1 ഓഗന്നാന് 4:5 - സാമി സേദി

⁵ ക്‌റ്‌സ്‌ത്ത് എന്റ് സൊല്ലി ഏമാത്ത്‌ന്റവാന്‌ന പാസെ ഇര്‌ക്കുവ ആള്‌ഗാളെല്ല ഈ ഉലഗാക്ക് പട്ടവാര്. അദ്‌നാലെ അവാര് ഈ ഉലഗാത്ത്‌ല കാര്യഗാള്‌ന പറ്റി സൊന്റാര്. ഉലഗാത്ത്‌ലവാര് അവാര് സൊല്ലുവാദ്‌ന കേ്ള്‌ക്ക്‌ന്റാര്.

1 ഓഗന്നാന് 4:5 ပူးပေါင်းရင်းမြစ်များ

ലൂക്കോസു 16:8

ഈ നേരെമൊറെ ഗേഗാത്ത ഈ ഗിലാസഗാറാന് കാട്ട്‌ന തിരമെന കണ്ട് അയി പണ്ണാഡി അയാള്‌ന പെരിമെപട്ടാന്. സാമിപ്‌ള്ളെഗാള്‌ന ബ്‌ഡ ഈ ഉലഗാത്ത്‌ല ആള്‌ഗാള് തമ്മ ഗേവ കാര്യഗാള്‌ല് മ്‌ഗ്‌ന്ത ഓസണെഗാറാര്‌ത്തെ.

ഓഗന്നാന് 17:14

നീ എനാക്ക് സൊന്ന സേദിന നാന് അവാര്‌ക്ക് സൊല്ലി കൊഡുത്ത്‌റ്‌ക്ക്‌ന്റെ. നാന് ഉലഗാക്ക് പട്ടവാന് അല്ലാത്ത പാസെ ഇവാര്‌മ് ഉലഗാക്ക് പട്ടവാര് അല്ലാത്തനാലെ ഉലഗാത്ത്‌ലവാര് അവാര്‌ന തൊറേന്ത് തള്ള്‌നാര്.

ഓഗന്നാന് 17:16

നാന് ഈ ഉലഗാക്ക് പട്ടവാന് അല്ലാത്ത പാസെ അവാര്‌മ് ഈ ഉലഗാക്ക് പട്ടവാരല്ല.

ഓഗന്നാന് 3:31

<<മേലോഗാത്ത്‌ലിന്ത് ബന്റവാന് എല്ലാര്‌ന ബ്‌ഡ ദൊഡ്ഡവാന്‌ത്തെ. ബൂലോഗാത്ത്‌ല് ഇര്‌ക്ക്‌ന്റവാന് ബൂമിക്ക് പട്ടവാന്‌ത്തെ. അയാള് ബൂമില കാര്യന പറ്റി സൊന്റാന്. ആന മേലോഗാത്ത്‌ലിന്ത് ബന്റവാന് എല്ലാര്‌ന ബ്‌ഡ ദൊഡ്ഡവാന്‌ത്തെ.

ഓഗന്നാന് 8:23

ആന ഏസ്സ് അവാര്‌ക്ക്: <<നിമ്മ അഡി ബൂലോഗാത്ത്‌ലവാര്. നാന് മേലിന്ത് ബന്തവാന്. നിമ്മ ഈ ലോഗാക്ക് പട്ടവാര്. നാന് ഈ ലോഗാക്ക് പട്ടവാനല്ല.

2 തിമിത്തോസു 4:3

സത്ത്യന പഡിസി കൊഡുക്കുവാദ്‌ന ആള്‌ഗാള് കേ്ള്‌ക്കാത്ത കാല ബര്‌മ്. അദ്‌ക്ക് ബദ്‌ല അവാര് തമ്മ ആസെപഡുവ പാസെ തമാക്ക് കേ്ള്‌ക്ക്യ ഇമ്പത്തോഡിര്‌ക്കുവ കാര്യഗാള്‌ന പഡുസുവ ബാത്ത്യനാമ്‌ഗാള്ന കണ്ട് അവാര് പട്ട്‌ക്ക് പോയി അവാര് പഡുസുവ കാര്യഗാള്‌ന കേ്ള്‌ക്കുവാര്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.