1 ഓഗന്നാന് 1:9 - സാമി സേദി

⁹ നമ്മ ഗേന്ത പാവാന നേരെ സാമിക്ക് സൊന്നദാന സാമി നമ്മ് പാവാന മനേസ്സാറാമ് നായപലഗരാമ് പൊറുത്തു തന്ത് നമ്മ ഗേന്ത എല്ലാ പാവനാമ് ഇല്ലാദെ മാഡുവാന്.

1 ഓഗന്നാന് 1:9 ပူးပေါင်းရင်းမြစ်များ

മത്തായി 3:6

ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസുനാന്.

മര്‌ക്കോസു 1:5

എഗുദ നാഡ്‌ലവാര് ഒട്ടുക്കുമു എര്‌സലേമ്‌ലവാര് ഒട്ടുക്കുമു അയാള് പട്ട്‌ക്ക് ബന്താര്. ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസ്‌നാന്.

ലൂക്കോസു 22:57

അദുക്കുള പത്ത്‌റോസു അവാള്‌ക്ക്: <<പെ്ണ്ണെ, എനാക്ക് അയാള്‌ന തെര്യാഗേ തെര്യ!>> എന്റ് സൊന്നാന്.

ഓഗന്നാന് 17:25

നേര്‌മെഗാറാന് ആയിര്‌ക്കുവ അപ്പാന് സാമ്യെ, ഉലഗാത്ത്‌ലവാര്‌ക്ക് നീ ആരെന്റ് തെര്യാലെ. എനാക്കൊ നിനാന തെരിന്ത്‌റ്‌ക്ക്‌ന്റ്. നീ എനാന സൊല്ലി ബ്‌ട്ട്‌റ്‌ക്ക്‌ന്റായി എന്റ് ഇവാര്‌ക്ക്‌മ് തെരിന്ത്‌റ്‌ക്ക്‌ന്റ്.

അപ്പോസുത്തലാര് 19:18

നമ്പ്‌നവാര്‌ല് എഞ്ചോ ആള്‌ഗാള് ബന്ത് തമ്മ ഗേന്ത പാവഗാള്‌നെല്ല തപ്പ് എന്റ് നേരെ സൊന്നാര്.

റോമഗാറാര് 3:26

താന് നേര്‌മെഗാറാന് എന്റ്‌മ് ഏസ്സ്‌ന നമ്പ്‌ന്റവാന്‌ന താന് നേര്‌മെഗാറാന് മാഡ്‌ന്റാന് എന്റ്‌മ് ഈ കാലാത്ത്‌ല് കാട്ടി കൊഡുക്ക്യത്തെ സാമി അത്തെ ഗേന്താദ്.

1 കൊരിന്ത്യഗാറാര് 1:9

തന്ന് മഗാന്‌മ് നമ്മ് ആണ്ടവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ക്ക് എ്ണേന്ത് അയാള്‌ക്ക് ഇര്‌ക്കുവ എല്ലാദ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ക്കുവ സാമി നമ്പ്യ മുഡിന്റവാന്‌ത്തെ.

1 കൊരിന്ത്യഗാറാര് 6:11

നിമ്മ് കൂട്ടാത്ത്‌ല്‌മ് ലേസ ആള്‌ഗാള് ഇത്തവാള്‌ഗാള് ആയിന്ത്‌റ്. എന്റാല്‌മ് ആണ്ടവാന് ഏസ്സ് ക്‌റ്‌സ്‌ത്ത് പേര്‌ല്‌മ് സാമിനിഗാല് നമാക്ക് ഗേന്ത കാര്യഗാള്‌നാലേമ് നിമ്മ പാവ തീന്തവാര്‌മ് നേര്‌മെഗാറാര്‌മ് സാമിക്ക് ബേ്ണ്ടി അലാക്ക പ്‌റ്‌ത്ത്‌റ്‌ക്കുവ സുത്താപ്പുള്ളവാര്‌മ് ആന്‌റ്.

1 തിമിത്തോസു 1:15

ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

എവുറായാര് 10:23

നമ്മ എദ്‌ക്ക സൊല്ലുവ നമ്മ് നെഞ്ചഡേല് ഒറേത്ത് നില്ല്‌ഗാന്. എന്ത്‌ക്കെന്റ് സൊന്ന നമാക്ക് ബാക്ക് തന്ത്‌റ്‌ക്കുവ സാമി അദ്‌ന നഡാത്തി തരുവാന് എന്റ് സാമിന നമാക്ക് നമ്പ്യ മുഡിമ്.

എവുറായാര് 11:11

സാറ ബറാഡി ആയിന്ത്‌മ് അവുറഗാമ് ഒന്റേപെ്ട്ട് പേറാള് ആയിന്ത്‌മ് ഗുഡി നമ്പിക്കെ ഇന്താദ്‌നാലെ അവുറഗാമ്‌ക്ക് പ്‌ള്ളെഗാറാനായ മുഡിന്ത്‌ദ്. സാമി ബാക്ക് തന്താദ്‌ന അയാള് ഗേന്ത് തരുവാന് എന്റ് അവുറഗാമ് നമ്പ്‌നാന്.

എവുറായാര് 6:10

നിമ്മ ഗേന്ത കാര്യഗാള്‌നാമ് സാമ്യോഡ നിമ്മ ബെത്ത സീവാന്‌നാമ് മറാന്ത് തള്ള്യ സാമി നേര്‌മല്ലത്തവാന് അല്ല. സാമ്യോഡ സീവാന്‌ബെത്താദ്‌നാലെ സാമിക്ക് പട്ടവാര്‌ന നിമ്മ കയി താങ്കിര്‌ക്ക്‌ന്റ്‌റ്. ഇന്നാല്‌മ് അവാര്‌ന കയിതാങ്കി കൊണ്ടു ഇര്‌ക്ക്‌ന്റ്‌റ്.

1 ഓഗന്നാന് 1:7

ആന സാമി ബെ്ള്‌സാത്ത്‌ലിര്‌ക്കുവ പാസെ നമ്മാമ് ബെ്ള്‌സാത്ത്‌ല് പെ്ളേക്ക്യ ആസെപട്ടദാന നമാക്ക് ആങ്കീങ്ക് നല്ല എ്ണേവിര്‌ക്ക്‌മ്. അത്തെ എ്ണേവിര്‌ക്കാട്ടി ഗേവ എല്ലാ പാവാനാമ് സാമിമഗാന് ഏസ്സ് സോരെ തീത്ത് നമാന ബെ്ഡിപ്പ് മാഡ്‌മ്.

ബെ്ളിപട്ട കാര്യ 15:3

സാമി ഗിലാസഗാറാന് ആന മോസെ പാട്ട്‌മ് കൊറ്യാഡ് കുട്ടി പാട്ട്‌മ് അവാര് പാഡ്‌നാര്. അദ് ഇത്തേത്തെ, എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, നീ ഗേന്ത കാര്യഗാള് മ്‌ഗ്‌ന്താദ്‌മ് അദിസ്യമാനാദ്‌മ്‌ത്തെ, ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌ത്ത്‌മ് രാജാവെ, നീ ഗേവ കാര്യഗാള് നേര്‌മെ ഉള്ളാദ്‌മ് സത്ത്യമുള്ളാദ്‌മ്‌ത്തെ.