1 കൊരിന്ത്യഗാറാര് 7:31 - സാമി സേദി

³¹ ഈ ഉലഗാത്ത്‌ല സുഗഗാള്‌നാമ് ദുക്കഗാള്‌നാമ് അനിബോഗിക്ക്‌ന്റവാര് അദ്‌ക്ക് അഡിമെപഡാദെ ഇര്‌ക്കുഡൊ. എന്ത്‌ക്കെന്റ് സൊന്ന ഈ ഉലഗ ഇദേ ദിന്‌സ്‌ല് ഇര്‌ക്കാദെ ഇല്ലാദായി തള്ള്‌മല്ല.

1 കൊരിന്ത്യഗാറാര് 7:31 ပူးပေါင်းရင်းမြစ်များ

ലൂക്കോസു 21:34

<<ഈ ഉലഗാത്ത്‌ല് നിമ്മ തിന്റ്‌കുഡിത്ത് ബോദേ്റി നഡാക്കുവ നെനേവോഡഗേ ഇര്‌ക്കാദേന്. എത്തെ പെ്ളേത്ത് പോല എന്റ് അര്‌ക്കപട്ട് നഡാക്കുവ നെനേവോഡാമ് ഇര്‌ക്കാദേന്. എന്ത്‌ക്കെന്റ് സൊന്ന അയി നാള് സദിപെ്ട്ട്‌ല് ബര്‌മ്. അദ്‌നാലെ നിമ്മ സൂസാരിത്തിര്‌ന്.

1 കൊരിന്ത്യഗാറാര് 7:29

ഏസ്സ്‌ഗാറാരെ, നാന് സൊല്ലി ബരുവ അര്‌ത്ത എന്തെന്റ് സൊന്ന, ഇന്നി അദിഗ നാള് ഇല്ലെ, അദ്‌നാലെ ഇന്നാലിന്ത് പെ്ണ്ടച്ച്യാമ് ഇര്‌ക്ക്‌ന്റവാര് പെ്ണ്ടച്ച്യാമ് ഇല്ലത്തവാര്‌ന പാസെ പെ്ളേക്കുഡൊ.

1 കൊരിന്ത്യഗാറാര് 7:30

കേ്യ്‌ന്റവാര് കേ്യത്തവാര്‌ന പാസേമ്, പിര്യപഡ്‌ന്റവാര് പിര്യപഡാത്തവാര്‌ന പാസേമ്, ബെലേക്ക് ബാങ്ക്‌നവാര് അദ് തമാക്ക് സൊന്തല്ലത്താദ്‌ന പാസേമ് ആയിര്‌ക്കുഡൊ.

1 കൊരിന്ത്യഗാറാര് 9:18

അന്നാപ്പ് എനാക്കുള്ള കൂലി എന്ത്? നാന് നല്ല സേദിന സൊല്ലുഗാട്ടി നല്ല സേദിന സൊല്ലുവ ആള്‌ഗാള്‌ക്കുള്ള അദിഗരാന കാട്ടുവാദില്ലെ. അദ്‌ക്ക് ബദ്‌ല സിലാവുക്കു ഒന്റുമു ബാങ്കാദെത്തെ നാന് നല്ല സേദിന സൊല്ലുവാദ്. ഈ ദിന്‌സ്‌ല് ഗേവാദ്‌ല് ഇര്‌ക്കുവ പിര്യാത്തെ എന്ന് കൂലി.

എവുറായാര് 12:27

<<ഇന്നി ഒന്റു ജമ്പ്>> എന്റ് സൊന്നാദ്‌ക്കുള്ള അര്‌ത്ത എന്നുവാദ്, ഗ്‌ഡ്‌ഗ്‌ഡ ആഡ്‌സ്യ മുഡ്യാത്താദ്‌ഗാള് എന്നാല്‌ക്ക്‌മ് ഇര്‌ക്ക്യ ബേ്ണ്ടി ദ്‌ട്ടിസി ബെത്ത്‌റ്‌ക്കുവ ഗ്‌ഡ്‌ഗ്‌ഡ ആഡ്‌സ്യ മുഡിവ എല്ലാദ്‌നാമ് എ്ഡ്‌ത്ത് തള്ളുവാന് എന്റ്‌ത്തെ.

1 പത്ത്‌റോസു 1:24

സാമി സൊല്ലുസുലാക്കാത്ത്‌ല് സൊല്ലിര്‌ക്കുവ പാസെ: <<എല്ലാ മന്‌സാര്‌ഗാള്‌മ് പുല്ലുന പാസേമ് അവാര്‌ക്കിര്‌ക്കുവ മദ്‌പ്പ് സോലേല് പൂത്ത്‌റ്‌ക്കുവ പൂവുന പാസേമ്‌ത്തെ. അയി പുല്ലു ബാഡി ഉണാങ്ക്‌ന്റ്, പൂവുമു കൊട്ടി തള്ള്‌ന്റ്.

1 പത്ത്‌റോസു 4:7

ആന ഈ ഉലഗാത്ത്‌ലിര്‌ക്കുവാദെല്ല അളിവാദ്‌ക്കുള്ള കാല അഡ്‌ത്ത്‌റ്‌ന്റ്. അദ്‌നാലെ നിമ്മ സൂസാരിത്തിര്‌ന്റവാര്‌മ് അഡക്കൊദുക്കത്തോഡ ഇര്‌ക്ക്‌ന്റവാര്‌മ് ആയി പരേസി കൊണ്ടേ ഇര്‌ന്.

1 ഓഗന്നാന് 2:17

ഇദെല്ല ഉലഗ അളിഗാട്ടി അളിന്ത് പോമു. ആന സാമി ആസെപഡുവ പാസെ ഗേന്റവാന് എന്നാല്‌ക്ക്‌മ് പെ്ളേക്കുവാന്.