1 ഓഗന്നാന് 4:18 - സാമി സേദി

¹⁸ നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് തെരിന്തദാന നമ്മ സാമിന അഞ്ചബേ്ഡ. നമാക്ക് സാമ്യോഡിര്‌ക്കുവ സീവാന്‌ക്ക് കൊറേവു ഒന്റുമു ഇല്ലാദെ പോന നമ്മ് അഞ്ചിക്കേന ഇല്ലദെ മാഡ്‌ല. സാമി ദെ്ണ്ടിക്കുവാനെന്റ് അഞ്ച്‌ന്റവാന് സാമി സീവാന്‌ന സൊക്കാന തെര്യാദിര്‌ക്ക്‌ന്റാന്.

1 ഓഗന്നാന് 4:18 ပူးပေါင်းရင်းမြစ်များ

മത്തായി 9:34

അദുക്കുള പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

റോമഗാറാര് 8:15

പിന്നേമ് നിമാന അഞ്ചിക്കെ പ്‌ഡ്‌സി അഡിമെ മാഡുവ നിഗാലല്ല നിമാക്ക് കെ്ഡേത്താദ്. ആന നിമാന സാമി മഗാന്‌മ് സാമി മഗാള്‌മ് മാഡുവ നിഗാല്‌ത്തെ നിമാക്ക് കെ്ഡേത്താദ്. അയി സാമിനിഗാല്‌ല് നമ്മ സാമിന <<അപ്പാ, എന്നപ്പാ>> എന്റ് ബ്‌ളിക്ക്‌ന്റാമ്.

2 തിമിത്തോസു 1:7

നമാന അഞ്ചിക്കെ പ്‌ഡ്‌സി ഒന്റുമു ഗേയ ബ്‌ഡാദെ ബെക്കുവ നിഗാല്‌നല്ല സാമി നമാക്ക് തന്താദ്. മനേസ്സ്‌ക്ക് ദയിര തര്യാമ് അഡ്‌ത്തവാരോഡ സീവാന്‌ബെത്ത് നഡാക്ക്യാമ് കെ്ട്ട ആസെഗാള്‌ക്ക് ആളാഗാത്തവാനായി ഇര്‌ക്ക്യാമ് കയിതാങ്കുവ നിഗാല്‌നാത്തെ സാമി നമാക്ക് തന്താദ്.

എവുറായാര് 12:28

അദ്‌നാലെ ഗ്‌ഡ്‌ഗ്‌ഡ ആഡ്‌സ്യ മുഡ്യാത്ത ഒന്റു രാജ്യ നമാക്ക് കെ്ഡേക്കുവാദ്‌നാലെ സാമിക്ക് നമ്മ നണ്ണ്യുള്ളവാര് ആയിര്‌ക്കുഡൊ. അദ്‌താനേമല്ല, സാമിക്ക് മെച്ച്‌പട്ട ദിന്‌സ്‌ല് സാമിന നമ്മ കുമ്മുഡുഡൊ. സാമിക്ക് അഞ്ചിമ് മദ്‌പ്പ് കൊഡുത്തുമു സാമിന കുമ്മുഡുഡൊ.

ആക്കോവു 2:19

സാമി ഒന്റുത്തെന്റ് നീ നമ്പ്‌ന്റായ? നല്ല കണാക്ക്‌ത്തെ. സെയിത്ത്യനാമ്‌മ് അത്തേത്തെ നമ്പ്‌ന്റാര്. അവാര് അഞ്ചിക്കെ പ്‌ഡിത്ത് സദ്‌റാമ് ബെ്ട്ട്‌ന്റാര്.

1 ഓഗന്നാന് 4:12

സാമിന ആര്‌മ് കാണാഗേ ഇല്ലെ. ആന നമ്മ ആങ്കീങ്ക് സീവാന്‌ബെത്ത് നഡാക്കുവാദാന സാമി നമ്മോഡ ഇര്‌ക്കുവാന്. അദേപാസെ നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് നേര്‌മായിമ് നമാക്ക് കാണ്യ മുഡിമ്.