1 ഓഗന്നാന് 3:13 - സാമി സേദി

¹³ അദ്‌നാലെ ഏസ്സ്‌ഗാറാരെ, ഉലഗാത്ത്‌ല് കയീന്‌ന പാസെ ഇര്‌ക്കുവ ആള്‌ഗാള് നിമാന തൊറേഗാട്ടി നിമ്മ അദിസ്യപഡബേ്ഡ.

1 ഓഗന്നാന് 3:13 ပူးပေါင်းရင်းမြစ်များ

മത്തായി 10:22

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

മര്‌ക്കോസു 13:13

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.>>

ലൂക്കോസു 21:17

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്.

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 16:33

എന്ന്‌നാലെ നിമ്മ നിമ്മ്‌ദ്യായി ഇര്‌ക്ക്യ ബേ്ണ്ടി ഈ കാര്യഗാള്‌ന നാന് നിമാക്ക് സൊല്ലിര്‌ക്ക്‌ന്റെ. ഉലഗാത്ത്‌ല് നിമാക്ക് കജട്ട ഇര്‌ക്ക്‌ന്റ്, എന്റാല്‌മ് ദയിരപഡ്‌ന്, നാന് ഉലഗാന സോലുസിര്‌ക്ക്‌ന്റെ.>>

ഓഗന്നാന് 17:14

നീ എനാക്ക് സൊന്ന സേദിന നാന് അവാര്‌ക്ക് സൊല്ലി കൊഡുത്ത്‌റ്‌ക്ക്‌ന്റെ. നാന് ഉലഗാക്ക് പട്ടവാന് അല്ലാത്ത പാസെ ഇവാര്‌മ് ഉലഗാക്ക് പട്ടവാര് അല്ലാത്തനാലെ ഉലഗാത്ത്‌ലവാര് അവാര്‌ന തൊറേന്ത് തള്ള്‌നാര്.

ഓഗന്നാന് 3:7

നിമ്മ മറിസിമ് പ്‌റാന്തെ ആഡൊ എന്റ് നാന് സൊല്ലുവാദ്‌നാലെ നീ അദിസ്യപഡബേ്ഡ.

ഓഗന്നാന് 7:7

ഉലഗാത്ത്‌ല ആള്‌ഗാള്‌ക്ക് നിമാന തൊറേയ മുഡ്യാമാട്ട. ആന അവാര് ഗേവ കാര്യഗാള് കെ്ട്ട കാര്യഗാള് എന്റ് നാന് സൊല്ലുവാദ്‌നാലെ അവാര് എനാന തൊറേന്റാര്.

അപ്പോസുത്തലാര് 3:12

പത്ത്‌റോസു ആള്‌ഗാള്‌ന കണ്ട് അവാര്‌ക്ക് ഇത്തെ സൊന്നാന്: <<എന്ന് സൊന്ത ഇസ്‌റവേല്‌ഗാറാരെ ഇദ്‌ന കണ്ട് നിമ്മ അദിസ്യപഡുവാദ് എന്ത്‌ക്ക്? നിമ്മ എന്ത്‌ക്ക് എമാന കണ്ണ് ദുറുത്തു നോഡിര്‌ന്റ്‌റ്? എമാക്ക് ദൊഡ്ഡ ബില ഇര്‌ക്കുവാദ്‌നാലെഗൊ സാമി മുന്നുക്കു എമ്മ നല്ലവാര് ആനാദ്‌നാലേഗൊ ഇയാള്‌ക്ക് നഡാക്ക്യ മുഡിന്താദ് എന്റ് നിമ്മ നെനേക്ക ബേ്ഡ.

റോമഗാറാര് 8:7

മന്‌സാന്‌ക്ക് ഇര്‌ക്കുവ പാവ പളാക്ക സാമിക്ക് പോട്ടി നില്ല്ന്റ്. അദ് സാമി സട്ടാക്ക് കെ്ട്ട്‌പഡുവാദില്ലെ. സാമി സട്ടാക്ക് കെ്ട്ട്‌പഡ്യ മുഡ്യാമ്‌മാട്ട.

2 തിമിത്തോസു 3:12

ആന ക്‌റ്‌സ്‌ത്ത് ഏസ്സ്‌ന നമ്പി സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്യ ആസെപഡ്‌ന്റവാര്‌ക്ക് ഒട്ടുക്കു കൊഡിമെഗാള് ബര്‌മ്.

ആക്കോവു 4:4

ഈ ഉലഗാത്ത്‌ല് പെ്ളേക്കുവ പെ്ളേപ്പ്‌ക്ക് ആസെപഡ്‌ന്റവാര് ബേസ്യാഡ്‌ന്റവാര്‌ന പാസെത്തെന്റ് നിമാക്ക് തെരിവാദില്ലേഗ? അദ്‌നാലെ ഉലഗാത്ത്‌ല പെ്ളേപ്പ്‌ക്ക് ആസെപഡ്‌ന്റവാര് സാമ്യോഡ പോട്ടിപ്‌ഡിക്ക്‌ന്റവാര് ആന്റാര്.

ബെ്ളിപട്ട കാര്യ 17:7

അദുക്കുള ദൂദാന് എനാക്ക്: <<നീ എന്ത്‌ക്ക് അന്തബ്‌ട്ട്‌റ്‌ക്കുവാദ്? ഈ പെ്ണ്ണ്‌പ്‌ളെന പറ്റിമ് ഏ്ള് തലേമ് പത്ത് കൊമ്പുമു ഇന്ത് അവാള്‌ന സുമാക്കുവ അയി ബേ്ണ്ട്‌ന പറ്റിമ്യുള്ള ആര്‌ക്ക്‌മ് തെര്യാത്ത അര്‌ത്തന നാന് നിനാക്ക് സൊല്ലി തന്റെ.