അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<സാമി എല്ലാദ്‌നാമ് പുദ്യാദ് മാഡ്‌ഗാട്ടി മന്‌സാനായി പ്‌റാന്തവാന് തന്ന് മദ്‌പ്പുള്ള കുറുഞ്ചില് കുക്കാന്ത് ആള്‌ഗാട്ടി എന്ന് പിന്ന്‌മേലെ ബന്ത്‌റ്‌ക്കുവ നിമ്മാമ് പന്നന്റ് കുറിഞ്ചില് കുക്കാന്ത് ഇസ്‌റവേല്‌ല പന്നന്റ് കുലഗാറാര്‌ന ആളുവുറു എന്റ് നാന് നിമാക്ക് സത്ത്യമായിമ് സൊന്റെ.
1 പത്ത്‌റോസു 1:7 - സാമി സേദി7 ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്. အခန်းကိုကြည့်ပါ။ |
1 പത്ത്‌റോസു 1:7
53 ပူးပေါင်းရင်းမြစ်များ
അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.
ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.
നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.
ကြော်ငြာတွေ