1 കൊരിന്ത്യഗാറാര് 9:3 - സാമി സേദി

³ എനാന ബിദിക്ക്‌ന്റവാര്‌ക്ക് നാന് ബദ്‌ലായി സൊല്ലുവ നായ ഇദ്‌ത്തെ.

1 കൊരിന്ത്യഗാറാര് 9:3 ပူးပေါင်းရင်းမြစ်များ

ലൂക്കോസു 12:11

നിമാന നായ കേ്ള്‌ക്ക്യ ബേ്ണ്ടി എഗുദാര് പരേസുവ ബീ്ഡ്‌ഗാള്‌ക്കൊ, നാഡ്‌ന ആള്‌ന്റവാര്‌ഗാള് പട്ട്‌ക്കൊ, അദിഗാരിഗാള് പട്ട്‌ക്കൊ എ്ഡ്‌ത്ത് പോഗാട്ടി എത്തെ ബാദിക്കുഡൊ എന്റ്‌മ് എന്ത്‌ന സൊല്ലുഡൊ എന്റ്‌മ് നെനേത്ത് അര്‌ക്കപഡബേ്ഡ.

അപ്പോസുത്തലാര് 22:1

<<എന്ന് കൂട്ടാരാന ഇസ്‌റവേല്‌ഗാറാരെ, നാന് കുറ്റഗാറാന് അല്ല എന്റ് കാട്ട്യ ബേ്ണ്ടി എനാക്ക് നിമ്മോഡ സൊല്ല്യ ഇര്‌ക്കുവാദ്‌ന നിമ്മ കേ്ള്‌ന്.>>

അപ്പോസുത്തലാര് 25:16

ആന നാന് അയാള്‌ക്ക് ഇത്തെ സൊന്നേന്: <ഒന്റാള്‌ന പറ്റി കുറ്റഗാറാന് എന്റ് സൊന്നദാന അയാള്‌മ് കുറ്റ സൊന്നവാന്‌മ് നേരെ നേരെ ബാദിക്കുഡൊ. അദ്‌ക്ക് പ്‌റ കുറ്റഗാറാന്‌ക്ക് താന് കുറ്റഗാറാനല്ല എന്റ് ബാദിക്ക്യ ബ്‌ഡ്‌ഡൊ. അത്തെ അല്ലാദെ ഇത്തെ ഗേഗാത്താദ്‌ക്ക് മുദാല് കുറ്റഗാറാന്‌ന ദെ്ണ്ടിക്കുവ പളാക്ക റോമഗാറാര് ആയിര്‌ക്കുവ എമാക്ക് ഇല്ലെ.>

1 കൊരിന്ത്യഗാറാര് 14:37

സാമിദാസ് എന്റൊ സാമിനിഗാല് തരുവ ബര കെ്ഡേത്തവാന് എന്റൊ ഒരുത്താന് നെനേക്കുവദാന അയാള് ഈ എ്ള്‌ദുവ കാര്യഗാള് ആണ്ടവാന് കല്‌പനെ എന്റ് തെരിന്ത്‌റ്‌ക്കുഡൊ.

1 കൊരിന്ത്യഗാറാര് 9:2

ബേ്റെ ആള്‌ഗാള്‌ക്ക് നാന് അപ്പോസുത്തലാന് അല്ലാദെ പോനാല്‌മ് നിമാക്ക് നാന് അപ്പോസുത്തലാന്‌ത്തെ. എന്ത്‌ക്കെന്റ് സൊന്ന ആണ്ടവാന്‌ക്ക് എ്ണേന്ത്‌റ്‌ക്കുവ നിമ്മാത്തെ നാന് ഒന്റു അപ്പോസുത്തലാന് എന്നുവാദ്‌ക്ക് അഡ്യാള.

1 കൊരിന്ത്യഗാറാര് 9:4

എമാക്ക് തിന്ന്യാമ് കുഡിക്ക്യാമ് അദിഗര ഇല്ലേഗ?

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 13:3

ക്‌റ്‌സ്‌ത്ത് എനാന ബെത്ത് നായനൊഡിന്റാന് എന്നുവാദ്‌ക്ക് തെ്ള്‌വു ബേ്ഡ്‌മെന്റ് നിമ്മ കേ്ള്‌ക്ക്‌ന്റ്‌റല്ല. അയാള്‌ക്ക് നിമ്മോഡ ഇര്‌ക്കുവ കാര്യാത്ത്‌ല് അയാള് ഒന്റുക്കുമല്ലാത്തവാന് എന്റ് നിമ്മ നെനേക്ക ബേ്ഡ. നിമ്മ ഗേവ പാവാക്ക് അയാള് നിമാന ദെ്ണ്ടിക്കുവാന്.

2 കൊരിന്ത്യഗാറാര് 13:5

ആന നിമ്മ നമ്പിക്കേല് താനെ ഇര്‌ക്ക്‌ന്റ്‌റ എന്റ് തെര്യ ബേ്ണ്ടി നിമാന താനെ സോദണെ ഗേന്. അയി സോദണേല് സോറ്റു പോഗാദിന്ത നിമ്മ ക്‌റ്‌സ്‌ത്ത് ഏസ്സ്‌ക്ക് പട്ടവാര് എന്റ് നിമാക്ക് താനെ തെരിമ്.

പിലിപ്പ്യഗാറാര് 1:7

നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.

2 തിമിത്തോസു 4:16

എനാന പറ്റി സൊന്ന കുറ്റഗാള്‌ക്ക് ബദ്‌ല് സൊല്ല്യ മുദാല് നാന് കോഡിദി മുന്നുക്കു നില്ല്‌ഗാട്ടി നാന് കുറ്റ ഗേഗാത്തവാന് എന്റ് സൊല്ല്യ എന്ന് സാരി ആര്‌മ് ഇര്‌ക്കാലെ. എല്ലാര്‌മ് എനാന കയിബ്‌ട്ടാര്. അദ്‌ക്ക് സാമി അവാര്‌ന ദെ്ണ്ടിക്കാദിര്‌ക്കുഡൊ.