1 ഓഗന്നാന് 5:8 - സാമി സേദി

⁸ അദ് ഏദെല്ലെന്റ് സൊന്ന: സാമിനിഗാല്, ഏസ്സ് നീര്‌ക്ക് മുളുഗുന മുളുക്ക, ഏസ്സ് സൂസുന സോരെ. ഈ മൂറു ദിന്‌സ്‌ല് സൊല്ലുവ കാര്യഗാള്‌മ് ഒന്റേ പാസെ ഏസ്സ്‌ത്തെ സാമി മഗാനെന്റ് കാട്ടി തന്റ്.

1 ഓഗന്നാന് 5:8 ပူးပေါင်းရင်းမြစ်များ

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

മര്‌ക്കോസു 14:56

എഞ്ചോ ആള്‌ഗാള് ബന്ത് ഏസ്സ്‌ന പറ്റി പൊയി സൊന്നാര്. ആന അവാര് സൊന്നാദെല്ല ഒന്റുക്കൊന്റുക്കുമു ഒത്തു ബരാലെ.

ഓഗന്നാന് 15:26

സാമിന പറ്റ്യുള്ള സത്ത്യന കാട്ടി തരുവ സാമിനിഗാല് എന്റ് സൊല്ലുവ തൊണെഗാറാന്‌ന നാന് സാമി പട്ട്‌ലിന്ത് നിമ്മ് പട്ട്‌ക്ക് സൊല്ലി ബ്‌ഡ്‌വെ. അയാള് സാമി പട്ട്‌ലിന്ത് നിമ്മ് പട്ട്‌ക്ക് ബന്ത് നാന് ആരെന്റ് സൊല്ലി തരുവാന്.

ഓഗന്നാന് 19:34

എന്റാല്‌മ് പട്ടളഗാറാര്‌ല് ഒരുത്താന് ഇ്ട്ടില് ഏസ്സ് അള്ളേന കുത്തുനാന്. അദുക്കുള അന്നാല് താനെ സോരേമ് നീര്‌മ് കഡാന്ത്‌ദ്.

അപ്പോസുത്തലാര് 15:15

സാമിദാസ്‌ഗാള് സൊല്ലിര്‌ക്കുവാദ് സെരിക്ക്‌മ് ഈ കാര്യനത്തെ. അദ് ഇത്തേത്തെ സൊല്ലിര്‌ക്കുവാദ്.

റോമഗാറാര് 8:16

സാമിനിഗാല്‌മ് നമ്മ് മനേസ്സ് കുളാക്കിന്ത് നമാന സാമി മഗാന്‌മ് സാമി മഗാള്‌മ് എന്റ് ഒറേപ്പ് തന്റ്.

2 കൊരിന്ത്യഗാറാര് 1:22

നമ്മ സാമിക്ക് സൊന്തഗാറാര് എന്റ്‌മ് നമാക്ക് ബേ്ണ്ടി സാമി സേത്തി ബെത്ത്‌റ്‌ക്കുവാദ് ഒട്ടുക്കു നമാക്ക് കെ്ഡേക്ക്‌മ് എന്റ്‌മ് ഒറേപ്പ് മാഡ്യ ബേ്ണ്ടി സാമി തന്ന് നിഗാല്‌ന അഡ്യാളായി മുദാല് താനെ നമ്മ് മനേസ്സ്‌ക്ക് തന്ത്‌റ്‌ന്റാന്.

എവുറായാര് 13:12

അദേപാസെ ഏസ്സ്‌മ് തന്ന് സൊന്ത സോരേല് ആള്‌ഗാള് പാവഗാള്ന തീത്ത് അവാര്‌ന സുത്താപ്പ് മാഡ്യ ബേ്ണ്ടി പട്ടണ ബാസാക്ക് ബെ്ളിഗെ ബെത്ത് കജട്ട പട്ട് സത്താന്.

എവുറായാര് 6:4

ഒന്റു ഗളിഗേല് സത്ത്യന കണ്ട് മേലോഗാത്ത്‌ലിന്ത് കെ്ഡേക്കുവ ബരഗാള് കെ്ഡേസി പെ്ളേത്തവാര്‌മ് സാമിനിഗാല്‌ന ഒന്റു പങ്കായി കെ്ഡേസ്‌നവാര്‌മ് ആനവാര് നമ്പിക്കേന ബ്‌ട്ട് തള്ള്‌നദാന അവാര്‌ന പിന്നെ എത്തെ മറിസി സാമിസാരി തിരിക്ക്യ മുഡിമ്? അവാര് സാമി സൊല്ലുസുലാക്ക എത്ത്‌റ നല്ലാദ് എന്റ്‌മ് ബര്യ ഇര്‌ക്കുവ ഉലഗാക്ക് ഇര്‌ക്കുവ സക്‌തി എത്ത്‌റ ദൊഡ്ഡാദ് എന്റ്‌മ് തെരിന്തവാര്‌ത്തെ. എന്റിന്ത് ഗുഡി തമ്മ് നമ്പിക്കേന ബ്‌ട്ട്‌റ്‌ക്കുവ അവാര്‌ന മറിസിമ് സാമിസാരി തിരിക്ക്യ മുഡ്യാമാട്ട. എന്ത്‌ക്കെന്റ് സൊന്ന അവാര് സാമി മഗാന്‌ന പിന്നേമ് കുരുസുക്കു സേത്തി ആണി അഡിത്ത്‌മ് എല്ലാര്‌ക്ക് എദ്‌ക്ക അയാള്‌ന മാനാമ് ഗെ്ഡ്‌സ്‌ന്റാര്.

1 പത്ത്‌റോസു 3:21

അവാര് നീര്‌മേലെ തപ്പിസി കഡാന്താദ്‌ക്ക് സമാത്തെ ഇന്നാല് നീര്‌ക്ക് മുളുഗുവ മുളുക്ക. അദ് നിമാന കാപാറ്റ്‌ന്റ്. ഈ മുളുക്ക എന്നുവാദ് സരിഗലാത്ത്‌ല എ്ള്‌ക്ക്‌ന കച്ചി തള്ളുവ മുളുക്കല്ല. ഏസ്സ് ക്‌റ്‌സ്‌ത്ത് ഉജുര്‌ളാഗ്‌നാദ്‌ന ബെത്ത് സാമി കണ്ണ്‌ക്ക് നല്ല മനേസ്സുള്ളവാര് ആയ ഗേവ ഒപ്പന്താത്തെ.

1 ഓഗന്നാന് 5:9

ഒന്റു കാര്യന പറ്റി ഒന്റൊ റാഡൊ ആള്‌ഗാള് സൊല്ലുവാദ്‌നഗേ നേരെന്റ് നമ്മ നമ്പ്‌ന്റാമ്. അത്ത്യാന ഏസ്സ് സാമിമഗാന്‌ത്തെന്റ് സാമി മൂറു ദിന്‌സ്‌ല് കാട്ടി തന്ത്‌റ്‌ക്കുവാദ്‌ന നമ്മ ഉറുദ്ദ്യായി നമ്പുഡോമല്ല?