1 കൊരിന്ത്യഗാറാര് 9:18 - സാമി സേദി

¹⁸ അന്നാപ്പ് എനാക്കുള്ള കൂലി എന്ത്? നാന് നല്ല സേദിന സൊല്ലുഗാട്ടി നല്ല സേദിന സൊല്ലുവ ആള്‌ഗാള്‌ക്കുള്ള അദിഗരാന കാട്ടുവാദില്ലെ. അദ്‌ക്ക് ബദ്‌ല സിലാവുക്കു ഒന്റുമു ബാങ്കാദെത്തെ നാന് നല്ല സേദിന സൊല്ലുവാദ്. ഈ ദിന്‌സ്‌ല് ഗേവാദ്‌ല് ഇര്‌ക്കുവ പിര്യാത്തെ എന്ന് കൂലി.

1 കൊരിന്ത്യഗാറാര് 9:18 ပူးပေါင်းရင်းမြစ်များ

ഓഗന്നാന് 4:36

ബിത്ത്‌ന്റവാന്‌മ് അറ്‌ക്ക്‌ന്റവാന്‌മ് ഒന്റേ ഒപ്പ പിര്യപഡ്യ ബേ്ണ്ടി അറ്‌ക്ക്‌ന്റവാന് കൊഡുക്കുവ കൂലിന കൊഡുത്തു അന്നാന എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ണ്ടി സേത്തി ബെക്ക്‌ന്റാന്.

അപ്പോസുത്തലാര് 18:3

ഗുഡുസുലു മാഡി ബിക്കുവ ഗിലാസത്തെ അവാര് ഗേന്തിന്താദ്. പവുലോസുമ് അത്തവ ഗിലാസത്തെ ഗേന്തിന്താന്. അദ്‌നാലെ അയാള്‌മ് അവാരോഡ എ്ണേന്ത് അയി ഗിലാസ ഗേന്താന്. അത്തെ അയാള് അയി ഗിലാസ ഗേന്ത് തനാക്ക് പണ സമ്പാരിത്തിന്താന്.

റോമഗാറാര് 14:15

നീ തിന്നുവ ഏദാറ്റ ഒന്റു തീനില് നിമ്മ് കൂട്ടത്ത്‌ല ഒന്റാള് മനേസ്സ്‌ന സങ്കഡപഡ്‌സ്‌ന നീ അയാളോഡ സീവാന്‌ബെത്ത് നഡാക്കുവാദില്ലെ. ക്‌റ്‌സ്‌ത്ത് ആര്‌ക്ക് ബേ്ണ്ടി സത്താനൊ അയാള്‌ന നീ തിന്നുവ തീനിന ബെത്ത് കെ്ഡ്‌സാദെ.

1 കൊരിന്ത്യഗാറാര് 10:33

എനാക്ക് നല്ലാദ് കെ്ഡേക്കുവ കാര്യന പറ്റി നാന് നെനേക്കുവാദില്ലെ. അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യഗാള്‌നത്തെ നോഡുന്റെ. അത്തെ സാമി അവാര്‌ന കാപാറ്റ്യ ബേ്ണ്ടി നാന് എല്ലാ ദിന്‌സ്‌ല്‌മ് അവാര്‌ന പിര്യപഡ്‌സ്‌ന്റേനല്ല.

1 കൊരിന്ത്യഗാറാര് 3:8

നാട്ട്‌ന്റവാന്‌മ് നീര് നലേസ്‌ന്റവാന്‌മ് ദൊഡ്ഡവാനൊ സ്‌ന്നവാനൊ എന്നുവ ബിത്ത്യാസ ഇല്ലെ, അവാര് ഒന്റേ പാസെത്തെ. ഒന്റൊന്റാള്‌ക്ക്‌മ് അവനവാന് ഗേന്ത ഗിലാസാക്ക് തഗ്‌ന്ത കൂലി കെ്ഡേക്ക്‌മ്.

1 കൊരിന്ത്യഗാറാര് 7:31

ഈ ഉലഗാത്ത്‌ല സുഗഗാള്‌നാമ് ദുക്കഗാള്‌നാമ് അനിബോഗിക്ക്‌ന്റവാര് അദ്‌ക്ക് അഡിമെപഡാദെ ഇര്‌ക്കുഡൊ. എന്ത്‌ക്കെന്റ് സൊന്ന ഈ ഉലഗ ഇദേ ദിന്‌സ്‌ല് ഇര്‌ക്കാദെ ഇല്ലാദായി തള്ള്‌മല്ല.

1 കൊരിന്ത്യഗാറാര് 8:9

ഈ കാര്യഗാള്‌ല് എന്ത് മുഡിവു എ്ഡ്‌ക്കുഡൊ എന്നുവ ഉരിമെ നിനാക്ക് ഇര്‌ക്ക്‌ന്റ്. ആന ഈ ഉരിമെ സെരി ഏദ് തപ്പ് ഏദ് എന്റ് ഒറേപ്പില്ലാത്ത ബേ്റൊന്റു ഏസ്സ്‌ഗാറാന്‌ന പാവാക്ക് സിക്ക്‌സുവ ബട്ടെ ആയ പാങ്കില്ലെ.

1 കൊരിന്ത്യഗാറാര് 9:12

നിമാന നഡാത്തുവ ബേ്റെ ആള്‌ഗാള്‌ക്ക് ഇത്തെ കേ്ള്‌ക്ക്യ ഉരിമെ ഇന്തദാന എമാക്ക് എത്ത്‌റ അദിഗ ഉരിമെ ഇര്‌ക്ക്‌മ്? ആന അയി ഉരിമേക്ക് തഗ്‌ന്ത പഡി എമ്മ ഗേഗാലെ. അദ്‌ക്ക് ബദ്‌ല ക്‌റ്‌സ്‌ത്ത്‌ന പറ്റ്യുള്ള നല്ല സേദിക്ക് തഡേസ ഒന്റുമു ബരാദിര്‌ക്ക്യ ബേ്ണ്ടി എമ്മ എല്ലാദ്‌നാമ് താങ്ക്‌നേമ്.

1 കൊരിന്ത്യഗാറാര് 9:15

എന്റാല്‌മ് നാന് ഈ അദിഗരഗാള് ഒന്റുനാമ് കാട്ടാലെ. എന്തൊന്റു കെ്ഡേക്ക്‌മ് എന്റ് നെഞ്ചഡെ ബെത്തല്ല ഈ കാര്യന എ്ള്‌ദുവാദ്‌മ്. ഇത്തെ പെ്ളേക്കുവ എന്ന് പെ്ളേപ്പ്‌ന പറ്റി എനാക്ക് പെരിമെപഡുവാദ്‌ക്കുള്ള നായ ഇര്‌ക്ക്‌ന്റ്. അദ്‌ന ആരാറ്റ ഇല്ലെന്റ് സൊന്നദാന സാവാദ്‌ത്തെ എനാക്ക് നല്ലാദ്.

1 കൊരിന്ത്യഗാറാര് 9:17

നാന് എന്ന് മനേസ്സാറ ഈ ഗിലാസ ഗേവദാന എനാക്ക് കൂലി കെ്ഡേക്കുവാദ്‌ക്കുള്ള തഗ്‌ദി ഇര്‌ക്ക്‌ന്റ്. ഇദ് നാന് എന്ന് പിര്യാക്ക് തെരിന്തെ്ഡ്‌ത്താദല്ല. ആന സാമി ഈ കാര്യ ഗേയ തന്താദ്‌നാലെ നാന് അദ്‌ന ഗേയ കഡാമെ പട്ടവാന്‌ത്തെ.

2 കൊരിന്ത്യഗാറാര് 4:5

എമ്മ എമാന പറ്റി അല്ല സൊല്ലുവാദ്, ഏസ്സ് ക്‌റ്‌സ്‌ത്ത്‌ത്തെ ആണ്ടവാന് എന്റ്‌മ് എമ്മ അയാള് ആസെപഡി നിമാക്ക് ബേ്ണ്ടി ഗിലാസ ഗേന്റവാര് എന്റ്‌മ്‌ത്തെ എമ്മ സൊല്ലുവാദ്.

1 തെസെലോനിക്ക്യഗാറാര് 2:6

അദ്‌താനേമല്ല, എമ്മ ക്‌റ്‌സ്‌ത്ത്‌ക്ക് അപ്പോസുത്തലാര് ആയിര്‌ക്കുവാദ്‌നാലെ അദേ മദ്‌പ്പ്‌ല് നിമ്മ് പട്ട്‌ല് ഇര്‌ക്ക്യ എമാക്ക് അദിഗര ഇര്‌ക്ക്‌ന്റ്. അത്തെ ഇന്ത് ഗുഡി എമ്മ നിമ്മോഡിന്തൊ ബേ്റെ ആള്‌ഗാള്‌ലിന്തൊ അത്തെ ഏദ് മന്‌സാനോഡിന്ത്‌മ് അയി മദ്‌പ്പ് കെ്ഡേക്കുഡൊ എന്റ് നോഡാദെ അവ്വേസി തന്ന് മക്കാള്‌ഗാള്‌ന നോഡുവ പാസെത്തെ എമ്മ നിമാന പേര്‌ഗെ്ളേത്തിന്താദ്.