1 കൊരിന്ത്യഗാറാര് 7:38 - സാമി സേദി

³⁸ അത്തെ ഒരുത്താന് തന്ന് കുമാര്യാന മഗാള്‌ന കല്യണമാഡി കൊഡുക്കുവാദ് നല്ലാദ്‌ത്തെ. കല്യണമാഡി കൊഡുക്കാദെ ബെക്കുവാദ് അദ്‌ന ബ്‌ഡ നല്ലാദ്.

1 കൊരിന്ത്യഗാറാര് 7:38 ပူးပေါင်းရင်းမြစ်များ

മത്തായി 5:32

ആന നാന് നിമാക്ക് സൊല്ലുവാദ് എന്തെന്റ് സൊന്ന, ബേസ്യാഡി നഡാക്ക്‌ന്റവാളാനത്തെ പെ്ണ്ട്‌ന ബ്‌ഡ്‌ഡൊ. അല്ലാദെ പെ്ണ്ട്‌ന ബ്‌ഡ്‌ന്റവാനെല്ല അവാള്‌ന ബേസ്യാഡ്യ ബെക്ക്‌ന്റാന്. ബ്‌ട്ട് തള്ള്‌നവാള്‌ന എ്ഡ്‌ക്ക്‌ന്റവാന്‌മ് ബേസ്യാഡ്‌ന്റാന്.>>

1 കൊരിന്ത്യഗാറാര് 7:26

ഇന്നാല് പഡുവ കജട്ടന നോഡ്യ പോനദാന കല്യണ മുഡിക്കത്തവാര് അത്തെത്താനെ ഇര്‌ക്കുവാദ്‌ത്തെ നല്ലാദെന്റ് നാന് നെനേക്ക്‌ന്റെ.

1 കൊരിന്ത്യഗാറാര് 7:37

അഡ്‌ത്തവാര് നത്തുവാദ്‌ന കേ്ള്‌ക്കാദെ താന് ആസെപഡുവ കാര്യന ഗേയ അദിഗരാമ് മനേസ്സ്‌ല് ഒറേത്ത മുഡിവു ഇര്‌ക്ക്‌ന്റവാന് തന്ന് കുമാര്യാന മഗാള്‌ന കല്യണമാഡി കൊഡുക്കാദെ പാദ്‌ഗാത്ത് ബെക്ക്യ മുഡിവു എഡ്‌ത്തദാന അദ്‌മ് നല്ലാദ്‌ത്തെ.

1 കൊരിന്ത്യഗാറാര് 7:39

ഒരുത്തി തന്ന് ആളാന് പെ്ളേത്ത്‌റ്‌ക്കുവ കാല മാട്ട്‌ക്ക് തന്ന് ആളാനോഡ ഇര്‌ക്കുവ കെ്ട്ട്‌മനാക്ക് അഡി ഇര്‌ക്കുഡൊ. അയാള് സത്തദാന അവാള്‌ക്ക് തന്ന് ആളാനോഡ ഇര്‌ക്കുവ കെ്ട്ട്‌മനാക്ക് അഡി ഇര്‌ക്കുവ തേവില്ലെ. അവാള്‌ക്ക് തനാക്ക് പ്‌ഡിത്തവാന്‌ന നോഡി എ്ഡ്‌ക്ക്‌ല. ആന അയാള് ഏസ്സ്‌ഗാറാന് ആയിര്‌ക്കുഡൊ.

1 കൊരിന്ത്യഗാറാര് 7:8

കല്യണ മുഡിക്കത്തവാര്‌ക്ക്‌മ് മ്‌ണ്ടേസ്യാര്‌ക്ക്‌മ് എനാക്ക് സൊല്ല്യ ഇര്‌ക്കുവ കാര്യ എന്തെന്റ് സൊന്ന: എനാന പാസെ ഒണ്ടി മന്‌സാനായി ഇര്‌ക്കുവാദ്‌ത്തെ അവാര്‌ക്ക് നല്ലാദ്.

എവുറായാര് 13:4

കല്യണ മുഡിക്കുവാദ്‌ന എല്ലാര്‌മ് മദ്‌സ്‌ന്. ആളാന്‌പെ്ണ്ട് ആങ്കീങ്ക് ബേ്റെ പോഗാദെ നമ്പ്യ മുഡിന്റവാര് ആയിര്‌ക്കുഡൊ. കണ്ടപഡിക്ക് നഡാക്ക്‌ന്റവാര്‌നാമ് ബേസ്യാഡ്‌ന്റവാര്‌നാമ് സാമി ദെ്ണ്ടിക്കുവാന്.