1 കൊരിന്ത്യഗാറാര് 8:13 - സാമി സേദി

¹³ അദ്‌നാലെ നാന് തിന്നുവ തീനി എന്ന് ഏസ്സ്‌ഗാറാന്‌ന പാവാക്ക് സിക്ക്‌സുവദാന അയാള് പാവാക്ക് സിക്കാദിര്‌ക്ക്യ ബേ്ണ്ടി നാന് എന്നാല്‌ക്ക്‌മ് കറി തിന്നാഗേ മാട്ടെ.

1 കൊരിന്ത്യഗാറാര് 8:13 ပူးပေါင်းရင်းမြစ်များ

മത്തായി 17:27

എന്റാല്‌മ് നമ്മ അവാര്‌ന മൊനെ പഡ്‌സാദിര്‌ക്ക്യ ബേ്ണ്ടി നീ കഡാല്‌ക്ക് പോയി തൂണ്ട ബ്‌ട്ട് മുദാല് കെ്ഡേക്കുവ മീന്‌ന എ്ഡ്. അയി മീന് ബായി ത്‌റാക്കാട്ടി ഒന്റു പണ ഇര്‌ക്കുവാദ്‌ന കാണുവായി. അദ്‌ന എ്ഡ്‌ത്ത് എനാക്ക്‌മ് നിനാക്ക്‌മ് ബേ്ണ്ടി കന്ത്യ കെ്ട്ട്>> എന്റ് സൊന്നാന്.

അപ്പോസുത്തലാര് 15:20

ആന അവാര്‌ക്ക് ഇത്തെ ഒന്റു എ്ള്‌ത്ത് എ്ള്‌ദി ബ്‌ഡ്‌ഡൊ. സെലെഗാള്‌ക്ക് മേല്‌സ ബെത്താദ്‌നാലെ അയിത്ത്യ ആന തീനിഗാള്‌ന തിന്ന ബേ്ഡ, ബേസ്യാഡ ബേ്ഡ, മുട്ടുമുട്ടുത്തു സത്ത ബേ്ണ്ട്‌ഗാള്ത്ത് സോരെ സൂസി തള്ളാത്താദ്‌നാലെ അയി ബേ്ണ്ട്‌ഗാള് കറിന തിന്ന ബേ്ഡ, ഏദ് ബേ്ണ്ട് സോരെനാമ് കുഡിക്ക ബേ്ഡ എന്റ് എ്ള്‌ദ്‌ന മദി.

റോമഗാറാര് 14:13

അദ്‌നാലെ നമ്മ ഇന്നി ആങ്കീങ്ക് നമ്മ് കൂട്ടാത്ത്‌ലവാര്‌ന കുറ്റ ബിദിക്കാദേന്. ആന അവാര്‌ക്ക് ഇര്‌ക്കുവ നമ്പിക്കേന ഇല്ലാദെ മാഡുവാദൊ ഇല്ലെ കൊറേവു മാഡുവാദൊ ആന കാര്യഗാള് ഒന്റുമു ഗേഗമാട്ടേമ് എന്റ് നമ്മ മുഡിവാക്കുഡൊ.

റോമഗാറാര് 14:21

കറി തിന്നുവാദ്‌നാലേമ് ഊറബെത്ത മുന്തിരി സാര കുഡിക്കുവാദ്‌നാലേമ് ഇദേപാസെ ബേ്റെ എന്താറ്റ ഗേവാദ്‌നാലേമ് നിമ്മ് കൂട്ടാത്ത്‌ലവാന് നമ്പിക്കേന ഇല്ലാദെ മാഡുവദാന അത്തെ ഗേഗാദിര്‌ക്കുവാദ്‌ത്തെ നല്ലാദ്.

1 കൊരിന്ത്യഗാറാര് 10:32

എഗുദാര്‌ക്കൊ എവനഗാറാര്‌ക്കൊ സാമിഗാറാര് കൂട്ടാക്കൊ തൊന്തറെ ബര്‌സ്സാത്ത ദിന്‌സ്‌ല് നിമ്മ പെ്ളേക്ക്‌ന്റവാര് ആയിര്‌ന്.

1 കൊരിന്ത്യഗാറാര് 10:33

എനാക്ക് നല്ലാദ് കെ്ഡേക്കുവ കാര്യന പറ്റി നാന് നെനേക്കുവാദില്ലെ. അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യഗാള്‌നത്തെ നോഡുന്റെ. അത്തെ സാമി അവാര്‌ന കാപാറ്റ്യ ബേ്ണ്ടി നാന് എല്ലാ ദിന്‌സ്‌ല്‌മ് അവാര്‌ന പിര്യപഡ്‌സ്‌ന്റേനല്ല.

1 കൊരിന്ത്യഗാറാര് 13:5

സീവാന് ഉള്ളവാന് മര്യാദിഗെ്ട്ട് നഡാക്കാത്തവാന്‌മ് തന്ന് കാര്യന താനെ നോഡി നഡാക്കാത്തവാന്‌മ്, മുങ്കോവ ഇല്ലത്തവാന്‌മ്, അഡ്‌ത്തവാര് ഗേന്ത തപ്പ്‌ന മനേസ്സ്‌ല് ബെക്കാത്തവാന്‌മ് ആയിര്‌ക്കുവാന്.

1 കൊരിന്ത്യഗാറാര് 6:12

<<എനാക്ക് എന്ത് ഗേയാമ് തഡേസ ഇല്ലെ>> എന്റ് സിലപ്പ നിമ്മ സൊല്ലുവുറു. ആന <<എല്ലാമ് നിമാക്ക് നല്ലാദല്ല>> എന്റ് നാന് സൊല്ലുവെ. <<എനാക്ക് എന്ത് ഗേയാമ് തഡേസ ഇല്ലെ>> എന്റ് നിമ്മ സൊല്ലുവുറു. ആന എനാന അഡിമെ മാഡുവ ഏദ് കാര്യാക്ക്‌മ് നാന് എ്ണേഗമാട്ടെ.

1 കൊരിന്ത്യഗാറാര് 9:12

നിമാന നഡാത്തുവ ബേ്റെ ആള്‌ഗാള്‌ക്ക് ഇത്തെ കേ്ള്‌ക്ക്യ ഉരിമെ ഇന്തദാന എമാക്ക് എത്ത്‌റ അദിഗ ഉരിമെ ഇര്‌ക്ക്‌മ്? ആന അയി ഉരിമേക്ക് തഗ്‌ന്ത പഡി എമ്മ ഗേഗാലെ. അദ്‌ക്ക് ബദ്‌ല ക്‌റ്‌സ്‌ത്ത്‌ന പറ്റ്യുള്ള നല്ല സേദിക്ക് തഡേസ ഒന്റുമു ബരാദിര്‌ക്ക്യ ബേ്ണ്ടി എമ്മ എല്ലാദ്‌നാമ് താങ്ക്‌നേമ്.

2 കൊരിന്ത്യഗാറാര് 11:29

ആര്‌ക്കാറ്റ എന്തൊന്റു കൊറേവു ബന്തദാന എനനാമ് അദ് അര്‌ക്കപഡ്‌സ്‌ന്റ്. ആരാറ്റ പാവ ഗേന്തദാന അദ്‌ന ഗേസ്‌നവാനോഡ എനാക്ക് മൊനേമ് ബന്റ്.

2 കൊരിന്ത്യഗാറാര് 6:3

എമ്മ ഗേവ ഗിലാസഗാള്‌ന പറ്റി ആര്‌മ് കുറ്റ സൊല്ലാദെ ഇര്‌ക്ക്യ ബേ്ണ്ടി ക്‌റ്‌സ്‌ത്ത്‌ന നമ്പുവ ആര്‌മ് എമാന കണ്ട് ക്‌റ്‌സ്‌ത്ത്‌ന തള്ളി പോഗാദിര്‌ക്ക്യ എമ്മ ഓരാഡ്‌ന്റേമ്.