1 കൊരിന്ത്യഗാറാര് 7:29 - സാമി സേദി

²⁹ ഏസ്സ്‌ഗാറാരെ, നാന് സൊല്ലി ബരുവ അര്‌ത്ത എന്തെന്റ് സൊന്ന, ഇന്നി അദിഗ നാള് ഇല്ലെ, അദ്‌നാലെ ഇന്നാലിന്ത് പെ്ണ്ടച്ച്യാമ് ഇര്‌ക്ക്‌ന്റവാര് പെ്ണ്ടച്ച്യാമ് ഇല്ലത്തവാര്‌ന പാസെ പെ്ളേക്കുഡൊ.

1 കൊരിന്ത്യഗാറാര് 7:29 ပူးပေါင်းရင်းမြစ်များ

ലൂക്കോസു 14:20

ബേ്റെ ഒന്റൊരുത്താന്: <നാന് ഇന്നാല്‌ത്തെ കല്യണ മുഡിത്ത്‌റ്‌ന്റെ. അദ്‌നാലെ എനാക്ക് ബര്യ മുഡ്യാമാട്ട> എന്റ് സൊന്നാന്.

1 കൊരിന്ത്യഗാറാര് 7:28

ആന നീ പെ്ണ്ണെ്ഡ്‌ത്ത നീ ഗേവാദ് പാവല്ല, ഒന്റു ബീ്ണി ആളാന് എ്ഡ്‌ത്ത അവാള് ഗേവാദ്‌മ് പാവല്ല. എന്റാല്‌മ് ആളാന്‌പെ്ണ്ടായി പെ്ളേക്ക്‌ന്റവാര്‌ക്ക് ബരുവ കജട്ടഗാള് നിമാക്ക് ബര ബേ്ഡ എന്റ്‌ത്തെ നാന് ആസെപഡ്‌ന്റെ.

1 കൊരിന്ത്യഗാറാര് 7:30

കേ്യ്‌ന്റവാര് കേ്യത്തവാര്‌ന പാസേമ്, പിര്യപഡ്‌ന്റവാര് പിര്യപഡാത്തവാര്‌ന പാസേമ്, ബെലേക്ക് ബാങ്ക്‌നവാര് അദ് തമാക്ക് സൊന്തല്ലത്താദ്‌ന പാസേമ് ആയിര്‌ക്കുഡൊ.

1 കൊരിന്ത്യഗാറാര് 7:31

ഈ ഉലഗാത്ത്‌ല സുഗഗാള്‌നാമ് ദുക്കഗാള്‌നാമ് അനിബോഗിക്ക്‌ന്റവാര് അദ്‌ക്ക് അഡിമെപഡാദെ ഇര്‌ക്കുഡൊ. എന്ത്‌ക്കെന്റ് സൊന്ന ഈ ഉലഗ ഇദേ ദിന്‌സ്‌ല് ഇര്‌ക്കാദെ ഇല്ലാദായി തള്ള്‌മല്ല.

1 പത്ത്‌റോസു 1:24

സാമി സൊല്ലുസുലാക്കാത്ത്‌ല് സൊല്ലിര്‌ക്കുവ പാസെ: <<എല്ലാ മന്‌സാര്‌ഗാള്‌മ് പുല്ലുന പാസേമ് അവാര്‌ക്കിര്‌ക്കുവ മദ്‌പ്പ് സോലേല് പൂത്ത്‌റ്‌ക്കുവ പൂവുന പാസേമ്‌ത്തെ. അയി പുല്ലു ബാഡി ഉണാങ്ക്‌ന്റ്, പൂവുമു കൊട്ടി തള്ള്‌ന്റ്.

1 പത്ത്‌റോസു 4:7

ആന ഈ ഉലഗാത്ത്‌ലിര്‌ക്കുവാദെല്ല അളിവാദ്‌ക്കുള്ള കാല അഡ്‌ത്ത്‌റ്‌ന്റ്. അദ്‌നാലെ നിമ്മ സൂസാരിത്തിര്‌ന്റവാര്‌മ് അഡക്കൊദുക്കത്തോഡ ഇര്‌ക്ക്‌ന്റവാര്‌മ് ആയി പരേസി കൊണ്ടേ ഇര്‌ന്.

1 ഓഗന്നാന് 2:17

ഇദെല്ല ഉലഗ അളിഗാട്ടി അളിന്ത് പോമു. ആന സാമി ആസെപഡുവ പാസെ ഗേന്റവാന് എന്നാല്‌ക്ക്‌മ് പെ്ളേക്കുവാന്.