1 ഓഗന്നാന് 3:9 - സാമി സേദി

⁹ സാമിപ്‌ള്ളെഗാള് ആയിര്‌ക്ക്‌ന്റവാര് ആര്‌മ് സാമി സട്ടാക്ക് മീ്റി പാവ ഗേന്ത്‌കൊണ്ടേ ഇര്‌ക്കുവാദില്ലെ. എന്ത്‌ക്കെന്റ് സൊന്ന സാമിമഗാന് ഏസ്സ് ക്‌റ്‌സ്‌ത്ത് അവാര് നെഞ്ച്‌ല് ഇര്‌ക്കുവാദ്‌നാലെ അവാര്‌ക്ക് പാവ ഗേന്ത്‌കൊണ്ട്‌റ്‌ക്ക്യ മുഡ്യാമാട്ട.

1 ഓഗന്നാന് 3:9 ပူးပေါင်းရင်းမြစ်များ

മത്തായി 7:18

നല്ല മര കുറുഡു കായിമ് സായി പ്‌ഡിത്ത മര നല്ല കായിമ് കായിക്കമാട്ട.

ഓഗന്നാന് 1:13

ഉലഗാത്ത്‌ല് മക്കാള്‌മറി പ്‌റാക്കുവ പാസേഗൊ, മന്‌സാന് ആസെപഡി പ്‌റാക്കുവ പാസേഗൊ അല്ല അവാര് പ്‌റാന്ത്‌റ്‌ക്കുവാദ്. സാമിത്തെ അവാര്‌ന പ്‌റാത്തിര്‌ക്കുവാദ്.

ഓഗന്നാന് 3:3

അദുക്കുള ഏസ്സ് അയാള്‌ക്ക്: <<നാന് സത്ത്യമായിമ് നിനാക്ക് സൊന്റെ, ഒരുത്താന് മറിസിമ് പ്‌റാക്കാദെ പോന സാമി ആളുവാദ്‌ന കാണ്യ മുഡ്യാമാട്ട>> എന്റ് സൊന്നാന്.

അപ്പോസുത്തലാര് 4:20

എമ്മ കണ്ട്‌മ് കേ്ട്ട്‌മ് ഇര്‌ക്കുവ കാര്യഗാള്‌ന പറ്റി എമാക്ക് സൊല്ലാദെ ഇര്‌ക്ക്യ മുഡ്യാമാട്ട.>>

റോമഗാറാര് 6:2

അത്തെ സൊല്ലഗേ ബേ്ഡ. പാവ ഗേവാദ്‌ക്ക് കല്ല് ബെത്ത നമ്മ ഇന്നിമ് എത്തെ പാവ ഗേന്ത് കൊണ്ടു പെ്ളേക്ക്യ മുഡിമ്? അദ്‌ക്ക് നമ്മ സത്തവാര്‌ത്തെ.

ഗലാത്ത്യഗാറാര് 5:17

നിമ്മ പിര്യപഡുവ കാര്യഗാളല്ല സാമിനിഗാല് പിര്യപഡുവാദ്. സാമിനിഗാല് പിര്യപഡുവ കാര്യഗാളല്ല നിമ്മ പിര്യപഡുവ കാര്യഗാള്. ഇദ് റാഡ്‌മ് ഒന്റായി എ്ണേഗമാട്ട. അദ്‌നാലെ നിമ്മ പിര്യപഡുവ കാര്യഗാള് ഗേയ നിമാക്ക് മുഡ്യാമാട്ട.

1 പത്ത്‌റോസു 1:23

അളിന്ത് പോവ അവ്വ്യപ്പാന് മക്കാളായല്ല നിമ്മ മറിസി പ്‌റാന്ത്‌റ്‌ക്കുവാദ്, അളിന്ത് പോഗാത്താദ്‌മ് ഉജുരുള്ളാദ്‌മ് എന്നാല്‌ക്ക്‌മ് ഇര്‌ക്കുവാദ്‌മാന സാമി സൊല്ലുസുലാക്കനാലെത്തെ അളിവില്ലാത്ത അപ്പാന്‌ക്ക് പ്‌ള്ളെഗാളായി മറിസി പ്‌റാന്ത്‌റ്‌ക്കുവാദ്.

1 ഓഗന്നാന് 2:29

ക്‌റ്‌സ്‌ത്ത് എത്തെ നേര്‌മെഗാറാനായി പെ്ളേത്താനെന്റ് നിമാക്ക് തെരിമ്. അയാള്‌ന പാസെ നേര്‌മെഗാറാരായി പെ്ളേക്ക്‌ന്റവാരൊട്ടുക്കു സാമിപ്‌ള്ളെഗാള് എന്റ്‌മ് നിമാക്ക് തെരിമ്.

1 ഓഗന്നാന് 3:6

ക്‌റ്‌സ്‌ത്തോഡ എ്ണേവു ബെത്ത് നഡാക്ക്‌ന്റവാര് ആര്‌മ് പാവ ഗേന്ത്‌കൊണ്ടേ ഇര്‌ക്കുവാദില്ലെ. പാവ ഗേന്ത്‌കൊണ്ടേ ഇര്‌ക്ക്‌ന്റവാന് ആര്‌മ് ക്‌റ്‌സ്‌ത്ത്‌ന കാണുവാദ്‌മില്ലെ തെരിവാദ്‌മില്ലെ.

1 ഓഗന്നാന് 4:7

പൊന്നനാമെ, സീവാന് സാമിലിന്ത് കെ്ഡേക്കുവാദ്‌നാലെ നമ്മ ആങ്കീങ്ക് സീവാന്‌ബെത്ത് നഡാക്കുഡൊ. സീവാന്‌ബെത്ത് നഡാക്ക്‌ന്റവാരെല്ല സാമിനിഗാല്‌ല് പ്‌റാന്തവാര്‌മ് സാമിന തെരിന്റവാര്‌മ്‌ത്തെ.

1 ഓഗന്നാന് 5:1

ഏസ്സ്‌ത്തെ സാവുക്കാളായിന്ത എനാന കാപാറ്റ്‌ന ക്‌റ്‌സ്‌ത്ത് എന്റ് നമ്പി പെ്ളേക്ക്‌ന്റാവാനെല്ല സാമിപ്‌ള്ളേത്തെ. അദേപാസെ അപ്പാന് സാമ്യോഡ സീവാന്‌ബെത്ത് നഡാക്ക്‌ന്റവാനെല്ല സാമി പ്‌ള്ളഗാളോഡാമ് സീവാന്‌ബെത്ത് നഡാക്ക്‌ന്റാന്.

1 ഓഗന്നാന് 5:18

സാമിനിഗാല്‌ല് പ്‌റാന്തവാര് ആര്‌മ് പാവ ഗേന്ത്‌കൊണ്ടേ ഇര്‌ക്കമാട്ടാര്. സാമിമഗാന് ഏസ്സ് ക്‌റ്‌സ്‌ത്ത് അവാര്‌ന സൂസാരിക്ക്‌ന്റാന്. അദ്‌നാലെ എല്ലാ കെ്ട്ട കാര്യഗാള്‌ക്ക്‌മ് പണ്ണാഡ്യായിര്‌ക്കുവ സെയിത്താന്‌ക്ക് അവാര്‌ന അണ്ണ്യ മുഡ്യാമാട്ട.

1 ഓഗന്നാന് 5:4

എന്ത്‌ക്കെന്റ് സൊന്ന സാമി പ്‌ള്ളെഗാളായി പ്‌റാന്തവാരെല്ല സീവാനില്ലാത്ത ഈ ഉലഗാത്ത്‌ല ആള്‌ഗാള്‌ന സോലുസുന്റാര്. സാമിമഗാന് ഏസ്സ് ക്‌റ്‌സ്‌ത്ത്‌മ് ഇത്തേത്തെ സീവാനില്ലാത്ത ഉലഗാത്ത്‌ല ആള്‌ഗാള്‌ന സോലുസുനാദ്. അദ്‌നാലെ ഈ ഏസ്സ്‌ന നമ്പി പെ്ളേക്ക്‌ന്റവാനല്ലാദെ ആര് പിന്നെ ഈ ഉലഗാത്ത്‌ല ആള്‌ഗാള്‌ന സോലുസുവാദ്?

3 ഓഗന്നാന് 1:11

എനാക്ക് മെച്ച്‌പ്‌ഡിത്തവാനെ, നീയിമ് അയാള്‌ന പാസെ കെ്ട്ടാദ് ഗേഗാദെ. നല്ലാദ് ഗേന്റവാന് സാമിപ്‌ള്ളേമ്‌ത്തെ. കെ്ട്ടാദ് ഗേന്റവാന്‌ക്ക് സാമി ആരെന്റേ തെര്യ.