1 ഓഗന്നാന് 2:19 - സാമി സേദി

¹⁹ അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

1 ഓഗന്നാന് 2:19 ပူးပေါင်းရင်းမြစ်များ

മത്തായി 24:24

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

മര്‌ക്കോസു 13:22

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

ലൂക്കോസു 8:13

അഡി അറെര്‌ക്കുവ പട്ട്‌ക്ക് ബ്‌ന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് പിര്യപിര്യാത്ത് തങ്കാരിക്ക്‌ന്റവാര്‌ത്തെ. ആന അഡി ബേര് ഇ്റാഗ്യ മണ്ണില്ലാദിന്ത്‌ദ്. അദ്‌നാലെ പാദി നാള് അവാര്‌ക്ക് നമ്പിക്കെ ഇന്ത്‌ദ്. ആന സോദണെ ബര്‌ഗാട്ടി അവാര്‌ക്ക് നമ്പിക്കില്ലാദാന്റ്.

ഓഗന്നാന് 15:2

എന്നോഡിന്ത് മൊളേത്ത് കായി ബ്‌ഡാത്ത സില്ല്‌ഗാള്‌ന ഒട്ടുക്കുമു ദോട്ടഗാറാന് ബെ്ട്ടി തള്ള്‌ന്റാന്. കായി ബ്‌ഡുവ സില്ല്‌നെല്ലെ മൊത്തനാക്ക് കായി ബ്‌ഡ്യ ബേ്ണ്ടി അയാള് കപാത്ത് എ്ഡ്‌ത്ത് ബ്‌ഡ്‌ന്റാന്.

ഓഗന്നാന് 4:14

ആന നാന് കൊഡുക്കുവ നീര്‌ന കുഡിക്ക്‌ന്റവാന്‌ക്ക് എന്നാല്‌ക്ക്‌മ് നീരറാക്കെ എ്ഡ്‌ക്കമാട്ട. അയി നീര് അയാള് കുളാക്കിന്ത് ഉറാത്തെ പൊട്ടി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തരുവ പട്ട്‌ക്ക് എ്ഡ്‌ത്ത് പോയി എത്ത്‌സ്‌മ്>> എന്റ് സൊന്നാന്.

അപ്പോസുത്തലാര് 15:24

എമ്മ് കൂട്ടാത്ത്‌ല് ഇര്‌ക്കുവ ലേസ ആള്‌ഗാള് നിമ്മ് പട്ട്‌ക്ക് ബന്ത് തൊന്തറെപഡിസി അവാര് സൊന്ന കാര്യഗാള് നിമാന അപ്പാര അര്‌ക്കപഡ്‌സ്‌റ്റ് എന്റ്‌മ് എമ്മ കേ്ട്ടേമ്. അവാര് അത്തെ സൊന്നാദ് എമ്മ സൊല്ലി ബ്‌ട്ട് ബന്ത് സൊന്നാദല്ല.

അപ്പോസുത്തലാര് 20:30

ഉറുട്ട് സൊല്ലികൊണ്ട് ഏസ്സ്‌ഗാറാര്‌ന തമ്മ് സാരി സേത്തുവ ആള്‌ഗാള് നിമ്മ് പട്ട്‌ലിന്ത് താനെ ബരുവ കാല ബരുവു.

റോമഗാറാര് 9:6

സാമി ഗേന്ത് കൊഡുക്കുവെ എന്റ് സൊന്ന സാമി സൊല്ലുസുലാക്ക നഡാക്കാദെ പോറ്റു എന്റല്ല നാന് സൊല്ലുവാദ്. ഇസ്‌റവേല്‌ലിന്ത് പ്‌റാന്തവാരെല്ല ഇസ്‌റവേല്‌ഗാറാരല്ല,

1 കൊരിന്ത്യഗാറാര് 11:19

നിമ്മ് കൂട്ടാത്ത്‌ല് തഗ്‌ദ്യാന ആള്‌ഗാള് ആരെന്റ് തെര്യ കച്ചി പ്‌ഡിക്കുവാദ് ബേ്ഡ്‌മാന കാര്യത്തെ.

2 തിമിത്തോസു 2:10

അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.

2 തിമിത്തോസു 2:19

എന്റാല്‌മ് ഒന്റു ബീ്ഡ് തറെ ഒറേത്ത്‌റ്‌ക്കുവ പാസെ സാമിത്ത് സത്ത്യമാന സൊല്ലുസുലക്കാമ് ഒറേപ്പുള്ളാദ്‌ത്തെ. <<ആണ്ടവാന്‌ക്ക് തനാക്കുള്ള ആള്‌ഗാള്‌ന തെരിമ്>> എന്റ്‌മ് <<തമ്മ ആണ്ടവാന്‌ക്ക് പട്ടവാര് എന്റ് സൊല്ലുന്റവാരൊട്ടുക്കു കെ്ട്ടാദ് ഗേവാദ്‌ന തെ്റിന്ത് തള്ള്‌ഡൊ>> എന്റ്‌മ് ഇദ്‌ല് എ്ള്‌ദിര്‌ക്ക്‌ന്റ്.

2 തിമിത്തോസു 3:9

അവാര് ഗേയ നെനേക്കുവ കാര്യ ദൊഡ്ഡാദാഗ മാട്ട. എന്ത്‌ക്കെന്റ് സൊന്ന അന്നേസ്‌മ് അമ്പ്‌റേസ്‌മ് കാര്യാത്ത്‌ല് നഡാന്ത പാസെ ഇവാര് ഗേവ ബുദ്ദില്ലാത്ത കാര്യഗാള്‌നാമ് എല്ലാ ആള്‌ഗാള് കാണുവാര്.

എവുറായാര് 10:39

ആന നമ്മ പിന്ന്‌കാല് മെ്ട്ട്‌ന്റവാര്‌മ് കെ്ട്ട് പോന്റവാര്‌മല്ല. നമ്മ നമ്പ്‌നവാര്‌മ് സാമി കാപാറ്റ്‌നവാര്‌മ്‌ത്തെ.

2 ഓഗന്നാന് 1:7

ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന സൊല്ലാദെ സാമിന പറ്റി ഉറുട്ടു സൊല്ലുവ എഞ്ചോ ആള്‌ഗാള് ഉലഗാത്ത്‌ല് തുമ്പിര്‌ന്റാര്. അത്തവാള്‌ഗാള് ക്‌റ്‌സ്‌ത്ത്‌ത്തെ എന്റ് സൊല്ലി നഡിക്ക്‌ന്റവാര്‌മ് ആള്‌ഗാള്‌ന ഏമാത്ത്‌ന്റവാര്‌മ്‌ത്തെ.

ജൂദാന് 1:1

അപ്പാന് സാമി സീവാന്‌ബെത്ത് തെരിന്തെ്ഡ്‌ത്ത് ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി പേ്ണിസി ബെത്ത്‌റ്‌ക്ക്‌ന്റവാര്‌ക്ക് ഏസ്സ് ക്‌റ്‌സ്‌ത്ത് ഗിലാസഗാറാന്‌മ് ആക്കോവു തമ്പിമ് ആയിര്‌ക്കുവ ജൂദാന് എ്ള്‌ദുവ എ്ള്‌ത്ത്.

ജൂദാന് 1:19

ഇവാര് സാമിനിഗാല് നഡാത്താത്തവാരായി തമാക്കിര്‌ക്കുവ അറുവുലു നഡാന്ത് കൊണ്ടു ഏസ്സ്‌ഗാറാര് കൂട്ടാത്ത്‌ല് ആങ്കീങ്ക് കച്ചി മാഡ്‌ന്റവാര്‌ത്തെ.