1 കൊരിന്ത്യഗാറാര് 9:14 - സാമി സേദി

¹⁴ അദേപാസെ നല്ല സേദിന സൊല്ലി നഡാക്ക്‌ന്റവാര് അയി ഗിലാസാത്ത്‌ലിന്ത് കെ്ഡേക്കുവാദ്‌ന ബെത്ത് പെ്ളേക്കുഡൊ എന്റ് ആണ്ടവാന് കല്‌പനെ ബെത്ത്‌റ്‌ന്റാന്.

1 കൊരിന്ത്യഗാറാര് 9:14 ပူးပေါင်းရင်းမြစ်များ

മത്തായി 10:10

ഒന്റു ബട്ടെ പോഗാട്ടി ദറ്‌മ്മ ബാങ്കുവ പയി എ്ഡ്‌ക്ക ബേ്ഡ. ഇക്കിര്‌ക്കുവ ഉഡുപ്പൊ, ഇക്കിര്‌ക്കുവ സെര്‌പ്പൊ, കുത്തി നഡാക്കുവ ബഡ്യൊ അല്ലാദെ ഇദ്‌ഗാള് അദിഗ എ്ഡ്‌ക്കാദേന്. എന്ത്‌ക്കെന്റ് സൊന്ന ഗിലാസഗാറാന്‌ക്ക് ബേ്ഡ്‌മാനദെല്ല കെ്ഡേക്ക്‌മ്.

ലൂക്കോസു 10:7

അദേ ബീ്ഡ്‌ല് താനെ നിമ്മ തങ്കി കൊണ്ടു അവാര് എന്ത്‌ന തന്താല്‌മ് തിന്റ്‌കുഡിത്ത് ഗേന്. എന്ത്‌ക്കെന്റ് സൊന്ന ഗിലാസഗാറാന് കൂലി കെ്ഡേക്ക്യ തഗ്‌ദ്യുള്ളവാന്‌ത്തെ. നിമ്മ ബീ്ഡ് ബീ്ഡ പോയി തങ്കാദേന്.

ലൂക്കോസു 10:8

നിമ്മ ഒന്റു പട്ടണാക്ക് പോഗാട്ടി നിമാന അവാര് സേത്തി ബെത്ത് നിമാക്ക് തിന്ന്യ തരുവാദെന്ത്‌നാമ് നിമ്മ തിന്ന്‌ന്.

അപ്പോസുത്തലാര് 18:3

ഗുഡുസുലു മാഡി ബിക്കുവ ഗിലാസത്തെ അവാര് ഗേന്തിന്താദ്. പവുലോസുമ് അത്തവ ഗിലാസത്തെ ഗേന്തിന്താന്. അദ്‌നാലെ അയാള്‌മ് അവാരോഡ എ്ണേന്ത് അയി ഗിലാസ ഗേന്താന്. അത്തെ അയാള് അയി ഗിലാസ ഗേന്ത് തനാക്ക് പണ സമ്പാരിത്തിന്താന്.

1 കൊരിന്ത്യഗാറാര് 4:15

ക്‌റ്‌സ്‌ത്ത്‌ന നമ്പി പെ്ളേക്കുവ പെ്ളേപ്പ്‌ല് നിമാന പഡ്‌സ്‌ന്റവാര് പത്തായിര കണാക്ക് ഇര്‌ക്കുവാര്. എന്റാല്‌മ് നിമാക്ക് അപ്പാന് ഒരുത്താന്‌ത്തെ. അദ് നാന്‌ത്തെ. എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ്‌ന നമ്പ്യ ബേ്ണ്ടി നിമാക്ക് നല്ല സേദിന സൊല്ലി തന്താദ് നാന്‌ത്തെ.

1 കൊരിന്ത്യഗാറാര് 9:11

നിമ്മ സാമി ബക്‌ത്യോഡ പെ്ളേക്ക്യ ബേ്ണ്ടി ബേ്ഡ്‌മാന കാര്യഗാള്‌ന നിമാക്ക് ഗേന്ത് തന്തിന്ത് എമ്മ് സരിഗലന പാദ്‌ഗാക്ക്യ ബേ്ഡ്‌മാന കാര്യഗാള് നിമ്മോഡിന്ത് കേ്ട്ടദാന അദ്‌ല് എന്തൊന്റു തപ്പ് ഇര്‌ക്ക്‌ന്റ?

1 കൊരിന്ത്യഗാറാര് 9:12

നിമാന നഡാത്തുവ ബേ്റെ ആള്‌ഗാള്‌ക്ക് ഇത്തെ കേ്ള്‌ക്ക്യ ഉരിമെ ഇന്തദാന എമാക്ക് എത്ത്‌റ അദിഗ ഉരിമെ ഇര്‌ക്ക്‌മ്? ആന അയി ഉരിമേക്ക് തഗ്‌ന്ത പഡി എമ്മ ഗേഗാലെ. അദ്‌ക്ക് ബദ്‌ല ക്‌റ്‌സ്‌ത്ത്‌ന പറ്റ്യുള്ള നല്ല സേദിക്ക് തഡേസ ഒന്റുമു ബരാദിര്‌ക്ക്യ ബേ്ണ്ടി എമ്മ എല്ലാദ്‌നാമ് താങ്ക്‌നേമ്.

1 കൊരിന്ത്യഗാറാര് 9:16

നാന് നല്ല സേദിന സൊല്ലുവ ആള് എന്നുവാദ്‌നാലെ എനാക്ക് പെരിമെപഡ്യ ഒന്റുമില്ലെ. അദ്‌ന സൊല്ല്യ സാമി എനാന നത്ത്‌ന്റാന്. നാന് നല്ല സേദിന സൊല്ലാദിന്ത അവ്വോ, എനാക്ക് കജട്ടാത്തെ!

1 കൊരിന്ത്യഗാറാര് 9:4

എമാക്ക് തിന്ന്യാമ് കുഡിക്ക്യാമ് അദിഗര ഇല്ലേഗ?

2 കൊരിന്ത്യഗാറാര് 2:12

ക്‌റ്‌സ്‌ത്ത്‌ന പറ്റ്യുള്ള നല്ല സേദിന സൊല്ല്യ ബേ്ണ്ടി നാന് തോവാസ്‌ക്ക് എജ്ജ്‌ഗാട്ടി ആണ്ടവാന് അദ്‌ല് അദുക്കുള്ള ബട്ടെ മാഡി തന്താന്.

ഗലാത്ത്യഗാറാര് 6:6

സാമി സൊല്ലുസുലാക്കാന പഡിക്ക്‌ന്റവാന് തനാക്ക് കെ്ഡേക്കുവ എല്ലാദ്‌ലിന്ത്‌മ് ഒന്റു പങ്ക് പഡ്‌സ്‌ന്റവാന്‌ക്ക് കൊഡുക്കുഡൊ.

1 തെസെലോനിക്ക്യഗാറാര് 1:5

എന്ത്‌ക്കെന്റ് സൊന്ന, എമ്മ നിമാക്ക് സൊന്ന നല്ല സേദി ബെ്റ് നായല്ല, അദ്‌ക്ക് ബദ്‌ല സക്‌ത്യോഡാമ്, സാമിനിഗാല്‌ല്‌മ്, അയി സേദി നേര്‌ത്തെ എന്നുവ ഒറേപ്പോഡാമ്‌ത്തെ സൊന്നാദ്. നിമാക്ക് ഉവഗരപഡുവാദ്‌ക്ക് തഗ്‌ന്ത ദിന്‌സ്‌ല് നിമ്മ് പട്ട്‌ല് എമ്മ എത്തെ പെ്ളേത്തേമ് എന്റ് നിമാക്ക് താനെ തെരിമല്ല.