1 ഓഗന്നാന് 4:17 - സാമി സേദി

¹⁷ ഇത്തെ സാമ്യോഡ എ്ണേവുഗാറാരായി നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് തെരിന്തദാന ബിദി സൊല്ലുവ നാള് നമ്മ സാമി മുന്നുക്കു ദയിരത്തോഡ ഇര്‌ക്ക്‌ല.

1 ഓഗന്നാന് 4:17 ပူးပေါင်းရင်းမြစ်များ

മത്തായി 10:15

സോദോമുഗാറാര്‌ക്ക്‌മ് ഗൊമോറഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് അയി പട്ടണാക്ക് ബര്‌മ് എന്റ് നാന് സത്ത്യമായി നിമാക്ക് സൊന്റെ.>>

മത്തായി 10:25

പഡിക്ക്‌ന്റവാന് പഡുസുവ ബാത്ത്യാന്‌ന പാസെ ആവാദ് മദി. അദേപാസെ അഡിമ്യായിര്‌ന്റവാന് പണ്ണാഡിന പാസെ ആവാദ് മദി. അവാര് ബീ്ഡ്‌ഗാറാന്‌നാഗെ ബേല്‌സെവൂലു എന്റ് ബ്‌ളിത്ത്‌റ്‌ക്കുവദാന ബീ്ഡ്‌ഗാറാര്‌ന എന്തെല്ല സൊല്ലി ബ്‌ളിക്കുവാര്?>>

മത്തായി 11:22

ആന സോരുഗാറാര്‌ക്ക്‌മ് സീദോനുഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് നിമാക്ക് കെ്ഡേക്ക്‌മ് എന്റ് നാന് നിമാക്ക് സൊന്റെ.

മത്തായി 11:24

ആന സോദോമുഗാറാര്‌ക്ക് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് നിമാക്ക് കെ്ഡേക്ക്‌മ് എന്റ് നാന് നിമാക്ക് സൊന്റെ.>>

മത്തായി 12:36

ആന മന്‌സാന് നെനെക്കദെപ്‌ഡിക്കദെ സൊല്ലുവ നായ ബീസാക്ക് ബിദി സൊല്ലുവ നാള് കണാക്ക് കൊഡുക്കുവാദ്‌ക്കായി ബര്‌മ് എന്റ് നാന് നിമാക്ക് സൊന്റെ.

ഓഗന്നാന് 15:20

<ഗിലാസഗാറാന് തന്ന് പണ്ണാഡിന ബ്‌ഡ ദൊഡ്ഡവാനല്ല> എന്റ് നിമാക്ക് സൊന്ന നായന നെനേത്ത്‌റ്‌ന്. അവാര് എനാന കൊഡിമെപഡ്‌സ്‌നാര്, അത്ത്യാന നിമാനാമ് കൊഡിമെപഡുസുവാര്, അവാര് എന്ന് സൊല്ലുപഡി നഡാന്തിന്തദാന നിമ്മ് സൊല്ലുപഡിമ് നഡാക്കുവാര്.

ഓഗന്നാന് 17:22

നീമ് നാന്‌മ് ഒന്റായിര്‌ക്കുവ പാസെ അവാര്‌മ് ഒന്റായി ഇര്‌ക്ക്യ ബേ്ണ്ടി നീ എനാക്ക് തന്ത്‌റ്‌ക്കുവ അദേ മദ്‌പ്പ്‌ന നാന് അവാര്‌ക്ക് കൊഡുത്ത്‌റ്‌ക്ക്‌ന്റെ.

റോമഗാറാര് 8:29

എന്ത്‌ക്കെന്റ് സൊന്ന, സാമി താന് മുന്നുക്കെ തെരിന്തിന്തവാര്‌ന തന്ന് മഗാന്‌ക്ക് ഇര്‌ക്കുവ ഉരുവാന പാസെ ആയ ബേ്ണ്ടി സാമി അവാര്‌ന അലാക്ക പ്‌റ്‌ത്ത് ബെത്ത് അവാര്‌ക്ക് തന്ന് മഗാന്‌ന തലെകോഡി അണ്ണാന് മാഡ്‌നാന്.

എവുറായാര് 9:27

എല്ലാ ആള്‌ഗാള്‌മ് ഒന്റു നാള്‌ക്ക് സാഡൊ. അദ്‌ക്ക് പ്‌റ സാമി അവാര്‌ന ബിദിക്കുവാന്.

ആക്കോവു 2:13

അത്തെ ഇന്ന്യൊന്റൊരുത്താന് പാവ ഗേവാദ്‌ന കാണ്‌ഗാട്ടി നീയിമ് ഗവപട്ട് നായനൊഡിവദാന സാമി നിനാനാമ് ഗവപഡുവാന്. ഗവ പട്ട ബിദിമ് ദൂളു പറാക്കൂ.

ആക്കോവു 2:22

അവുറഗാമ് സാമിന നമ്പ്‌നാദ്‌മ് തന്ന് മഗാന്‌ന പലി കൊഡുക്ക്യ എ്ഡ്‌ത്ത് പോനാദ്‌മ് അയാള്‌ക്ക് സാമ്യോഡ നേര്‌മാന നമ്പിക്കെ ഇര്‌ക്ക്‌ന്റ് എന്നുവാദ്‌ന നമാക്ക് കാട്ടി തന്റ്.

2 പത്ത്‌റോസു 2:9

ഈ കാര്യഗാളെല്ല നമാക്ക് കാട്ടി തരുവാദ് എന്തെന്റ് സൊന്ന, സാമി ബക്‌തിഗാറാര്‌ന എത്തെ കജട്ടാത്ത്‌ലിന്ത് കാപാറ്റുഡൊ എന്റ്‌മ് കേ്ഡ്‌ഗെ്ട്ടവാര് ഇന്നാല് ദെ്ണ്ടണെ പട്ട്‌കൊണ്ടു ഇര്‌ക്കാട്ടിതാനെ കഡേസി നാള്‌ല ബിദിക്ക് അവാര്‌ന എത്തെ എ്ഡ്‌ത്ത് പോഡൊ എന്റ്‌മ് ആണ്ടവാനാന സാമിക്ക് തെരിന്റ്.

1 ഓഗന്നാന് 2:28

അദ്‌നാലെ പ്‌ള്ളെഗാളെ, ക്‌റ്‌സ്‌ത്ത് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ ദയിരത്തോഡ ഇര്‌ക്ക്യ ബേ്ണ്ടിമ് അയാള് മുന്നുക്കു നാണഗെ്ഡാദിര്‌ക്ക്യ ബേ്ണ്ടിമ് എന്നാല്‌ക്ക്‌മ് നമ്മ ക്‌റ്‌സ്‌ത്തോഡ എ്ണേവു ബെത്ത് പെ്ളേക്കുഡൊ.

1 ഓഗന്നാന് 2:5

ആന ആരാറ്റ സാമി സൊല്ലുപഡി നഡാക്ക്‌ന്റവാന് ആയിന്തദാന നേര്‌മായിമ് അയാള് സാമ്യോഡ ഉജുരുക്കുജുര സീവാന്‌ബെത്ത്‌റ്‌ന്റാന്. അയാള് സാമ്യോഡ എ്ണേവു ബെത്ത്‌റ്‌ന്റാന് എന്റ് ഇദ്‌ന നോഡുന തെരിമ്.

1 ഓഗന്നാന് 2:6

സാമ്യോഡ എ്ണേവ് ബെത്ത്‌റ്‌ന്റാന് എന്റ് സൊല്ലുന്റവാന് ഏസ്സ് ക്‌റ്‌സ്‌ത്ത് എത്തെ തന്നപ്പാന് സാമ്യോഡ എ്ണേവ് ബെത്ത് പെ്ളേത്തിന്താനൊ അദേപാസെ പെ്ളേക്കുഡൊ.

1 ഓഗന്നാന് 3:1

നോഡുനുത്തെ, സാമി നമാന തന്ന് പ്‌ള്ളെഗാളെന്റ് സൊല്ലിര്‌ക്കുവാദ്‌നാലെ താന് നമ്മോഡ എത്ത്‌റ സീവാന്‌ബെത്തിന്താന് എന്നുവാദ്‌ന കാട്ട്‌ന്റ്. ആന ഉലഗാത്ത്‌ല ആള്‌ഗാളൊട്ടുക്കു തന്ന് പ്‌ള്ളെഗാള് അല്ലാത്താദ്‌നാലേമ് അപ്പാന് സാമിന പറ്റി തെര്യാത്താദ്‌നാലേമ് അവാര്‌ക്ക് നമാന പറ്റിമ് തെരിവാദില്ലെ.

1 ഓഗന്നാന് 3:3

അയാള് തനി ഉരുവാന കാണ്‌ല എന്റ്‌മ് അയാള്‌ന പാസെ ആവാമെന്റ്‌മ് നെഞ്ചഡെ ബെത്ത്‌റ്‌ന്റവാനെല്ല ക്‌റ്‌സ്‌ത്ത് കുറ്റകൊറേവു ഇല്ലത്തവാന് ആയിര്‌ക്കുവ പാസെ തനാന താനെ കുറ്റകൊറേവു ഇല്ലത്തവാന് മാഡികൊണ്ട്‌റ്‌ന്റാന്.

1 ഓഗന്നാന് 3:7

പ്‌ള്ളെഗാളെ, സാമി സട്ടാക്ക് മീ്റാദെ ക്‌റ്‌സ്‌ത്ത് എത്തെ നേര്‌മെഗാറാനായി പെ്ളേത്താനൊ അദേപാസെ പെ്ളേക്ക്‌ന്റവാരൊട്ടുക്കു നേര്‌മെഗാറാര്‌ത്തെ. ഈ കാര്യാത്ത്‌ല് നിമാന ഏമാത്ത്യ ആര്‌നാമ് ബ്‌ഡാദേന്.

1 ഓഗന്നാന് 4:12

സാമിന ആര്‌മ് കാണാഗേ ഇല്ലെ. ആന നമ്മ ആങ്കീങ്ക് സീവാന്‌ബെത്ത് നഡാക്കുവാദാന സാമി നമ്മോഡ ഇര്‌ക്കുവാന്. അദേപാസെ നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് നേര്‌മായിമ് നമാക്ക് കാണ്യ മുഡിമ്.