1 കൊരിന്ത്യഗാറാര് 7:21 - സാമി സേദി

²¹ സാമി നിനാന ബ്‌ളിക്കാട്ടി നീ ഒന്റു അഡിമെ ആയിന്തായ? നീ അര്‌ക്കപഡാദെ. അഡിമ്യല്ലത്തവാന് ആയിര്‌ക്ക്യ സദുവു കെ്ഡേത്തദാന അദ്‌ന ഉവഗരപഡിസ്യ നോഡു.

1 കൊരിന്ത്യഗാറാര് 7:21 ပူးပေါင်းရင်းမြစ်များ

ലൂക്കോസു 12:29

അദ്‌നാലെ എന്ത്‌ന തിന്നുവേമ് എന്ത്‌ന കുഡിക്കുവേമ് എന്റ് നെനേത്ത് നിമ്മ അര്‌ക്കപഡാദേന്.

ലൂക്കോസു 21:34

<<ഈ ഉലഗാത്ത്‌ല് നിമ്മ തിന്റ്‌കുഡിത്ത് ബോദേ്റി നഡാക്കുവ നെനേവോഡഗേ ഇര്‌ക്കാദേന്. എത്തെ പെ്ളേത്ത് പോല എന്റ് അര്‌ക്കപട്ട് നഡാക്കുവ നെനേവോഡാമ് ഇര്‌ക്കാദേന്. എന്ത്‌ക്കെന്റ് സൊന്ന അയി നാള് സദിപെ്ട്ട്‌ല് ബര്‌മ്. അദ്‌നാലെ നിമ്മ സൂസാരിത്തിര്‌ന്.

1 കൊരിന്ത്യഗാറാര് 12:13

പല ആള്‌ഗാള് ആയിര്‌ക്കുവ നമ്മൊട്ടുക്കു ഒന്റേ നിഗാല്‌ന കെ്ഡേസി ഒന്റു കൂട്ട ആനാമ്. അയി കൂട്ട എന്നുവാദ് പല മൂട്ടുമുറിഗാള് കൂഡിര്‌ക്കുവ ഒന്റു സരിഗലന പാസെത്തെ. അത്തെ ഒന്റേ നിഗാല്‌ന കെ്ഡേസി പെ്ളേക്കുവ നമ്മ് കൂട്ടാത്ത്‌ല് എഗുദാരൊ, എവനഗാറാരൊ, അഡിമെഗാളൊ, അഡിമ്യല്ലത്തവാരൊ എന്നുവ ബിത്ത്യാസ ഇല്ലെ.

1 കൊരിന്ത്യഗാറാര് 7:20

ഒന്റൊന്റാള്‌മ് സാമി ബ്‌ളിക്കാട്ടി ആര് ആയിന്ത്‌റൊ അദേ ആള് ആയി താനെത്തെ നിമ്മ ഇര്‌ക്കുഡൊ.

1 കൊരിന്ത്യഗാറാര് 7:22

എന്ത്‌ക്കെന്റ് സൊന്ന ഏസ്സ്‌ഗാറാന് ആന ഒന്റു അഡിമെ ആണ്ടവാന് ഏസ്സ് കണ്ണ്‌ക്ക് അഡിമ്യല്ല. അദേപാസെ ആണ്ടവാന് ബ്‌ളിക്കാട്ടി അഡിമെ അല്ലത്തവാന് ആന ഏസ്സ്‌ഗാറാന് ഇന്നാല് ക്‌റ്‌സ്‌ത്ത്‌ക്ക് അഡിമേത്തെ.

ഗലാത്ത്യഗാറാര് 3:28

നിമ്മൊട്ടുക്കു ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ എഗുദാരെന്റൊ എഗുദാര് അല്ലാത്ത ജാദിഗാളെന്റൊ, ദൊഡ്ഡവാനെന്റൊ സ്‌ന്നവാനെന്റൊ, ഗണ്ടെന്റൊ പെ്ണ്ണെന്റൊ എന്നുവ ബിത്ത്യാസ ഇല്ലെ.

പിലിപ്പ്യഗാറാര് 4:11

എനാക്ക് എന്തൊന്റു ബുദ്ദിമുട്ടു ബന്താദ്‌നാലെ അല്ല നാന് ഇത്തെ സൊല്ലുവാദ്. എന്ന് പെ്ളേപ്പ്‌ല് എന്ത് നഡാന്താല്‌മ് പിര്യപിര്യാത്ത് പെ്ളേക്ക്യ നാന് പളാഗിര്‌ക്ക്‌ന്റെ.

പിലിപ്പ്യഗാറാര് 4:6

ഒന്റുനാമ് നെനേത്ത് നിമ്മ അര്‌ക്കപഡാദേന്. ആന ഏദ്‌ഗളിഗേമ് നിമാക്ക് ബേ്ഡ്‌മാന എല്ലാ കാര്യഗാള്‌ക്ക് ബേ്ണ്ടി നിമ്മ സാമിക്ക് പരേസ്‌ന്. പരേസ്‌ഗാട്ടി നിമ്മ നണ്ണ്യുള്ളവാരായി പരേസ്‌ന്.

കൊലേസ്യഗാറാര് 3:11

അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.

എവുറായാര് 13:5

പണാക്ക് ബേ്ണ്ടി ആസെപട്ട് പെ്ളേക്കുവാദ്‌ന തള്ള്‌ന്. നിമാക്ക് ഇന്നാല് ഇര്‌ക്കുവാദ് മദി എന്റ് നെനേത്ത് പെ്ളേന്. എന്ത്‌ക്കെന്റ് സൊന്ന <<നാന് നിമാന ഒന്റു നാള്‌മ് തള്ളമാട്ടെ, നിമാന ഒന്റു നാള്‌മ് കയി ബ്‌ഡാമ് മാട്ടെ>> എന്റ് സാമി സൊല്ലിര്‌ക്ക്‌ന്റാനല്ല.

1 പത്ത്‌റോസു 5:7

നിമ്മ് കാര്യഗാള്‌നെല്ല നോഡുന്റവാന് സാമി ആയിര്‌ക്കുവാദ്‌നാലെ നിമ്മ അര്‌ക്കപഡുവ കാര്യഗാള്‌നെല്ല സാമിക്ക് ഒപ്പുസുനു.