1 കൊരിന്ത്യഗാറാര് 7:9 - സാമി സേദി

⁹ ആന തമ്മ് സരിഗല ആസേന അഡാക്കി ബെക്ക്യ മുഡ്യാത്തവാര് കല്യണ മുഡിക്കുഡൊ. അവാര് ഉരിഗി നഡാക്കുവാദ്‌ന ബ്‌ഡ കല്യണ മുഡിക്കുവാദ്‌ത്തെ അവാര്‌ക്ക് നല്ലാദ്.

1 കൊരിന്ത്യഗാറാര് 7:9 ပူးပေါင်းရင်းမြစ်များ

അപ്പോസുത്തലാര് 19:36

ഇദെല്ല ഇല്ലെ എന്റ് ആര്‌ക്ക്‌മ് സൊല്ല്യ മുഡ്യാത്ത കാര്യഗാള്‌ത്തെ. അദ്‌നാലെ നിമ്മ സപ്പാന ഇര്‌ന്, നെപ്പ്‌നേരില്ലാദെ ഒന്റുമു ഗേഗാദേന്.

1 കൊരിന്ത്യഗാറാര് 7:2

എന്റാല്‌മ് കണ്ടപഡിക്ക് നഡാക്കുവ പളാക്ക മന്‌സാന്‌ക്ക് ഇര്‌ക്കുവാദ്‌നാലെ ഒന്റൊന്റാള്‌ക്ക് സൊന്ത പെ്ണ്ടച്ചിമ് ഒന്റൊന്റു പെ്ണ്ണ്‌മക്കാള്‌ക്ക് സൊന്ത ആളാന്‌മ് ഇര്‌ക്കുഡൊ.

1 കൊരിന്ത്യഗാറാര് 7:28

ആന നീ പെ്ണ്ണെ്ഡ്‌ത്ത നീ ഗേവാദ് പാവല്ല, ഒന്റു ബീ്ണി ആളാന് എ്ഡ്‌ത്ത അവാള് ഗേവാദ്‌മ് പാവല്ല. എന്റാല്‌മ് ആളാന്‌പെ്ണ്ടായി പെ്ളേക്ക്‌ന്റവാര്‌ക്ക് ബരുവ കജട്ടഗാള് നിമാക്ക് ബര ബേ്ഡ എന്റ്‌ത്തെ നാന് ആസെപഡ്‌ന്റെ.

1 കൊരിന്ത്യഗാറാര് 7:36

ആളാന് എ്ഡ്‌ക്കുവ ബയിസ്സ് മുഡിന്ത്‌റ്‌ക്കുവ തന്ന് മഗാള്‌ക്ക് ആളാന് സേത്തി കൊഡുക്കാദെ ഇന്നിമ് അത്തെത്താനെ ബെത്ത്‌റ്‌ക്കുവാദ് സെര്യല്ല എന്റ് ഒന്റപ്പാന് നെനേത്തദാന അയാള് തന്ന് മഗാള്‌ക്ക് ആളാന് സേത്തി കൊഡുക്കുഡൊ. അദ് പാവല്ല.

1 കൊരിന്ത്യഗാറാര് 7:39

ഒരുത്തി തന്ന് ആളാന് പെ്ളേത്ത്‌റ്‌ക്കുവ കാല മാട്ട്‌ക്ക് തന്ന് ആളാനോഡ ഇര്‌ക്കുവ കെ്ട്ട്‌മനാക്ക് അഡി ഇര്‌ക്കുഡൊ. അയാള് സത്തദാന അവാള്‌ക്ക് തന്ന് ആളാനോഡ ഇര്‌ക്കുവ കെ്ട്ട്‌മനാക്ക് അഡി ഇര്‌ക്കുവ തേവില്ലെ. അവാള്‌ക്ക് തനാക്ക് പ്‌ഡിത്തവാന്‌ന നോഡി എ്ഡ്‌ക്ക്‌ല. ആന അയാള് ഏസ്സ്‌ഗാറാന് ആയിര്‌ക്കുഡൊ.

1 തെസെലോനിക്ക്യഗാറാര് 4:4

സാമിന തെര്യാത്ത എഗുദാരല്ലാത്ത ജാദിഗാള്‌ത്തെ കാമാക്ക് കണ്ണില്ലാദെ കണ്ടപഡിക്ക് പെ്ളേക്കുവാദ്. നിമ്മ അത്തെ പെ്ളേക്കാദേന്. നിമ്മ ഒന്റൊന്റാള്‌മ് മാനമര്യാദോഡാമ് സുത്താപ്പോഡാമ് പെ്ളേത്ത് അവനവാന്‌ന സൂസാരിത്ത് ബെക്ക്യ പഡിത്ത്‍റ്ക്കുഡൊ.

1 തിമിത്തോസു 5:11

ആന ബയിസ്സാഗാത്ത മ്‌ണ്ടേസ്യാര്‌ന അയി കൂട്ടാക്ക് സേത്ത ബേ്ഡ. എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ്‌ന നമ്പി നഡാക്ക്യ എ്ഡ്‌ത്ത മുഡിവുന ബ്‌ഡ ആസെപാഡ്‌ക്ക് ആളായി അവാര് ആളാന് സേന്ത് പെ്ളേക്ക്യ ആസെപഡുവാര്.

1 തിമിത്തോസു 5:14

അദ്‌നാലെ ബയിസ്സാഗാത്ത മ്‌ണ്ടേസ്യാര്‌ഗാള് മറിസി ആളാന് സേന്ത് മക്കാള്‌മറി പ്‌റാത്തി ബീ്ഡ്‌കാര്യഗാള് നോഡി നഡാത്തുഡൊ എന്റ് നാന് ആസെപഡ്‌ന്റെ. അത്തെ ഗേന്തദാന പോട്ടിഗാറാര്‌ക്ക് നമാന പറ്റി കുറ്റ സൊല്ല്യ എ്ഡെ കെ്ഡേക്കാദാമ്.