നീ മുദാല് നിന്ന് കണ്ണ്‌ല് മുട്ടിതോര ഇര്‌ക്കുവ സണ്ട്‌ന എ്ഡ്‌ത്ത് തള്ള്. അന്നാപ്പ്‌ത്തെ അഡ്‌ത്തവാന് കണ്ണ്‌ല സ്‌ന്ന സണ്ട്‌ന എ്ഡ്‌ത്ത് തള്ള്യ നിനാക്ക് സൊക്കാന കാട്ട്‌മ്.>>
അവാര് എല്ലാ ദിന്‌സ്‌ല നേര്‌മല്ലാത്ത കാര്യഗാള്‌മ് കെ്ട്ട കാര്യഗാള്‌മ് പേരാസെപട്ട് ഗേവ കാര്യഗാള്‌മ് ആങ്കീങ്ക് ഗേവ മോസ കാര്യഗാള്‌മ് ഗേന്റവാര്‌ത്തെ. അവാര് കണ്ണ്‌കഡി നെനേവുലേ നഡാക്ക്‌ന്റവാര്‌മ്, കൊലെ ഗേയ ആസെപഡുവ നെനേവുലേ നഡാക്ക്‌ന്റവാര്‌മ്, മല്ല്‌പ്‌ഡിക്ക്‌ന്റവാര്‌മ്, സദിക്കുവ നെനേവു ബെത്ത് കൊണ്ടു നഡാക്ക്‌ന്റവാര്‌മ്, പഗേത്ത് നഡാക്ക്‌ന്റവാര്‌മ്, നൊണ്ടു സൊല്ലി നഡാക്ക്‌ന്റവാര്‌മ്‌ത്തെ.
നമ്മ് പെസഗെ നോമ്പി എന്നുവാദ് ക്‌റ്‌സ്‌ത്ത് നമാന ബ്‌ഡ്‌സ്‌നാദ്‌ന നെനേക്കുവാദ്‌ത്തെ. അയി നോമ്പി കെ്ട്ടാദ്‌മ് ആഗാത്താദ്‌മാന പളാക്കഗാള്‌ന ബെത്ത് കൊണ്ടല്ല ഗേവാദ്. അത്തെ ഗേന്ത അദ് പള്യ പുളിര്‌ക്കുവ അഡേല് ഗേവ നോമ്പിത്തെ. അദ്‌ക്ക് ബദ്‌ല കീ്ട്ട്‌ഗ ഇല്ലാത്ത മനേസ്സ്‌ഗാറാര്‌മ് സത്ത്യത്തോഡാമ് ഇര്‌ക്ക്‌ന്റവാര്‌മ് ആയിത്തെ അയി നോമ്പി ഗേഡൊ. അദ്‌ത്തെ പുളില്ലാത്ത അഡേല് ഗേവ നോമ്പി.
നാന് അദ്‌ക്ക് ബര്‌ഗാട്ടി നാന് ആസെപഡാത്ത ദിന്‌സ്‌ല് നിമാന കാണുവേന് എന്റ്‌മ് നിമ്മ ആസെപഡാത്ത ദിന്‌സ്‌ല് നിമ്മ എനാന കാണുവുറു എന്റ്‌മ് നാന് അഞ്ച്‌ന്റെ. ആങ്കീങ്ക് മല്ല്, കണ്ണ്‌കഡി, മുട്ടുമൊനെ, അവനവാന് കാര്യ താനെ നോഡുവാദ്, അഡ്‌ത്തവാര്‌ന നാണഗെ്ഡ്‌സുവാദ്, നൊണ്ടു സൊല്ലുവാദ്, ആര്‌ക്ക്‌മ് ഒദുങ്കാദെ ഇര്‌ക്കുവാദ്, കലമ്പാല് മാഡിര്‌ക്കുവാദ് എല്ലാ നിമ്മ് പട്ട്‌ല് ഇര്‌ക്കുമൊ എന്റ് നാന് അഞ്ച്‌ന്റെ.
അദേപാസെ സാമിക്ക് ബേ്ണ്ടി പെ്ളേക്ക്യ ഒപ്പിസി കൊഡുത്തവാര് പെ്ളേക്കുവ പാസെ പെ്ളേക്ക്‌ന്റവാര് ആയിര്‌ക്ക്യ അച്ച്യാമ്‌ഗാള്‌ക്ക്‌മ് സൊല്ലു. അവാര് നൊണ്ടു സൊല്ലാത്തവാര്‌മ്, ഊറബെത്ത മുന്തിരി സാര മൊത്തനാക്ക് കുഡിക്കത്തവാര്‌മ് ആയിര്‌ക്കുഡൊ. അദ്‌ക്ക് ബദ്‌ല നല്ലാദ് ഏദൊ അദ്‌ന അയി അച്ച്യാമ് പഡ്‌സ്‌ന്റവാര്‌മ് ആയിര്‌ക്കുഡൊ.
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?
ကြော်ငြာတွေ