1 പത്ത്‌റോസു 1:3 - സാമി സേദി3-4 നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്. အခန်းကိုကြည့်ပါ။ |
1 പത്ത്‌റോസു 1:3
56 ပူးပေါင်းရင်းမြစ်များ
ആന അളാവുക്കു മീ്റി സീവാന് പട്ട സാമി തന്ന് സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു സത്തവാര്‌ന പാസെ ആയിന്ത നമാന ക്‌റ്‌സ്‌ത്തോഡൊപ്പ ഉജുരുളാക്ക്‌നാന്. സാമി നമാക്ക് പ്‌ണ്ണ്യ ഗേന്ത് സാമി മൊനേക്ക് ആളായിന്ത നമാന അദ്‌ലിന്ത് കാപാറ്റ്‌നാന്. അദ്‌നാലെ സാമി നമ്മോഡ ബെത്തിന്ത മൊനേന ബ്‌ഡ സാമി നമാന പട്ട ഗവാത്തെ എത്ത്‌റാഗോ ദൊഡ്ഡാദ്.
ഇത്തെ ഏസ്സ് ക്‌റ്‌സ്‌ത്ത്‌നാലെ തന്ന് ഏസ്സ്‌ഗാറാര് കൂട്ടായിര്‌ക്കുവ നമാന തന്ന് സക്‌തില് ആണ്ട് ബരുവ സാമിക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. നമ്മ അയാളോഡ കേ്ള്‌ക്കുവാദ്‌ന ബ്‌ഡാമ് കേ്ള്‌ക്ക്യ നെനേക്കുവാദ്‌ന ബ്‌ഡാമ് ദൊഡ്ഡ കാര്യഗാള് ഗേന്ത് തര്യ മുഡിവ ഒന്റേ സാമിക്ക് പേര്‌മ് പെരിമേമ് ഇര്‌ക്കുഡൊ. ആമേന്.
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
നിമാക്ക് നമ്പിക്കെ ഇര്‌ക്കുവാദ്‌നാലെ ഗേവ ഗിലാസഗാള്‌നാമ്, സീവാന് ഇര്‌ക്കുവാദ്‌നാലെ ഏസ്സ്‌ഗാറാര്‌ന കയിതാങ്കുവ കാര്യഗാള്‌നാമ്, ആണ്ടവാന് ഏസ്സ് ക്‌റ്‌സ്‌ത്ത്‌ലിന്ത് നിമാക്ക് കെ്ഡേക്ക്യ പോവ കാര്യഗാള്‌ക്ക് ബേ്ണ്ടി ഒറേപ്പോഡ നെഞ്ചഡെബെത്ത് നിമ്മ പൊറിമോഡ കാത്ത്‌റ്‌ക്കുവാദ്‌നാമ് നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് മുന്നുക്കു നെനേത്ത് കൊണ്ടു ഒപ്പ നണ്ണി സൊന്റേമ്.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
ആണ്ടവാനാന ക്‌റ്‌സ്‌ത്ത്‌ന നിമ്മ് മനേസ്സ്‌ല് മദ്‌സുഡൊ. നിമാക്കിര്‌ക്കുവ നെഞ്ചഡെന പറ്റി കേ്ള്‌വി കേ്ള്‌ക്ക്‌ന്റവാരോഡെല്ല തണിമോഡാമ് മര്യാദോഡാമ് ബദ്‌ല് സൊല്ല്യ നിമ്മ ഏദ്‌ഗളിഗേമ് ഒരിങ്കിര്‌ക്കുഡൊ. ക്‌റ്‌സ്‌ത്ത് സൊല്ലുപഡിക്ക് പെ്ളേക്കുവാദ്‌നാലെ നിമ്മ ഗേവ നല്ല കാര്യഗാള്‌ന പറ്റി കുറ്റ സൊന്റവാര് തമ്മ സൊന്ന കുറ്റന നെനേത്ത് നാണഗെ്ട്ട് പോയ ബേ്ണ്ടി നിമ്മ് മനേസ്സ് സുത്താപ്പുള്ളാദ് ആയിര്‌ക്കുഡൊ.
ကြော်ငြာတွေ