1 പത്ത്‌റോസു 1:17 - സാമി സേദി17 കച്ചി പ്‌ഡിക്കാദെ അവനവാന് ഗേവ ഗിലാസാക്ക് തഗ്‌ന്ത പാസെ ഒന്റൊന്റാള്‌നാമ് ബിദിക്ക്‌ന്റവാന്‌നാത്തെ അപ്പാന് എന്റ് നിമ്മ സൊല്ലുവദാന പരദേസിഗാളായി പെ്ളേക്കുവ ഇന്ന്യുള്ള നിമ്മ് പെ്ളേപ്പ് ബക്‌ത്യോഡ പെ്ളേന്. အခန်းကိုကြည့်ပါ။ |
1 പത്ത്‌റോസു 1:17
33 ပူးပေါင်းရင်းမြစ်များ
പ്‌റ തമ്മ് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള്‌ന എരോദ്യരോഡ സൊല്ലി ബ്‌ട്ടാര്. അവാര് ബന്ത്: <<ഗുരുവെ, നീ സത്ത്യാന നേരെ സൊല്ലുന്റവാന് എന്റ്‌മ്, മന്‌സാര് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന അദേപാസെ പഡ്‌സ്‌ന്റവാന് എന്റ്‌മ് എമാക്ക് തെരിവു. ആര്‌നാമ് മൂഞ്ചിമുഗ നോഡാത്തവാന് ആനാദ്‌നാലെ മന്‌സാര് എന്ത്‌ന നെനേക്ക്‌ന്റാര് എന്റ്‌ഗുഡി അഞ്ചാലെ എന്റ്‌മ് എമാക്ക് തെരിന്റ്.
നിമ്മ പട്ട ഈ ദുക്കന ബെത്ത് സാമി നിമാക്ക് എന്ത് ഗുണ ഗേന്ത്‌റ്‌ന്റാന് എന്റ് നോഡുനു. അയി ദുക്ക നിമാന സുറുസുറുപ്പുള്ളവാര് മാഡ്‌റ്റ്. നിമ്മ തപ്പ് ഗേഗാത്തവാരായി പെ്ളേക്ക്യ പഡിത്ത്‌റ്, തപ്പ് ഗേവാദ്‌ന ബെ്റ്‌ക്ക്യാമ് അദ് ഗേഗാദിര്‌ക്ക്യാമ് പഡിത്ത്‌റ്, സാമിന പിര്യപഡിസ്യാമ് അയാള്‌ക്ക് ബേ്ണ്ടി പെ്ളേക്ക്യാമ് പഡിത്ത്‌റ്, തപ്പ് ഗേന്റവാര്‌ന ദെ്ണ്ടിക്ക്യാമ് പഡിത്ത്‌റ്. ഇത്തെ നിമ്മ എല്ലാ കാര്യഗാള്‌മ് നലമായി ഗേയ പഡിത്ത്‌റ്.
അദ്‌നാലെ പണ്ണാഡിഗാളെ, നിമ്മ ഗേവ ഗിലാസാന എത്ത്‌റാക്ക് സൊക്കാന ഗേന്റ്‌റ് എന്റ് നോഡികൊണ്ടു ഗിലാസഗാറാര്‌ന ഗിലാസ ഗേസ്‌ന്. നിമാക്ക് ബേ്ണ്ടി ഗിലാസ ഗേന്റവാര്‌ന മെ്റ്‌ട്ടദേന്. എന്ത്‌ക്കെന്റ് സൊന്ന നിമാക്ക്‌മ് ഗിലാസഗാറാര്‌ക്ക്‌മ് അദാദ് ഗിലാസാന തന്തവാന് മേലോഗാത്ത്‌ലിന്ത് നോഡി കൊണ്ട്‌റ്‌ന്റാന്. അയാള് ആര്‌നാമ് ദൊഡ്ഡവാനെന്റൊ സ്‌ന്നവാനെന്റൊ നോഡി നഡാത്ത്‌ന്റവാനല്ല എന്നുവാദ്‌ന തെരിന്ത്‌റ്‌ന്.
അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ.
ആണ്ടവാനാന ക്‌റ്‌സ്‌ത്ത്‌ന നിമ്മ് മനേസ്സ്‌ല് മദ്‌സുഡൊ. നിമാക്കിര്‌ക്കുവ നെഞ്ചഡെന പറ്റി കേ്ള്‌വി കേ്ള്‌ക്ക്‌ന്റവാരോഡെല്ല തണിമോഡാമ് മര്യാദോഡാമ് ബദ്‌ല് സൊല്ല്യ നിമ്മ ഏദ്‌ഗളിഗേമ് ഒരിങ്കിര്‌ക്കുഡൊ. ക്‌റ്‌സ്‌ത്ത് സൊല്ലുപഡിക്ക് പെ്ളേക്കുവാദ്‌നാലെ നിമ്മ ഗേവ നല്ല കാര്യഗാള്‌ന പറ്റി കുറ്റ സൊന്റവാര് തമ്മ സൊന്ന കുറ്റന നെനേത്ത് നാണഗെ്ട്ട് പോയ ബേ്ണ്ടി നിമ്മ് മനേസ്സ് സുത്താപ്പുള്ളാദ് ആയിര്‌ക്കുഡൊ.
ကြော်ငြာတွေ