1 കൊരിന്ത്യഗാറാര് 9:25 - സാമി സേദി25 ഓട്ട ഓഡുന്റവാന് തന്ന് സരിഗലന സാമാറ്‌ത്ത്യുള്ളാദ് മാഡ്യ ബേ്ണ്ടി എല്ലാ ദിന്‌സ്‌ല്‌മ് പത്ത്യ ഇര്‌ക്ക്‌ന്റാന്. ആന അവാര്‌ക്ക് കെ്ഡേക്കുവാദൊ അളിന്ത് പോവ ഗിര്യാഡത്തെ. ആന നമാക്ക് കെ്ഡേക്ക്യ പോവാദൊ അളിന്ത് പോഗാത്ത ഗിര്യാഡത്തെ. အခန်းကိုကြည့်ပါ။ |
1 കൊരിന്ത്യഗാറാര് 9:25
18 ပူးပေါင်းရင်းမြစ်များ
ജുദ്ദ ഗേവ ഒന്റു പട്ടളഗാറാന് പിന്ന്‌കാല് മെ്ട്ടാദെ ജുദ്ദ ഗേവ പാസെ നിന്ന് നമ്പിക്കെ പോഗാദിര്‌ക്ക്യ ബേ്ണ്ടി നീ നിന്നാവാദ് ഓരാഡുഡൊ. എഞ്ചോ ആള്‌ഗാള് മുന്നുക്കു നീ ഏസ്സ്‌ന നമ്പ്‌ന്റായി എന്റ് സൊല്ലിര്‌ക്ക്‌ന്റായല്ല? അദ്‌നാലെ നീ എന്നാല്‌ക്ക്‌മ് ഇര്‌ക്കുവ സാഗാത്ത പെ്ളേപ്പ്‌ന കയി ബ്‌ഡാദെ സൂസാരിത്ത് ബെയി. ഈ പെ്ളേപ്പ് കെ്ഡേക്ക്യ ബേ്ണ്ടിത്തെ സാമി നിനാന ബ്‌ളിത്ത്‌റ്‌ക്കുവാദ്.
ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.
ആന അയാള് തന്ന് ബീ്ഡ്‌ക്ക് ബന്റവാര് പോന്റവാര്‌ന പിര്യപിര്യാത്ത് തീറ്റ്യൂട്ടി ബ്‌ഡ്‌ന്റവാന്‌മ് ആയിര്‌ക്കുഡൊ. അയാള് നല്ലാദ് എന്തോ അദ്‌നാത്തെ പിര്യപിര്യാത്ത് ഗേന്റവാന് ആയിര്‌ക്കുഡൊ. നല്ല ബുദ്ദ്യോഡ പെ്ളേക്ക്‌ന്റവാന്‌മ്, നേര്‌മെഗാറാനായി പെ്ളേക്ക്‌ന്റവാന്‌മ് ആയിര്‌ക്കുഡൊ. കവാഡില്ലാത്തവാന്‌മ് കെ്ട്ട ആസെഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ആളാഗാത്തവാന്‌മ് ആയിര്‌ക്കുഡൊ.
അച്ചനാമ്‌ഗാള് കെ്ട്ട ആസെഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ആളാഗാത്തവാര്‌മ്, ആള്‌ഗാള് മദ്‌സ്‌ന്റവാര്‌മ്, നല്ല ബുദ്ദ്യോഡ പെ്ളേക്ക്‌ന്റവാര്‌മ് ആയിര്‌ക്ക്യ അച്ചനാമ്‌ഗാള്‌ക്ക് സൊല്ലു. അവാര് ഏസ്സ്‌ന ഒറേപ്പോഡ നമ്പിര്‌ക്ക്‌ന്റവാര്‌മ്, നല്ല സീവാന്‌ബെത്ത് നഡാക്ക്‌ന്റവാര്‌മ്, കജട്ട താങ്ക്യ മുഡിന്റവാര്‌മ് ആയിര്‌ക്കുഡൊ.
ကြော်ငြာတွေ