1 ഓഗന്നാന് 4:12 - സാമി സേദി

¹² സാമിന ആര്‌മ് കാണാഗേ ഇല്ലെ. ആന നമ്മ ആങ്കീങ്ക് സീവാന്‌ബെത്ത് നഡാക്കുവാദാന സാമി നമ്മോഡ ഇര്‌ക്കുവാന്. അദേപാസെ നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് നേര്‌മായിമ് നമാക്ക് കാണ്യ മുഡിമ്.

1 ഓഗന്നാന് 4:12 ပူးပေါင်းရင်းမြစ်များ

ഓഗന്നാന് 1:18

സാമിന ആര്‌മ് ഒന്റു നാള്‌മ് കാണാഗേ ഇല്ലെ, ആന അപ്പാന് സാമി പട്ട്‌ല് ഇര്‌ക്കുവ ഒന്റേ ഒന്റു മഗാനാന സാമിത്തെ നമാക്ക് സാമിന കാട്ടി തന്ത്‌റ്‌ക്കുവാദ്.

1 കൊരിന്ത്യഗാറാര് 13:13

അദ്‌നാലെ നമ്പിക്കെ, നെഞ്ചഡെ, സീവാന് എന്നുവ ഈ മൂറുമു എന്നാല്‌ക്ക്‌മ് ഒയിന്ത് പോഗമാട്ട. ഇദ്‌ല് മുക്ക്യമാനാദ് സീവാന്‌ത്തെ.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

1 തിമിത്തോസു 6:16

സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.

എവുറായാര് 11:27

മോസേക്ക് നമ്പിക്കെ ഇന്താദ്‌നാലെ രാജാവു മൊനേക്ക് അഞ്ചാദെ അയാള് മിസ്‌റേമ്‌ലിന്ത് പോനാന്. ആര്‌ക്ക്‌മ് കാണ്യ മുഡ്യാത്ത സാമിന കണ്ട പാസെ അയാള് ഒറേപ്പോഡ പോനാന്.

1 ഓഗന്നാന് 2:5

ആന ആരാറ്റ സാമി സൊല്ലുപഡി നഡാക്ക്‌ന്റവാന് ആയിന്തദാന നേര്‌മായിമ് അയാള് സാമ്യോഡ ഉജുരുക്കുജുര സീവാന്‌ബെത്ത്‌റ്‌ന്റാന്. അയാള് സാമ്യോഡ എ്ണേവു ബെത്ത്‌റ്‌ന്റാന് എന്റ് ഇദ്‌ന നോഡുന തെരിമ്.

1 ഓഗന്നാന് 3:24

സാമി ബെത്ത ഈ സട്ടാക്ക് കെ്ട്ട്‌പട്ട് പെ്ളേക്കാട്ടി നമാക്ക് സാമ്യോഡാമ് സാമിക്ക് നമ്മോഡാമ് എ്ണേവിര്‌ക്ക്‌ന്റ്. സാമി നമാക്ക് തന്ത്‌റ്‌ക്കുവ സാമിനിഗാല്‌ന ബെത്ത്‌ത്തെ നമാക്ക് ഇദ്‌ന കാണ്യ മുഡിവാദ്.

1 ഓഗന്നാന് 4:16

ഇത്തെ സാമിക്ക് നമ്മോഡ ഇര്‌ക്കുവ സീവാന്‌ന നമാക്ക് തെരിന്താദ്‌നാലെ നമ്മ അയാള്‌ന നമ്പിമ് ഇര്‌ക്ക്‌ന്റാമ്. സാമി സീവാന് ആയിര്‌ക്കുവാദ്‌നാലെ സാമ്യോഡാമ് മന്‌സാനോഡാമ് സീവാന്‌ബെത്ത് നഡാക്ക്‌ന്റവാനോഡ സാമിമ് അയാള് സാമ്യോഡാമ് എ്ണേവു ബെത്ത്‌റ്‌ക്ക്‌ന്റാന്.

1 ഓഗന്നാന് 4:20

നാന് സാമ്യോഡ സീവാന്‌ബെത്ത് നഡാക്ക്‌ന്റെന്റ് സൊല്ലിന്ത് അഡ്‌ത്തവാന്‌ന തൊറേന്ത് നഡാക്ക്‌ന്റവാന് പൊയി സൊല്ലുന്റവാന്‌ത്തെ. താന് കണ്ണാറ കാണ്‌ന്റവാനോഡ സീവാന്‌ബെത്ത് നഡാക്കാത്തവാന്‌ക്ക് കാണ്യ മുഡ്യാത്ത സാമ്യോഡ എത്തെ സീവാന്‌ബെത്ത് നഡാക്ക്യ മുഡിമ്?

1 ഓഗന്നാന് 4:6

ആന എമ്മ സാമിക്ക് പട്ടവാര്‌ത്തെ. സാമിന തെരിന്റവാരെല്ല എമ്മ സൊല്ലുവാദ്‌ന കേ്ള്‌ക്ക്‌ന്റാര്. സാമിന തെര്യാത്തവാര് എമ്മ സൊല്ലുവാദ്‌ന കേ്ള്‌ക്കുവാദില്ലെ. ഇദ്‌ന നോഡി സാമിനിഗാല്‌ന ബെത്ത് സൊന്റവാര് ആരെന്റ്‌മ് സാമിനിഗാല് സൊന്റെന്റ് ഉറുട്ടു സൊല്ലുന്റവാര് ആരെന്റ്‌മ് നമാക്ക് കാണ്യ മുഡിമ്.