1 കൊരിന്ത്യഗാറാര് 9:24 - സാമി സേദി24 ഓട്ട പന്തായാത്ത്‌ല് ഓഡ്യ നില്ല്‌ന്റവാര് എല്ലാവാര്‌മ് ഓഡുന്റാര്. ആന ഒരുത്താന്‌ത്തെ സമ്മാന കെ്ഡേസ്‌ന്റാനല്ല? നിമ്മാമ് സമ്മാന കെ്ഡേക്കുവാദ്‌ക്ക് തഗ്‌ന്ത ദിന്‌സ്‌ല് ഓഡുനു. အခန်းကိုကြည့်ပါ။ |
1 കൊരിന്ത്യഗാറാര് 9:24
18 ပူးပေါင်းရင်းမြစ်များ
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
<<എര്‌സലേമ്‌ക്ക് പോഡൊ>> എന്റ് സാമി എന്ന് മനേസ്സ്‌ക്ക് സൊന്നാദ്‌നാലെത്തെ നാന് ആങ്ക് പോനാദ്. എഗുദാരല്ലാത്ത ജാദിഗാള് പട്ട്‌ല് നല്ല സേദി സൊല്ലുഗാട്ടി നാന് എന്തെല്ല കാര്യഗാള് സൊന്നേനെന്റ് അദ്‌ല് ഒന്റൊന്റായി സൊന്നെ. മുന്നുക്കുമു ഇന്നാല്‌മ് നാന് ഗേന്ത് കൊണ്ട്‌റ്ക്കുവാദ് ബീ്ണാലായിതള്ള്‌മെന്റ് അര്‌ക്കപട്ട് ഏസ്സ്‌ഗാറാര് കൂട്ട തലെവാര്‌ഗാള്‌ക്ക് താനെത്തെ ഇദ്‌ന സൊന്നാദ്.
ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
ကြော်ငြာတွေ