1 കൊരിന്ത്യഗാറാര് 9:17 - സാമി സേദി

¹⁷ നാന് എന്ന് മനേസ്സാറ ഈ ഗിലാസ ഗേവദാന എനാക്ക് കൂലി കെ്ഡേക്കുവാദ്‌ക്കുള്ള തഗ്‌ദി ഇര്‌ക്ക്‌ന്റ്. ഇദ് നാന് എന്ന് പിര്യാക്ക് തെരിന്തെ്ഡ്‌ത്താദല്ല. ആന സാമി ഈ കാര്യ ഗേയ തന്താദ്‌നാലെ നാന് അദ്‌ന ഗേയ കഡാമെ പട്ടവാന്‌ത്തെ.

1 കൊരിന്ത്യഗാറാര് 9:17 ပူးပေါင်းရင်းမြစ်များ

മത്തായി 10:41

ഒരുത്താന് സാമിദാസ് ആനാദ്‌നാലെ അയാള്‌ന സാമിദാസ് എന്റ് എ്ണ്ണി തങ്കാരിക്ക്‌ന്റവാന്‌ക്ക് സാമിദാസ്‌ക്ക് കെ്ഡേക്കുവ അദേ കൂലി കെ്ഡേക്ക്‌മ്. ഒരുത്താന് നേര്‌മെഗാറാന് ആനാദ്‌നാലെ അയാള്‌ന നേര്‌മെഗാറാന് എന്റ് എ്ണ്ണി തങ്കാരിക്ക്‌ന്റവാന്‌ക്ക് നേര്‌മെഗാറാന്‌ക്ക് കെ്ഡേക്കുവ അദേ കൂലി കെ്ഡേക്ക്‌മ്.

മത്തായി 24:25

നാന് നിമാക്ക് ഇദ്‌ന മുദാല് താനെ സൊല്ലിര്‌ക്ക്‌ന്റേന് എന്റ് നെനേത്ത്‌റ്‌ന്.

ലൂക്കോസു 12:42

അദുക്കുള ആണ്ടവാന് അവാര്‌ക്ക് ഇത്തെ സൊന്നാന്: <<തന്ന് ഗിലാസഗാറാര്‌ക്ക് അദാദ് ഗളിഗേക്ക് തീനി കൊഡുക്ക്യ ബേ്ണ്ടി പണ്ണാഡിക്ക് നമ്പ്യ മുഡിന്റവാനായി എ്ഡ്‌ത്ത് ബെത്ത്‌റ്‌ക്കുവ ബുദ്ദ്യുള്ള ഗിലാസഗാറാന് ആര്?

ഓഗന്നാന് 4:36

ബിത്ത്‌ന്റവാന്‌മ് അറ്‌ക്ക്‌ന്റവാന്‌മ് ഒന്റേ ഒപ്പ പിര്യപഡ്യ ബേ്ണ്ടി അറ്‌ക്ക്‌ന്റവാന് കൊഡുക്കുവ കൂലിന കൊഡുത്തു അന്നാന എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ണ്ടി സേത്തി ബെക്ക്‌ന്റാന്.

1 കൊരിന്ത്യഗാറാര് 3:14

ഒരുത്താന് കെ്ട്ട്‌ന കെ്ട്ട് ബെന്ത് പോഗാദെ അത്തേഗേ ഇന്തദാന അയാള്‌ക്ക് കൂലി കെ്ഡേക്ക്‌മ്.

1 കൊരിന്ത്യഗാറാര് 3:8

നാട്ട്‌ന്റവാന്‌മ് നീര് നലേസ്‌ന്റവാന്‌മ് ദൊഡ്ഡവാനൊ സ്‌ന്നവാനൊ എന്നുവ ബിത്ത്യാസ ഇല്ലെ, അവാര് ഒന്റേ പാസെത്തെ. ഒന്റൊന്റാള്‌ക്ക്‌മ് അവനവാന് ഗേന്ത ഗിലാസാക്ക് തഗ്‌ന്ത കൂലി കെ്ഡേക്ക്‌മ്.

1 കൊരിന്ത്യഗാറാര് 4:1

എമ്മ ക്‌റ്‌സ്‌ത്ത്‌ക്ക് പണ്ണ്യഗിലാസ ഗേന്റവാര് എന്റ്‌മ് സാമി മറേസി ബെത്ത്‌റ്‌ക്കുവ സത്ത്യഗാള്‌ന സൊല്ലി കൊഡുക്ക്യ എ്ഡ്‌ത്ത് ബെത്ത്‌റ്‌ക്കുവ ആള്‌ഗാള് എന്റ്‌മ് നിമ്മ എമാന നെനേക്കുഡൊ.

1 കൊരിന്ത്യഗാറാര് 9:16

നാന് നല്ല സേദിന സൊല്ലുവ ആള് എന്നുവാദ്‌നാലെ എനാക്ക് പെരിമെപഡ്യ ഒന്റുമില്ലെ. അദ്‌ന സൊല്ല്യ സാമി എനാന നത്ത്‌ന്റാന്. നാന് നല്ല സേദിന സൊല്ലാദിന്ത അവ്വോ, എനാക്ക് കജട്ടാത്തെ!

1 കൊരിന്ത്യഗാറാര് 9:18

അന്നാപ്പ് എനാക്കുള്ള കൂലി എന്ത്? നാന് നല്ല സേദിന സൊല്ലുഗാട്ടി നല്ല സേദിന സൊല്ലുവ ആള്‌ഗാള്‌ക്കുള്ള അദിഗരാന കാട്ടുവാദില്ലെ. അദ്‌ക്ക് ബദ്‌ല സിലാവുക്കു ഒന്റുമു ബാങ്കാദെത്തെ നാന് നല്ല സേദിന സൊല്ലുവാദ്. ഈ ദിന്‌സ്‌ല് ഗേവാദ്‌ല് ഇര്‌ക്കുവ പിര്യാത്തെ എന്ന് കൂലി.

2 കൊരിന്ത്യഗാറാര് 8:12

നിമാക്ക് കൊഡുക്ക്യ മുഡിവാദ്‌ന നിമ്മ പിര്യപിര്യാത്തോഡ കൊഡുനു. അത്തെ കൊഡുത്തദാന സാമിക്ക് മെച്ച്‌പ്‌ഡിക്ക്‌മ്.

ഗലാത്ത്യഗാറാര് 2:7

ആന എഗുദാര്‌ക്ക് നല്ല സേദിന സൊല്ല്യ സാമി പത്ത്‌റോസുന എ്ഡ്‌ത്ത് ബെത്ത്‌റ്‌ക്കുവ പാസെ എഗുദാരല്ലാത്ത ജാദിഗാള്‌ക്ക് നല്ല സേദിന സൊല്ല്യ സാമി എനാന എ്ഡ്‌ത്ത് ബെത്ത്‌റ്‌ന്റാന് എന്റ് ഈ തലെവാര്‌ഗാള്‌ക്ക് തെരിന്ത്‌ദ്.

കൊലേസ്യഗാറാര് 1:25

എന്ത്‌ക്കെന്റ് സൊന്ന മുന്തെ കാലാത്ത്‌ല് സാമിന പറ്റി തെര്യാദിന്ത കാര്യഗാള്‌ന ഒട്ടുക്കു ഇന്നാല് ഏസ്സ്‌ഗാറാര് കൂട്ടാക്ക് സൊല്ലി കൊഡുക്കുവ ഗിലാസാന ഗേയ സാമി എനാന തെരിന്തെ്ഡ്‌ത്ത്‌റ്‌ന്റാന്.

1 തെസെലോനിക്ക്യഗാറാര് 2:4

എന്ത്‌ക്കെന്റ് സൊന്ന, എമാന നല്ല സേദി സൊല്ലുന്റവാര് മാഡ്യ ബേ്ണ്ടി സാമി എമാന നോഡി നമ്പി എ്ഡ്‌ത്ത് ബെത്താന്. അദ്‌നാലെ എമ്മ മന്‌സാര്‌ഗാള്‌ന പിര്യപഡിസ്യല്ല, എമ്മ് മനേസ്സ്‌ന സോദണെ ഗേവ സാമിന പിര്യപഡിസ്യത്തെ എമ്മ നല്ല സേദിന സൊല്ലുവാദ്.

പിലെമോനു 1:14

എന്റാല്‌മ് നിനാന കേ്ള്‌ക്കാദെ എനാക്ക് ഈ കാര്യ ഗേയ മനേസ്സില്ലെ. എനാന കയിതാങ്ക്യ ബേ്ണ്ടി നാന് എന്താറ്റ ഗേയ സൊന്നദാന അദ് നിനാക്ക് മനേസ്സിന്തദാനത്തെ ഗേഡൊ. അല്ലാദെ നാന് സൊന്നാദ്‌ക്ക് ബേ്ണ്ടി ഗേഗാദെ.