1 ഓഗന്നാന് 4:11 - സാമി സേദി

¹¹ പൊന്നനാമെ, സാമി നമ്മോഡ ഇത്ത്‌റാക്ക്‌മ് സീവാന്‌ബെത്ത്‌റ്‌ക്കുവദാന നമ്മാമ് ആങ്കീങ്ക് സീവാന്‌ബെത്ത് നഡാക്കുഡല്ല?

1 ഓഗന്നാന് 4:11 ပူးပေါင်းရင်းမြစ်များ

ലൂക്കോസു 10:37

അദുക്കുള: <<അയാള്‌ന നോഡി ബേ്റ്‌വെന്തവാന്‌ത്തെ>> എന്റ് അയാള് സൊന്നാന്. ഏസ്സ് അയാള്‌ക്ക്: <<നീമ് പോയി അയാള് ഗേന്താദ്‌ന പാസെ ഗേഗ്>> എന്റ് സൊന്നാന്.

ഓഗന്നാന് 13:34

<നിമ്മ ആങ്കീങ്ക് സീവാന്‌ബെത്ത് നഡാക്കുഡൊ> എന്റ് പുദ്യ ഒന്റു സട്ട നാന് നിമാക്ക് ബെക്ക്‌ന്റെ. നാന് നിമാന സീവാന്‌ബെത്ത് നഡാന്ത പാസെ നിമ്മാമ് ആങ്കീങ്ക് സീവാന്‌ബെത്ത് നഡാക്കുഡൊ.

എപസോസുഗാറാര് 4:31

അദ്‌നാലെ അഡ്‌ത്തവാരോഡ കീ്ട്ട്‌ഗ ബെത്ത് നഡാക്കുവാദ്, മൊനേക്ക് തെ്ട്ടി നഡാക്കുവാദ്, പള്യെ്ഡ്‌ക്ക്യ മൊനേക്ക് തെ്ട്ടി നഡാക്കുവാദ്, മൊനെ ബന്ത് കെഞ്ചുവാദ്, അഡ്‌ത്തവാര്‌ന പറ്റി നൊണ്ടു സൊല്ലുവാദ്, ഇത്തെ എല്ലാ ദിന്‌സ്‌ല കെ്ട്ട പളാക്കഗാള്‌നാമ് തള്ള്‌ന്.

കൊലേസ്യഗാറാര് 3:13

ആര് എന്തെല്ല ഗേന്താല്‌മ് അദ്‌ന നിമ്മ താങ്ക്‌ന്റവാരായി ഇര്‌ന്, എന്തൊന്റു കുറ്റഗാള് ഇന്തദാന ആണ്ടവാന് നിമാന പൊറുത്ത പാസെ നിമ്മാമ് ആങ്കീങ്ക് പൊറുത്തിര്‌ന്.

1 ഓഗന്നാന് 2:7

പൊന്നനാമെ, പുദ്യ ഒന്റു സട്ട അല്ല, മുന്തെല കാലാത്ത്‌ലിന്തേ നിമ്മ കേ്ട്ടിന്ത പള്യ സട്ടനാത്തെ നാന് നിമാക്ക് എ്ള്‌ദുവാദ്. അയി പള്യ സട്ട നിമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്നുവാദ്‌ത്തെ.

1 ഓഗന്നാന് 3:11

എന്ത്‌ക്കെന്റ് സൊന്ന നമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്നുവ സാമിസട്ടനത്തെ മുദാലിന്തെ നിമ്മ കേ്ട്ട് ബന്താദ്.

1 ഓഗന്നാന് 4:7

പൊന്നനാമെ, സീവാന് സാമിലിന്ത് കെ്ഡേക്കുവാദ്‌നാലെ നമ്മ ആങ്കീങ്ക് സീവാന്‌ബെത്ത് നഡാക്കുഡൊ. സീവാന്‌ബെത്ത് നഡാക്ക്‌ന്റവാരെല്ല സാമിനിഗാല്‌ല് പ്‌റാന്തവാര്‌മ് സാമിന തെരിന്റവാര്‌മ്‌ത്തെ.

2 ഓഗന്നാന് 1:5

അദ്‌നാലെ അമ്മെ പൊന്ന്യെ, നമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്റ് നാന് നിനാക്ക് സൊല്ലുന്റെ. ഇദ് പുദ്യ ഒന്റു സട്ട അല്ല, മുന്തെല കാലാത്ത്‌ലിന്തേ നമാക്കിന്ത സട്ടനാത്തെ നാന് നിനാക്ക് പിന്നേമ് എ്ള്‌ദുവാദ്.