1 ഓഗന്നാന് 1:5 - സാമി സേദി

⁵ ഏസ്സ് തന്നപ്പാന് സാമിന പറ്റി സൊന്നാദ് എന്തെന്റ് സൊന്ന, സാമി ബെ്ള്‌സത്തെ. ഇ്റ്‌ട്ടെന്നുവാദ് സെറ്റെ ഗുഡി ഇല്ലെ. ഇദ്‌ന എമ്മ നിമാക്ക് സൊന്റേമ്.

1 ഓഗന്നാന് 1:5 ပူးပေါင်းရင်းမြစ်များ

ഓഗന്നാന് 1:19

<<നീ ആര്>> എന്റ് ഓഗന്നാന്‌ന കേ്ള്‌ക്ക്യ ബേ്ണ്ടി എര്‌സലേമ്‌ലിന്ത് ലേവ്യാര്‌നാമ് എഗുദാര് പൂസാരിഗാള്‌നാമ് എഗുദാര് തലെവാര്‌ഗാള് ഓഗന്നാന് പട്ട്‌ക്ക് സൊല്ലി ബ്‌ട്ടാര്.

ഓഗന്നാന് 1:4

അയാള്‌ല് ഉജുരു ഇന്ത്‌ദ്. അയാള്‌ലിന്ത അയി ഉജുരു മന്‌സാന്‌ക്ക് ബെ്ള്‌സഡിത്ത് കൊണ്ടു ഇന്ത്‌ദ്.

ഓഗന്നാന് 1:9

ആന എല്ലാ മന്‌സാര്‌ഗാള്‌ക്ക്‌മ് അഡിക്കുവ സത്ത്യ ബെ്ള്‌സ ഉലഗാക്ക് ബന്ത് കൊണ്ടിന്ത്‌ദ്.

ഓഗന്നാന് 8:12

പ്‌റ ഏസ്സ് പിന്നേമ് ആള്‌ഗാള്‌ക്ക്: <<നാന്‌ത്തെ ഉലഗ ബെ്ള്‌സ, എന്ന് പിന്ന്‌മേലെ ബന്റവാന് ഇ്റ്‌ട്ട്‌ല് നഡാക്കാഗേമാട്ടാന്. അയാള്‌ക്ക് ഉജുരു കൊഡുക്കുവ ബെ്ള്‌സ കെ്ഡേക്ക്‌മ്>> എന്റ് സൊന്നാന്.

ഓഗന്നാന് 9:5

നാന് ഉലഗാത്ത്‌ല് ഇര്‌ക്കാട്ടി നാന്‌ത്തെ ഉലഗാക്ക് ബെ്ള്‌സ>> എന്റ് ഏസ്സ് അവാര്‌ക്ക് സൊന്നാന്.

1 കൊരിന്ത്യഗാറാര് 11:23

ആണ്ടവാന്‌ലിന്ത് കെ്ഡേസി നാന് നിമാക്ക് പഡിസി തന്താദ് എന്തെന്റ് സൊന്ന: ആണ്ടവാന് ഏസ്സ്‌ന കാട്ടി കൊഡുത്ത ജാമാത്ത്‌ല് അയാള് അഡേന എ്ഡ്‌ത്ത്

1 തിമിത്തോസു 6:16

സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.

1 ഓഗന്നാന് 3:11

എന്ത്‌ക്കെന്റ് സൊന്ന നമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്നുവ സാമിസട്ടനത്തെ മുദാലിന്തെ നിമ്മ കേ്ട്ട് ബന്താദ്.

ബെ്ളിപട്ട കാര്യ 21:23

പട്ടണാക്ക് ബെ്ള്‌സഡിക്ക്യ നേരാഗൊ നിലാവൊ ബേ്ഡ. എന്ത്‌ക്കെന്റ് സൊന്ന സാമി മദ്‌പ്പ്‌ക്ക് ഇര്‌ക്കുവ ബെ്ഡിപ്പ് ബെ്ള്‌സായി പട്ടണാക്ക് അഡിത്തിന്ത്‌ദ്. കൊറ്യാഡ് കുട്ടി അയി പട്ടണാക്ക് ബ്‌ളാക്ക്‌മ്‌ത്തെ.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.