1 കൊരിന്ത്യഗാറാര് 9:27 - സാമി സേദി

²⁷ അഡ്‌ത്തവാര്‌ക്ക് നല്ല സേദിന സൊന്ന പ്‌റ നാന് താനെ അയി സമ്മാന കെ്ഡേസ്യ തഗ്‌ദില്ലാത്താവാന് ആഗാദിര്‌ക്ക്യ ബേ്ണ്ടി എന്ന് സരിഗലന അഡാക്കി ഒദുക്കി നാന് അഡിമെ മാഡ്‌ന്റെ.

1 കൊരിന്ത്യഗാറാര് 9:27 ပူးပေါင်းရင်းမြစ်များ

ലൂക്കോസു 18:5

എന്റാല്‌മ് ഈ മ്‌ണ്ടേസി എനാന നച്ചിരിപഡുസുവാദ്‌നാലെ നാന് അവാള്‌ക്ക് ബേ്ണ്ടി നായനൊഡിന്ത് മുഡിവു മാഡി കൊഡുക്കുവെ. അത്തെ മുഡിവു മാഡി കൊഡുക്കാദെ പോന അവാള് പിന്നേമ് ബന്ത് എനാന നച്ചിരിപഡുസുവ> എന്റ് മനേസ്സ്‌ല് നെനേത്താന്.>>

ലൂക്കോസു 9:25

ഒരുത്താന് ഉലഗാത്ത്‌ല് ഇര്‌ക്കുവാദ്‌ന ഒട്ടുക്കു കെ്ഡേസിമ് തന്ന് ഉജുരുന നജ്‌ട്ടമാഡ്യൊ കെ്ഡിസിതള്ള്യൊ ഗേന്തദാന അയാള്‌ക്ക് എന്ത് പ്‌ണ്ണ്യ ഇര്‌ക്ക്‌ന്റ്?

റോമഗാറാര് 8:13

എന്ത്‌ക്കെന്റ് സൊന്ന മന്‌സാന്‌ക്ക് ഇര്‌ക്കുവ പാവ ഗേവ പളാക്കാക്കുള്ള ആസെപഡി പെ്ളേത്തദാന കണ്ടിപ്പായിമ് നിമ്മ സാവുറു. ആന സാമിനിഗാല്‌ക്ക് കെ്ട്ട്‌പട്ട് നഡാന്ത് നിമ്മ് സരിഗല ആസെപഡുവ കെ്ട്ട കാര്യഗാള്‌ന തള്ള്‌ന നിമ്മ പെ്ളേക്കുവുറു.

1 കൊരിന്ത്യഗാറാര് 8:13

അദ്‌നാലെ നാന് തിന്നുവ തീനി എന്ന് ഏസ്സ്‌ഗാറാന്‌ന പാവാക്ക് സിക്ക്‌സുവദാന അയാള് പാവാക്ക് സിക്കാദിര്‌ക്ക്യ ബേ്ണ്ടി നാന് എന്നാല്‌ക്ക്‌മ് കറി തിന്നാഗേ മാട്ടെ.

1 കൊരിന്ത്യഗാറാര് 9:25

ഓട്ട ഓഡുന്റവാന് തന്ന് സരിഗലന സാമാറ്‌ത്ത്യുള്ളാദ് മാഡ്യ ബേ്ണ്ടി എല്ലാ ദിന്‌സ്‌ല്‌മ് പത്ത്യ ഇര്‌ക്ക്‌ന്റാന്. ആന അവാര്‌ക്ക് കെ്ഡേക്കുവാദൊ അളിന്ത് പോവ ഗിര്യാഡത്തെ. ആന നമാക്ക് കെ്ഡേക്ക്യ പോവാദൊ അളിന്ത് പോഗാത്ത ഗിര്യാഡത്തെ.

2 കൊരിന്ത്യഗാറാര് 11:27

നാന് പാഡ്‌മ് പട്ടെ, കജട്ടാമ് പട്ടെ, എഞ്ചോ ജാമാല് ഉറാക്കില്ലദേമ് ഇന്തെ. എ്ഡെക്കെ്ഡേക്ക് തീനില്ലാദെ പജി സത്തെ, കുഡിക്ക്യ നീര് കെ്ഡേക്കാദെ നീരറാക്കേക്ക് പട്ടെ, സളി സത്തെ, എനാക്ക് ബേ്ഡ്‌മാന സീലെസിലാപ്പ്‌മ് ഇല്ലാദെ ഇന്ത്‌ദ്.

കൊലേസ്യഗാറാര് 3:5

അദ്‌നാലെ ബേസ്യാഡി നഡാക്കുവാദ്‌നാമ്, മെലിങ്കി നഡാക്കുവാദ്‌നാമ്, ഗൊഡ്ഡുക്കിക്കി നഡാക്കുവാദ്‌നാമ്, കെ്ട്ട കാര്യഗാള് ഗേയ ആസെപഡുവാദ്‌നാമ്, സെലെന കുമ്മുഡുവ പാസെ പണാക്ക് ബേ്ണ്ടി അളാവുക്കു മീ്റി ആസെപഡുവാദ്‌നാമ് ഇത്തെ നിമ്മ ബൂമില് ഗേവാദ്‌ന ഒട്ടുക്കു ബ്‌ട്ട് തള്ള്‌ന്.

2 തിമിത്തോസു 2:22

അദ്‌നാലെ ബാലിവെഗളിഗേല് ഗേയ ആസെപഡുവ എല്ലാ കെ്ട്ട കാര്യഗാള്‌നാമ് ബ്‌ട്ട്‌തള്ള്. എന്റിന്ത് നല്ല മനേസ്സോഡ ആണ്ടവാന്‌ന നെനേത്ത് പരേസ്‌ന്റവാരോഡ നീയിമ് എ്ണേന്ത് നേരാന കാര്യഗാള് ഗേന്ത്, എല്ലാവാര്‌ക്ക്‌മ് നമ്പ്യ മുഡിന്റവാനായിമ്, അഡ്‌ത്തവാരോഡ സീവാന്‌ബെത്ത്‌മ് നിമ്മ്‌ദ്യോഡാമ് പെ്ളേക്ക്യ നോഡുഡൊ.

1 പത്ത്‌റോസു 2:11

എനാക്ക് മെച്ച്‌പ്‌ഡിത്തവാരെ, നിമ്മ അന്ന്യ നാഡ്‌ഗാറാര്‌മ് നോഡ്യ ബന്തവാര്‌നാമ് പാസെത്തെ. അദ്‌നാലെ നിമ്മോഡിര്‌ക്കുവ നിഗാല് കുട്ടിക്ക് പോട്ടി നിന്റ് ജുദ്ദ ഗേവ സരിഗല ആസെപഡുവ പാവ ഗേവ കാര്യഗാള്‌ലിന്ത് നിമ്മ ഒയിന്ത് നില്ല്‌ന് എന്റ് നാന് നിമാക്ക് ബുദ്ദി സൊന്റെ.

2 പത്ത്‌റോസു 2:15

അവാര് നല്ലാദ്‌ക്ക് ബേ്ണ്ടി പെ്ളേക്കുവാദ്‌ന തള്ളി കെ്ട്ടാദ് ഗേന്ത് സമ്പാരിക്ക്യ ആസെപട്ട ബെയോരു മഗാന് ബിലെയാമ് പെ്ളേത്ത പാസെത്തെ ഇവാര് പെ്ളേക്ക്‌ന്റാര്.