1 കൊരിന്ത്യഗാറാര് 7:40 - സാമി സേദി

⁴⁰ ആന അവാള് മറിസി ആളാന് സേരാദെ അത്തെത്താനെ പെ്ളേക്കുവാദ് നല്ലാദ് എന്റ്‌ത്തെ എനാക്ക് സൊല്ല്യ ഇര്‌ക്കുവ നായ, എനാക്ക്‌മ് സാമിനിഗാല് ഇര്‌ക്ക്‌ന്റ് എന്റ് നെനേക്ക്‌ന്റെ.

1 കൊരിന്ത്യഗാറാര് 7:40 ပူးပေါင်းရင်းမြစ်များ

1 കൊരിന്ത്യഗാറാര് 7:1

നിമ്മ എനാക്ക് എ്ള്‌ദി ബ്‌ട്ട കാര്യഗാള്‌ന പറ്റി നാന് സൊല്ലുവ നായ എന്തെന്റ് സൊന്ന: പെ്ണ്ണ്‌മക്കാള്‌ന അണ്ണാദെ ഇര്‌ക്കുവാദ്‌ത്തെ മന്‌സാന്‌ക്ക് നല്ലാദ്.

1 കൊരിന്ത്യഗാറാര് 7:35

നിമ്മ നല്ലാദായാത്തെ നാന് ഈ കാര്യഗാള്‌ന നിമാക്ക് സൊല്ലുവാദ്, അല്ലാദെ അദ് നിമാക്ക് ഒന്റു സിക്കാല് മാഡി ബെക്ക്യല്ല. ആണ്ടവാന്‌ക്ക് പട്ട ആള്‌ഗാള്‌ക്ക് തഗ്‌ന്ത പാസെ നിമ്മ പെ്ളേക്ക്യ ബേ്ണ്ടിമ് നിമാന ആങ്കീങ്ക് ഗ്‌ണ്ണഗ്‌ണ്ണ ബലിക്കുവ നെനേവുഗാള്‌ന ബ്‌ട്ട് ആണ്ടവാനോഡ ഇര്‌ക്കുവ ഉറാവുല് ഒറേത്ത് നില്ല്യ ബേ്ണ്ടിമ്‌ത്തെ ഇത്തെ സൊല്ലുവാദ്.

1 കൊരിന്ത്യഗാറാര് 7:6

നിമ്മ സെറ്റെ നേര പ്‌റ്‌ന്ത്‌റ്‌ക്കുഡൊ എന്നുവാദ് എനാക്ക് സമ്മദത്തെ. ആന അദ് കണ്ടിപ്പായിമ് ഗേഡൊ എന്റ് നാന് സൊല്ലുവാദില്ലെ.

1 കൊരിന്ത്യഗാറാര് 7:8

കല്യണ മുഡിക്കത്തവാര്‌ക്ക്‌മ് മ്‌ണ്ടേസ്യാര്‌ക്ക്‌മ് എനാക്ക് സൊല്ല്യ ഇര്‌ക്കുവ കാര്യ എന്തെന്റ് സൊന്ന: എനാന പാസെ ഒണ്ടി മന്‌സാനായി ഇര്‌ക്കുവാദ്‌ത്തെ അവാര്‌ക്ക് നല്ലാദ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 13:3

ക്‌റ്‌സ്‌ത്ത് എനാന ബെത്ത് നായനൊഡിന്റാന് എന്നുവാദ്‌ക്ക് തെ്ള്‌വു ബേ്ഡ്‌മെന്റ് നിമ്മ കേ്ള്‌ക്ക്‌ന്റ്‌റല്ല. അയാള്‌ക്ക് നിമ്മോഡ ഇര്‌ക്കുവ കാര്യാത്ത്‌ല് അയാള് ഒന്റുക്കുമല്ലാത്തവാന് എന്റ് നിമ്മ നെനേക്ക ബേ്ഡ. നിമ്മ ഗേവ പാവാക്ക് അയാള് നിമാന ദെ്ണ്ടിക്കുവാന്.

2 കൊരിന്ത്യഗാറാര് 8:10

പോന ബര്‌സ്സ താനെ ദറ്‌മ്മ ഗേയ പ്‌ഡിത്ത കാര്യന ഇന്നാല് ഗേന്ത് മുഡിക്കുവാദ് നല്ലാദ് ആയിര്‌ക്ക്‌മ് എന്റ്‌ത്തെ നാന് സൊല്ലുവ നായ. എല്ലാ ഏസ്സ്‌ഗാറാര് കൂട്ടഗാള്‌ക്ക് മുദാല് ദറ്‌മ്മ ഗേയാമ് അത്തെ ഗേയ ആസെപട്ട് ബന്താദ്‌മ് നിമ്മാത്തെ.

1 തെസെലോനിക്ക്യഗാറാര് 4:8

അദ്‌നാലെ ആരാറ്റ ഈ പഡുസുവ കാര്യഗാള്‌ന ബെലേക്കെ്ഡ്‌ക്കാദെ ഇന്തദാന അയാള് മന്‌സാന്‌ന അല്ല തന്ന് നിഗാല്‌ന നിമാക്ക് തരുവ സാമിനത്തെ ബെലേക്കെ്ഡ്‌ക്കാദെ ഇര്‌ക്കുവാദ്.