1 ഓഗന്നാന് 2:10 - സാമി സേദി

¹⁰ അഡ്‌ത്തവാനോഡ സീവാന്‌ബെത്ത് നഡാക്ക്‌ന്റവാന് ബെ്ള്‌സാത്ത്‌ല് പെ്ളേക്ക്‌ന്റാന്. അയാള് അഡ്‌ത്തവാര്‌ന പാവ ഗേയ ബെക്കുവ പെ്ളേപ്പ് പെ്ളേക്കമാട്ടാന്.

1 ഓഗന്നാന് 2:10 ပူးပေါင်းရင်းမြစ်များ

മത്തായി 13:21

എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അയാള് അദിഗ കാല നെലെനില്ലമാട്ടാന്. അയി സേദിനാലെ കജട്ടാഗൊ കൊഡിമേഗൊ ബന്തദാന അയാള് സട്ടന പിന്ന്‌കാല് മെ്ട്ട്‌ന്റാന്.

മത്തായി 18:7

ആള്‌ഗാള്‌ന പാവ ഗേയ ആസെപ്‌ഡ്‌സുവാദ്‌നാലെ ഉലഗാക്ക് കജട്ടാത്തെ. അത്തവ കാര്യഗാള് ഒപ്പ നഡാക്ക്‌മ്. ആന ആര് പാവ ഗേയ ആസെപ്‌ഡ്‌സ്‌ന്റാനൊ അയാള്‌ക്ക് കജട്ട കജട്ടാത്തെ.

ഓഗന്നാന് 11:9

ഏസ്സ് അവാര്‌ക്ക്: <<പഗാല് പന്നന്റ് മണിക്കൂറു നേര മാട്ട്‌ക്ക്‌മ് ബെ്ള്‌സ ഇര്‌ക്കുവാദില്ലേഗ? അദ്‌നാലെ പഗാല് നഡാക്ക്‌ന്റവാര് ഈ ഉലഗാത്ത്‌ല ബെ്ള്‌സാന കാണുവാദ്‌നാലെ കാല് തട്ടി ബീ്വാലെ.

ഓഗന്നാന് 12:35

അദ്‌ക്ക് ഏസ്സ് അവാര്‌ക്ക്: <<ഇന്നി ലേസ ഗളിഗേത്തെ ബെ്ള്‌സ നിമ്മ് പട്ട്‌ല് ഇര്‌ക്ക്‌മ്, അദ്‌നാലെ ഇ്റ്‌ട്ട് നിമാന ആളാദിര്‌ക്ക്യ ബേ്ണ്ടി ബെ്ള്‌സ ഇര്‌ക്ക മാട്ട്‌ക്ക് ബെ്ള്‌സാത്ത്‌ല് താനെ നഡാന്, എന്ത്‌ക്കെന്റ് സൊന്ന ഇ്റ്‌ട്ട്‌ല് നഡാക്ക്‌ന്റവാന്‌ക്ക് താന് ഏങ്ക് പോന്റാന് എന്റ് തെരിവാദില്ലെ.

ഓഗന്നാന് 8:31

തനാന നമ്പ്‌ന എഗുദാര്‌ക്ക് ഏസ്സ്: <<നാന് പഡ്‌സ്‌ന കാര്യഗാള്‌ന കേ്ട്ട് നഡാന്തദാന നേര്‌മായിമ് നിമ്മാത്തെ എന്ന് സൊല്ലുപഡി നഡാക്ക്‌ന്റവാര് ആവുറു.

റോമഗാറാര് 14:13

അദ്‌നാലെ നമ്മ ഇന്നി ആങ്കീങ്ക് നമ്മ് കൂട്ടാത്ത്‌ലവാര്‌ന കുറ്റ ബിദിക്കാദേന്. ആന അവാര്‌ക്ക് ഇര്‌ക്കുവ നമ്പിക്കേന ഇല്ലാദെ മാഡുവാദൊ ഇല്ലെ കൊറേവു മാഡുവാദൊ ആന കാര്യഗാള് ഒന്റുമു ഗേഗമാട്ടേമ് എന്റ് നമ്മ മുഡിവാക്കുഡൊ.

പിലിപ്പ്യഗാറാര് 1:10

അത്തെ നിമ്മ് പെ്ളേപ്പ്‌ല് മുക്ക്യമാന കാര്യ ഏദൊ അദ്‌ന തെരിന്തെ്ഡ്‌ക്ക്യാമ് നിമാക്ക് മുഡിമ്. അന്നാപ്പ് ക്‌റ്‌സ്‌ത്ത് ബരുവ നാള് നിമ്മ കവാഡില്ലാത്ത മനേസ്സ്‌ഗാറാര്‌മ് നിമാന പറ്റി ഒന്റു കുറ്റാമ് സൊല്ല്യ മുഡ്യാത്ത ദിന്‌സ്‌ല് പെ്ളേക്ക്‌ന്റവാര്‌മ് ആയി കാണ്യ മുഡിമ്.

2 പത്ത്‌റോസു 1:10

അദ്‌നാലെ ഏസ്സ്‌ഗാറാരെ, നിമ്മ സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് എന്റ് ഒറേപ്പ് മാഡ്യ ബേ്ണ്ടി മ്‌ഗ്‌ന്ത ഓരട്ട ഓരാഡ്‌ന്. അത്തെ ഗേന്തദാന നിമ്മ എന്നാല്‌ക്ക്‌മ് നമ്പിക്കേലിന്ത് തപ്പിപോഗമാട്ട്‌റ്.

1 ഓഗന്നാന് 2:11

ആന അഡ്‌ത്തവാര്‌ന തൊറേന്ത് നഡാക്ക്‌ന്റവാന് തന്ന് പെ്ളേപ്പ്‌ല് ഇ്റ്‌ട്ട്‌ല് ഇര്‌ക്കുവ പാസെ കെ്ട്ട പളാക്കത്തോഡ പെ്ളേക്ക്‌ന്റാന്. അഡ്‌ത്തവാനോഡ സീവാന്‌ബെത്ത് നഡാക്ക്യ മുഡ്യാത്ത ദിന്‌സ്‌ല് അയാള് മനേസ്സ്‌ന സെയിത്താന് കെ്ട്ടി ബെത്ത്‌റ്‌ന്റാന്. അദ്‌നാലെ എത്തെ പെ്ളേക്കുഡൊ എന്റ് തെര്യാദെ നഡാക്ക്‌ന്റാന്.

1 ഓഗന്നാന് 3:14

സാവുക്കാളായിന്ത നമ്മ ആങ്കീങ്ക് സീവാന്‌ബെത്ത് നഡാക്കുവാദ്‌നാലെ സാഗാത്ത ഉജുരുക്കു ആളായിര്‌ന്റാമ് എന്റ് നമാക്ക് തെരിമ്. സീവാന്‌ബെത്ത് നഡാക്കാത്തവാന് ഇന്നാല്‌മ് സാവുക്കു ആളായിര്‌ന്റാന്.