1 ഓഗന്നാന് 5:12 - സാമി സേദി

¹² സാമി മഗാനോഡ എ്ണേവ് ബെത്ത്‌റ്‌ന്റവാനോഡ എന്നാല്‌ക്ക്‌മ് ഇര്‌ക്കുവ പെ്ളേപ്പ് ഇര്‌ക്ക്‌ന്റ്. സാമി മഗാനോഡ എ്ണേവു ബെക്കാത്തവാനോഡ എന്നാല്‌ക്ക്‌മ് ഇര്‌ക്കുവ പെ്ളേപ്പ് ഇല്ലെ.

1 ഓഗന്നാന് 5:12 ပူးပေါင်းရင်းမြစ်များ

മര്‌ക്കോസു 16:16

അയി സേദിന നമ്പി നീര്‌ക്ക് മുളിഗി ഇ്ളാഗ്‌ന്റവാര് ദെ്ണ്ടണേല് ഇന്ത് തപ്പിസി കഡാക്കുവാര്. നമ്പാത്തവാര്‌ക്ക് ദെ്ണ്ടണെ കെ്ഡേക്കുവു.

ഓഗന്നാന് 1:12

അയാള്‌ന കയ്യേന്തി അയാള്‌ന നമ്പ്‌ന്റവാര്‌ക്ക് സാമി മഗാനാര്‌മഗളാര് ആവാദ്‌ക്കുള്ള ഉരിമെ അയാള് കൊഡുക്കുന്റാന്.

ഓഗന്നാന് 3:15

എന്ത്‌ക്കെന്റ് സൊന്ന അയാള്‌ന നമ്പുവ ഏവാന്‌ക്ക്‌മ് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്യ ബേ്ണ്ടിത്തെ.

ഓഗന്നാന് 3:36

മഗാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌മ്. ആന മഗാന് പേസ് കേ്ള്‌ക്കത്തവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കമാട്ട. അവാര് ഒന്റേപെ്ട്ട് സാമി ദെ്ണ്ടണേക്ക് ആളായി തള്ള്‌നാര്.>>

ഓഗന്നാന് 5:24

നാന് സത്ത്യമായിമ് നിമാക്ക് സൊന്റെ, എന്ന് നായന കേ്ട്ട് എനാന സൊല്ലി ബ്‌ട്ടവാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് ഇര്‌ക്ക്‌ന്റ്. പാവ ഗേന്ത് കെ്ഡേക്കുവ ദെ്ണ്ടണേക്ക് അവാര് സിക്കാദെ സാവുലിന്ത് തപ്പിസി സാഗാത്ത ഉജുരു കെ്ഡേസിര്‌ന്റാര്.

1 കൊരിന്ത്യഗാറാര് 1:30

സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.

ഗലാത്ത്യഗാറാര് 2:20

ഇന്നി നാനല്ല ക്‌റ്‌സ്‌ത്ത്‌ത്തെ എന്ന് പെ്ളേപ്പ്‌ന നഡാത്തുവാദ്. ഇന്നി ഉജുരോഡിര്‌ക്കുവ കാല മാട്ട്‌ക്ക്‌മ് എന്നോഡ സീവാന്‌ബെത്ത് എനാക്ക് ബേ്ണ്ടി ഉജുരുന തന്ത സാമി മഗാന് ക്‌റ്‌സ്‌ത്ത്‌ന നമ്പികൊണ്ടുത്തെ നാന് പെ്ളേക്കുവെ.

എവുറായാര് 3:14

എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.

2 ഓഗന്നാന് 1:9

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡ്‌സ്‌ന്റവാരോഡ സാമി ഇര്‌ക്കുവാദില്ലെ. ആന ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് താനെ കെ്ട്ട്‌പട്ട് നഡാക്ക്‌ന്റവാരോഡ അപ്പാന് സാമിമ് മഗാന് ഏസ്സ്‌മ് ഇര്‌ക്ക്‌ന്റാന്.