1 ഓഗന്നാന് 1:3 - സാമി സേദി3 അപ്പാന് സാമ്യോഡിര്‌ക്കുവ ഏസ്സ് ക്‌റ്‌സ്‌ത്ത് അപ്പാന് സാമ്യോഡ എ്ണേവു ബെത്ത്‌റ്‌ക്കുവ പാസെ എമ്മാമ് അവാരോഡ എ്ണേവു ബെത്ത്‌റ്‌ന്റേമ്. അദേപാസെ നിമ്മാമ് എമ്മോഡാമ് അവാരോഡാമ് എ്ണേയ ബേ്ണ്ടി എമ്മ കണ്ട കാര്യനാമ് കേ്ട്ട കാര്യനാമ് നിമാക്ക് സൊന്റേമ്. အခန်းကိုကြည့်ပါ။ |
1 ഓഗന്നാന് 1:3
38 ပူးပေါင်းရင်းမြစ်များ
സാമി നമ്മ് പാട്ടനാമ്‌ക്ക് ബാക്ക് കൊഡുത്തിന്താന്. നമ്മെല്ല അവാര് കാല്‌കെ്ളേത്തെ. അത്തെ ഇര്‌ക്കുവ നമാക്ക് സാമി അയി ബാക്ക്‌ന ഗേന്ത് തന്താന്. ഏസ്സ്‌ന ഉജുര്‌ളാക്കിത്തെ സാമി നമാക്ക് അദ്‌ന ഗേന്ത് തന്താദ്. ഈ നല്ല സേദിനത്തെ എമ്മ നിമാക്ക് സൊന്റേമ്. അദ്‌നാലെ സാമി പാട്ട് ബൊക്കുലു റണ്ടാവാദ് പാട്ട്‌ല് ഇത്തെ എ്ള്‌ദിര്‌ക്ക്‌ന്റ്, <നീ എന്ന് മഗാന്, ഇന്റ് നാന് നിനാന പ്‌റാത്തിര്‌ന്റെ.>
അവാര്‌ക്ക് അത്തെ ഗേയ മനേസ്സ് ബന്താദ് താനേമല്ല, അവാര് അത്തെ ഗേയ കഡാമെ പട്ടവാര്‌മ്‌ത്തെ. എന്ത്‌ക്കെന്റ് സൊന്ന എഗുദാരല്ലാത്ത ജാദിഗാള് എഗുദാര്‌ക്ക് കെ്ഡേത്ത സാമി ബാക്ക്‌വരഗാള്‌ക്ക് പങ്ക്‌ഗാറാര് ആനാദ്‌നാലെ അവാര് ഈ ലോഗാത്ത്‌ല് തമാക്കിര്‌ക്കുവ സൊത്തുസുഗാത്ത്‌ലിന്ത് എഗുദാര്‌ക്ക് പങ്ക് കൊഡുക്ക്യ കഡാമെ പട്ടവാര്‌ത്തെ.
സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.
നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.
ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന ബില എനാക്ക് ദാസ്‌ത്തി കെ്ഡേസിമ് ക്‌റ്‌സ്‌ത്ത് പട്ട കൊഡിമേന പാസെ നാന് കൊഡിമെ പട്ട്‌മ് സാഗാട്ടി ക്‌റ്‌സ്‌ത്ത്‌ന പാസെ സത്ത്‌മ് ക്‌റ്‌സ്‌ത്ത്‌ന പറ്റി സൊക്കാന തെര്യ ബേ്ണ്ടി നാന് മ്‌ഗ്‌ന്ത ആസെപഡ്‌ന്റെ. അത്തെ എനാക്ക് കണ്ടിപ്പായി സത്തവാര് കൂട്ടാത്ത്‌ലിന്ത് ഉജുര്‌ളാഗുഡൊ.
ഏദാറ്റ പണ്ണ്യഗിലാസ ഗേവ ഏസ്സ്‌ഗാറാന്‌ക്ക് ഏസ്സ്‌ഗാറാനായിര്‌ക്കുവ പണ്ണാഡി ഇന്തദാന നമ്മെല്ല ഏസ്സ്‌ഗാറാര്‌ത്തെന്റ് സൊല്ലി പണ്ണാഡി സൊല്ലുപഡിക്ക് നഡാക്കാദിര്‌ക്കാദേന്. അദ്‌ക്ക് ബദ്‌ല താന് ഗിലാസ ഗേവാദ്‌ക്കുള്ള ഉവഗര ഏസ്സ്‌ഗാറാനായിര്‌ക്കുവ തന്ന് പണ്ണാഡിക്ക് കെ്ഡേക്കുവാദ്‌നാലേമ് അയി പണ്ണാഡി തനാക്ക് മെച്ച്‌പ്‌ഡിത്തവാന് ആയിര്‌ക്കുവാദ്‌നാലേമ് അയാള്‌ക്ക് ബേ്ണ്ടി നലമായി ഗിലാസ ഗേഡൊ. ഈ കാര്യഗാള്‌ന നീ അവാര്‌ക്ക് കണ്ടിപ്പായി പഡിസിമ് കൊഡുക്കുഡൊ, സൊല്ലിമ് കൊഡുക്കുഡൊ.
ကြော်ငြာတွေ