1 ഓഗന്നാന് 4:10 - സാമി സേദി

¹⁰ നമ്മ സാമ്യോഡ സീവാന്‌ബെത്ത്‌റ്‌ക്കാലെ. ആന സാമി നമ്മോഡ സീവാന്‌ബെത്തിന്താദ്‌നാലെ നമ്മ ഗേന്ത പാവാക്ക് പൊറിമെ കെ്ഡേക്ക്യ ബേ്ണ്ടി തന്ന് മഗാന്‌ന സൊല്ലി ബ്‌ട്ടാന്. ഇദ്‌ത്തെ നേര്‌മാന സീവാന്.

1 ഓഗന്നാന് 4:10 ပူးပေါင်းရင်းမြစ်များ

ഓഗന്നാന് 13:34

<നിമ്മ ആങ്കീങ്ക് സീവാന്‌ബെത്ത് നഡാക്കുഡൊ> എന്റ് പുദ്യ ഒന്റു സട്ട നാന് നിമാക്ക് ബെക്ക്‌ന്റെ. നാന് നിമാന സീവാന്‌ബെത്ത് നഡാന്ത പാസെ നിമ്മാമ് ആങ്കീങ്ക് സീവാന്‌ബെത്ത് നഡാക്കുഡൊ.

ഓഗന്നാന് 15:16

നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.

ഓഗന്നാന് 3:16

തനാക്ക് ഒന്റേ ഒന്റു മഗാനായി പ്‌റാന്തവാന്‌ന നമ്പുവ ഏവാന്‌മ് കെ്ട്ട് പോഗാദെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ ബേ്ണ്ടി സാമി അയാള്‌ന ഉലഗാക്ക് സൊല്ലി ബ്‌ട്ടാന്. ഇത്തെ തന്ന് ഒന്റേ ഒന്റു മഗാന്‌ന ഉലഗാക്ക് ബേ്ണ്ടി കൊഡുക്ക്യ മുഡിവളാവുക്കു സാമി അത്ത്‌റാക്ക്‌മ് ഉലഗാന സീവാന്‌പട്ടാന്.

ഓഗന്നാന് 6:51

മേലോഗാത്ത്‌ലിന്ത് ഇ്റാഗി ബന്ത ഉജുരുള്ള അഡെ നാന്‌ത്തെ. ഈ അഡേന തിന്ന്‌ന്റവാന് എന്നാല്‌ക്ക്‌മ് പെ്ളേക്കുവാന്. ഉലഗാത്ത്‌ല ആള്‌ഗാള്‌ക്ക് ഉജുരു കെ്ഡേക്ക്യ ബേ്ണ്ടി നാന് കൊഡുക്കുവ എന്ന് സരിഗലത്തെ ഈ അഡെ.>>

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.

1 ഓഗന്നാന് 2:2

നമ്മ ഗേന്ത പാവാക്ക് കെ്ഡേക്കുവ ദെ്ണ്ടണേക്ക് നമ്മ സിക്കാദിര്‌ക്ക്യ ഏസ്സ് നമ്മ് കണാക്ക് തനാന പലി കൊഡുത്താന്. നമ്മ് പാവാക്ക് താനെ അല്ല ഉലഗാത്ത്‌ല എല്ലാ ആള്‌ഗാള് പാവാക്ക്‌മ് ബേ്ണ്ടിത്തെ പലി കൊഡുത്താദ്.

1 ഓഗന്നാന് 3:1

നോഡുനുത്തെ, സാമി നമാന തന്ന് പ്‌ള്ളെഗാളെന്റ് സൊല്ലിര്‌ക്കുവാദ്‌നാലെ താന് നമ്മോഡ എത്ത്‌റ സീവാന്‌ബെത്തിന്താന് എന്നുവാദ്‌ന കാട്ട്‌ന്റ്. ആന ഉലഗാത്ത്‌ല ആള്‌ഗാളൊട്ടുക്കു തന്ന് പ്‌ള്ളെഗാള് അല്ലാത്താദ്‌നാലേമ് അപ്പാന് സാമിന പറ്റി തെര്യാത്താദ്‌നാലേമ് അവാര്‌ക്ക് നമാന പറ്റിമ് തെരിവാദില്ലെ.

1 ഓഗന്നാന് 4:19

മുദാല് സാമി നമ്മോഡ സീവാന്‌ബെത്തിന്താദ്‌നാലെത്തെ നമ്മാമ് സീവാന്‌ബെത്ത് നഡാക്കുവാദ്.

1 ഓഗന്നാന് 5:11

സാമി കാട്ടി തന്ത ഈ മൂറു ദിന്‌സ് കാര്യാത്ത്‌ലിന്ത് സാമി നമാക്ക് സൊല്ലുവാദ് എന്തെന്റ് സൊന്ന: തന്ന് മഗാന് ഏസ്സ് ക്‌റ്‌സ്‌ത്ത്‌ന ബെത്ത്‌ത്തെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സാമി നമാക്ക് തന്ത്‌റ്‌ക്കുവാദ്.