1 ഓഗന്നാന് 5:9 - സാമി സേദി

⁹ ഒന്റു കാര്യന പറ്റി ഒന്റൊ റാഡൊ ആള്‌ഗാള് സൊല്ലുവാദ്‌നഗേ നേരെന്റ് നമ്മ നമ്പ്‌ന്റാമ്. അത്ത്യാന ഏസ്സ് സാമിമഗാന്‌ത്തെന്റ് സാമി മൂറു ദിന്‌സ്‌ല് കാട്ടി തന്ത്‌റ്‌ക്കുവാദ്‌ന നമ്മ ഉറുദ്ദ്യായി നമ്പുഡോമല്ല?

1 ഓഗന്നാന് 5:9 ပူးပေါင်းရင်းမြစ်များ

മത്തായി 17:5

ഇത്തെ പത്ത്‌റോസു സൊല്ലികൊണ്ടു ഇര്‌ക്കാട്ടിതാനെ ബെ്ള്‌സ ദഗദഗാത്ത് എരേവ മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്. ഇവാന്‌ന എനാക്ക് പിര്യപ്‌ഡിത്ത്‌റ്‌ക്ക്‌ന്റ്. ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.

ഓഗന്നാന് 10:38

ആന അയി കാര്യഗാള്‌ന നാന് ഗേവദാന നിമ്മ എനാന നമ്പാദെ പോനാല്‌മ് നാന് ഗേവ കാര്യഗാള്‌ന നമ്പ്‌ന്. അത്തെ നമ്പ്‌നദാന അപ്പാന് സാമി എന്നോഡാമ് നാന് അപ്പാന് സാമ്യോഡാമ് ഇര്‌ക്കെന്റ് എന്റ് നിമാക്ക് ഒറേപ്പായിമ് തെരിമ്.>>

ഓഗന്നാന് 5:39

സാമി സൊല്ലുസുലാക്കന നിമ്മ സൊക്കാന പഡിത്ത് നോഡുന്റുറു. എന്ത്‌ക്കെന്റ് സൊന്ന അദ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്റ് എന്റ് നിമ്മ നെനേക്ക്‌ന്റ്‌റ്. ഈ സാമി സൊല്ലുസുലാക്ക നാന് ആരെന്റ് എനാന പറ്റി സൊല്ലി തന്റ്.

അപ്പോസുത്തലാര് 17:31

ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു ബിദിക്ക്യ സാമി ഒന്റു നാള് ബെത്ത്‌റ്‌ന്റാന്. ആര്‌ക്ക്‌മ് കുറ്റ സൊല്ല്യ മുഡ്യാത്ത പാസെ ആയിര്‌ക്കു അയി ബിദി. അദ് താന് തെരിന്തെ്ഡ്‌ത്ത മന്‌സാന്‌ന ബെത്ത്‌ത്തെ നഡാത്തുവാന്. അയി മന്‌സാന്‌ന സത്തവാര്‌ലിന്ത് ഉജുര്‌ളാക്ക്‌നാദ്‌നാലെ സാമി അദുക്കുള്ള ഒറേപ്പ്‌മ് ആള്‌ഗാള്‌ക്ക് ഒട്ടുക്കു കൊഡുത്ത്‌റ്‌ന്റാന്.>>

അപ്പോസുത്തലാര് 5:32

ഈ കാര്യഗാള്‌ന കണ്ട എമാക്ക്‌മ് തന്ന് നായ കേ്ള്‌ക്ക്‌ന്റവാര്‌ക്ക് സാമി കൊഡുക്കുവ തന്ന് നിഗാല്‌ക്ക്‌മ് അദ് നേര് എന്റ് സൊല്ല്യ മുഡിമ്.>>

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.

എവുറായാര് 6:18

സാമി ബാക്ക് കൊഡുത്താദ്‌മ് സത്ത്യ ഗേന്താദ്‌മ് മാറ്റ്യ മുഡ്യാത്ത റാഡ് കാര്യഗാള്‌ത്തെ. എന്ത്‌ക്കെന്റ് സൊന്ന സാമിക്ക് പൊയി സൊല്ല്യ മുഡ്യാമാട്ട. അദ്‌നാലെ പാദ്‌ഗാപ്പ്‌ക്ക് ബേ്ണ്ടി സാമി പട്ട്‌ക്ക് പോവ നമാക്ക് ഈ റാഡ് കാര്യഗാള് നമ്മ ബെത്ത്‌റ്‌ക്കുവ നെഞ്ചഡേല് ഒറേത്ത് നില്ല്യ ദയിരപഡ്‌സ്‌ന്റ്.

1 ഓഗന്നാന് 5:10

ഏസ്സ്‌ത്തെ സാമി മഗാനെന്റ് മൂറു ദിന്‌സ്‌ല് സാമി കാട്ടി തന്താദ്‌ന നമ്പ്‌ന്റവാന്‌ക്ക് ഏസ്സ് സാമിമഗാന്‌ത്തെന്റ് ഒറേപ്പിര്‌ക്ക്‌ന്റ്. അദ്‌ന നമ്പാത്തവാന് സാമിന പൊയി സൊല്ലുന്റവാന് മാഡ്‌ന്റാന്.

1 ഓഗന്നാന് 5:8

അദ് ഏദെല്ലെന്റ് സൊന്ന: സാമിനിഗാല്, ഏസ്സ് നീര്‌ക്ക് മുളുഗുന മുളുക്ക, ഏസ്സ് സൂസുന സോരെ. ഈ മൂറു ദിന്‌സ്‌ല് സൊല്ലുവ കാര്യഗാള്‌മ് ഒന്റേ പാസെ ഏസ്സ്‌ത്തെ സാമി മഗാനെന്റ് കാട്ടി തന്റ്.