1 ഓഗന്നാന് 3:6 - സാമി സേദി

⁶ ക്‌റ്‌സ്‌ത്തോഡ എ്ണേവു ബെത്ത് നഡാക്ക്‌ന്റവാര് ആര്‌മ് പാവ ഗേന്ത്‌കൊണ്ടേ ഇര്‌ക്കുവാദില്ലെ. പാവ ഗേന്ത്‌കൊണ്ടേ ഇര്‌ക്ക്‌ന്റവാന് ആര്‌മ് ക്‌റ്‌സ്‌ത്ത്‌ന കാണുവാദ്‌മില്ലെ തെരിവാദ്‌മില്ലെ.

1 ഓഗന്നാന് 3:6 ပူးပေါင်းရင်းမြစ်များ

2 കൊരിന്ത്യഗാറാര് 3:18

ഇത്തെ നമാന മറേത്ത്‌റ്‌ക്കുവ മറെന ആണ്ടവാന് ജറേത്ത് തള്ള്‌ന്റാന്. അത്തെ നമ്മ അയാള്‌ന സൊക്കാന നെപ്പ്‌കെ്ഡേസി കൊണ്ടു മദ്‌പ്പ്‌ക്ക് മേല് മദ്‌പ്പുള്ളവാരായി അയാള് ഉരുവാന പാസെ ആയി കൊണ്ടു ഇര്‌ക്ക്‌ന്റാമ്. ഇത്തെ നമാന മാഡുവാദ് ആണ്ടവാന് നിഗാല്‌ത്തെ.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.

1 ഓഗന്നാന് 2:28

അദ്‌നാലെ പ്‌ള്ളെഗാളെ, ക്‌റ്‌സ്‌ത്ത് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ ദയിരത്തോഡ ഇര്‌ക്ക്യ ബേ്ണ്ടിമ് അയാള് മുന്നുക്കു നാണഗെ്ഡാദിര്‌ക്ക്യ ബേ്ണ്ടിമ് എന്നാല്‌ക്ക്‌മ് നമ്മ ക്‌റ്‌സ്‌ത്തോഡ എ്ണേവു ബെത്ത് പെ്ളേക്കുഡൊ.

1 ഓഗന്നാന് 2:3

നമ്മ അയാള് സട്ടാക്ക് കെ്ട്ട്‌പട്ട് നഡാക്ക്‌ന്റവാര് ആയിന്തദാന നമ്മ അയാളോഡ എ്ണേവു ബെത്ത്‌റ്‌ക്ക്‌ന്റാമ് എന്റ് നമാക്ക് തെരിമ്.

1 ഓഗന്നാന് 2:4

<<സാമ്യോഡ എ്ണേവിര്‌ക്ക്‌ന്റ്>> എന്റ് ഒരുത്താന് സൊല്ലിന്ത്‌മ് സാമി സട്ടപഡി നഡാക്കാത്തവാന് പൊയി സൊന്റാവാന്‌ത്തെ. സത്ത്യ എന്തെന്റ് അയാള്‌ക്ക് തെരിവാദേ ഇല്ലെ.

1 ഓഗന്നാന് 3:2

എനാക്ക് മെച്ച്‌പ്‌ഡിത്തവാരെ, നമ്മ ഇന്നാല് സാമി പ്‌ള്ളെഗാള്‌ത്തെ. നമ്മ എത്തെ ആവാമെന്റ് ഇന്നിമ് പുരുപ്പില്ലെ. അയാള് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ അയാള് തനി ഉരുവാന കാണുവാദ്‌നാലെ നമ്മ അയാള്‌ന പാസെ ആവാമെന്റ് നമാക്ക് തെരിമ്.

1 ഓഗന്നാന് 3:9

സാമിപ്‌ള്ളെഗാള് ആയിര്‌ക്ക്‌ന്റവാര് ആര്‌മ് സാമി സട്ടാക്ക് മീ്റി പാവ ഗേന്ത്‌കൊണ്ടേ ഇര്‌ക്കുവാദില്ലെ. എന്ത്‌ക്കെന്റ് സൊന്ന സാമിമഗാന് ഏസ്സ് ക്‌റ്‌സ്‌ത്ത് അവാര് നെഞ്ച്‌ല് ഇര്‌ക്കുവാദ്‌നാലെ അവാര്‌ക്ക് പാവ ഗേന്ത്‌കൊണ്ട്‌റ്‌ക്ക്യ മുഡ്യാമാട്ട.

1 ഓഗന്നാന് 4:8

സാമി സീവാന്‌ത്തെ. സാമി സീവാന്‌ത്തെന്റ് തെര്യാത്താവാര്‌ക്ക് ആങ്കീങ്ക് സീവാന്‌ബെത്ത് നഡാക്ക്യ മുഡിവാദില്ലെ.

1 ഓഗന്നാന് 5:18

സാമിനിഗാല്‌ല് പ്‌റാന്തവാര് ആര്‌മ് പാവ ഗേന്ത്‌കൊണ്ടേ ഇര്‌ക്കമാട്ടാര്. സാമിമഗാന് ഏസ്സ് ക്‌റ്‌സ്‌ത്ത് അവാര്‌ന സൂസാരിക്ക്‌ന്റാന്. അദ്‌നാലെ എല്ലാ കെ്ട്ട കാര്യഗാള്‌ക്ക്‌മ് പണ്ണാഡ്യായിര്‌ക്കുവ സെയിത്താന്‌ക്ക് അവാര്‌ന അണ്ണ്യ മുഡ്യാമാട്ട.

3 ഓഗന്നാന് 1:11

എനാക്ക് മെച്ച്‌പ്‌ഡിത്തവാനെ, നീയിമ് അയാള്‌ന പാസെ കെ്ട്ടാദ് ഗേഗാദെ. നല്ലാദ് ഗേന്റവാന് സാമിപ്‌ള്ളേമ്‌ത്തെ. കെ്ട്ടാദ് ഗേന്റവാന്‌ക്ക് സാമി ആരെന്റേ തെര്യ.