1 പത്ത്‌റോസു 1:18 - സാമി സേദി

¹⁸ നിമ്മ് പാട്ടിപാട്ടനാമ് ബെത്ത സട്ട്‌മെ്ട്ട്‌പഡി പെ്ളേത്തിന്ത അര്‌ത്തില്ലാത്ത പെ്ളേപ്പ്‌ലിന്ത് നിമാന തിരിക്കി എ്ഡ്‌ക്ക്യ ബെലെ കൊഡുത്താദ് പൊന്നൊ ബെ്ള്ള്യൊ അത്തെ ഇര്‌ക്കുവ അളിന്ത് പോവ ജാദിഗാള്‌ന ബെത്തല്ല.

1 പത്ത്‌റോസു 1:18 ပူးပေါင်းရင်းမြစ်များ

മര്‌ക്കോസു 8:37

മറിസി തന്ന് പോന ഉജുരുന കെ്ഡേസ്യ ബദ്‌ലായി മന്‌സാന് എന്ത്‌ന കൊഡുക്കുവാന്?

റോമഗാറാര് 1:21

അവാര് സാമിന തെരിന്ത് ഗുഡി സാമിക്ക് സാമ്യെന്നുവ മദ്‌പ്പ് കൊഡുക്കാദേമ് നണ്ണി സൊല്ലാദേമ് ഇന്താര്. അല്ലാദെ താനെ അവാര് ബുദ്ദിബോദ ഇല്ലാത്ത നെനേവുഗാറാര്‌മ് നല്ലാദ് കെ്ട്ടാദ് എന്തെന്റ് തെര്യാത്ത മനേസ്സ്‌ഗാറാര്‌മ് ആയി തള്ള്‌നാര്.

1 കൊരിന്ത്യഗാറാര് 3:20

അദ്‌താനേമല്ല, <<അറിവാളിഗാള് നെനേക്കുവ നെനേപ്പ് ഉവഗര ഇല്ലത്താദ് എന്റ് ആണ്ടവാന്‌ക്ക് തെരിന്റ്>> എന്റ്‌മ് എ്ള്‌ദിര്‌ക്ക്‌ന്റല്ല.

1 കൊരിന്ത്യഗാറാര് 6:20

അദ്‌നാലെ സാമിന പെരിമെപഡുസുവ ദിന്‌സ്‌ല് നിമ്മ് സരിഗലാത്ത്‌ല് നിമ്മ പെ്ളേന്.

1 കൊരിന്ത്യഗാറാര് 7:23

സാമി നിമാന ബെലേക്ക് ബാങ്കിര്‌ന്റാന്, അദ്‌നാലെ നിമ്മ മന്‌സാര് നായാക്ക് അഡിമെഗാള് ആഗദേന്.

ഗലാത്ത്യഗാറാര് 1:4

നമ്മ് പാവാന തീത്ത് ഈ കേ്ഡ്‌ഗെ്ട്ട ഉലഗാത്ത്‌ലിന്ത് നമാന കാപാറ്റ്യ ബേ്ണ്ടി ക്‌റ്‌സ്‌ത്ത് തനാന താനെ പലി കൊഡുത്താന്. ഇദ്‌ത്തെ അപ്പാനാന സാമി ആസെപട്ടിന്ത കാര്യ.

എപസോസുഗാറാര് 4:17

അദ്‌നാലെ നാന് കണ്ടിപ്പായി നിമാക്ക് സൊല്ലുവാദ് എന്തെന്റ് സൊന്ന, സാമ്യോഡ എ്ണേവു ബെത്ത് നഡാക്കാത്ത അന്ന്യ ജാദിഗാള് തമ്മ് മനേസ്സ്‌ല് കെ്ട്ട എ്ണ്ണഗാള് ബെത്ത് പെ്ളേക്കുവ പാസെ നിമ്മ ഇന്നി പെ്ളേക്ക്യ പാങ്കില്ലെ.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

എവുറായാര് 9:12

അയാള് ആഡ്‌ഗാള്‌ത്തൊ ഓരി കഡേസ്‌ഗാള്‌ത്തൊ സോരെന എ്ഡ്‌ത്ത് കൊണ്ടല്ല, തന്ന് സൊന്ത സോരെന എ്ഡ്‌ത്ത് കൊണ്ടുത്തെ ഒന്റേ ഒന്റു ജമ്പ് അരാങ്ക കുച്ചുക്കു കഡാന്താദ്. ഇത്തെ ഗേന്ത് നമ്മ് പാവാത്ത്‌ലിന്ത് അയാള് നമാന എന്നാല്‌ക്ക്‌മായി ബ്‌ഡ്‌സ്‌നാന്.

1 പത്ത്‌റോസു 1:7

ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്.

1 പത്ത്‌റോസു 4:3

സാമി സൊല്ലുപഡിക്ക് നഡാക്കാത്ത ആള്‌ഗാള് ഗേവ കാര്യഗാള്‌ന ഗേന്ത് കൊണ്ടു നിമ്മ മുന്നുക്കു പെ്ളേത്തിന്ത്‌റ്. അത്തെ പെ്ളേത്ത്‌റ്‌ക്കാട്ടി ബേസ്യാഡി നഡാക്കുവാദ്‌ല്‌മ്, ആസെപാഡ് പട്ട് നഡാക്കുവാദ്‌ല്‌മ്, ബോദേ്റുവ ജാദിഗാള്‌ന കുഡിക്കുവാദ്‌ല്‌മ്, കുഡിത്ത്‌കൂത്താഡി നഡാക്കുവാദ്‌ല്‌മ്, കൂട്ട കൂഡി കുഡിത്ത് പിര്യാക്കിക്കി നഡാക്കുവാദ്‌ല്‌മ്, കുമ്മുഡ ബേ്ഡ എന്റ് സൊല്ലിര്‌ക്കുവ സെലെന കുമ്മുഡുവ കാര്യാല്‌മ് നിമ്മ എഞ്ചോ കാല മദിമറാന്തിന്താദ് മദി.

1 ഓഗന്നാന് 3:5

സാമി സട്ടാക്ക് മീ്റി പാവ ഗേന്റവാര് പാവഗാള്‌ന തീര്‌ക്ക്യാത്തെ ക്‌റ്‌സ്‌ത്ത് മന്‌സാനായി ബന്താദെന്റ് നിമാക്ക് തെരിമ്. ക്‌റ്‌സ്‌ത്ത് സാമി സട്ടാക്ക് മീ്റി പാവ ഒന്റുമു ഗേഗാലെ.