1 കൊരിന്ത്യഗാറാര് 7:2 - സാമി സേദി

² എന്റാല്‌മ് കണ്ടപഡിക്ക് നഡാക്കുവ പളാക്ക മന്‌സാന്‌ക്ക് ഇര്‌ക്കുവാദ്‌നാലെ ഒന്റൊന്റാള്‌ക്ക് സൊന്ത പെ്ണ്ടച്ചിമ് ഒന്റൊന്റു പെ്ണ്ണ്‌മക്കാള്‌ക്ക് സൊന്ത ആളാന്‌മ് ഇര്‌ക്കുഡൊ.

1 കൊരിന്ത്യഗാറാര് 7:2 ပူးပေါင်းရင်းမြစ်များ

മത്തായി 5:32

ആന നാന് നിമാക്ക് സൊല്ലുവാദ് എന്തെന്റ് സൊന്ന, ബേസ്യാഡി നഡാക്ക്‌ന്റവാളാനത്തെ പെ്ണ്ട്‌ന ബ്‌ഡ്‌ഡൊ. അല്ലാദെ പെ്ണ്ട്‌ന ബ്‌ഡ്‌ന്റവാനെല്ല അവാള്‌ന ബേസ്യാഡ്യ ബെക്ക്‌ന്റാന്. ബ്‌ട്ട് തള്ള്‌നവാള്‌ന എ്ഡ്‌ക്ക്‌ന്റവാന്‌മ് ബേസ്യാഡ്‌ന്റാന്.>>

1 കൊരിന്ത്യഗാറാര് 6:18

അദ്‌നാലെ ബേസ്യാഡി നഡാക്കുവാദ്‌ന തെ്റിന്ത് തള്ള്‌ന്. മന്‌സാന് സരിഗലന കെ്ഡ്‌സുവ ഇത്ത്‌റ ദൊഡ്ഡ പാവ ബേ്റെ ഇല്ലെ. എന്ത്‌ക്കെന്റ് സൊന്ന ബേസ്യാഡി നഡാക്കുവ പാവ നമ്മ് സിരിഗലാക്ക് താനെ ഗേവ പാവത്തെ.

1 കൊരിന്ത്യഗാറാര് 7:1

നിമ്മ എനാക്ക് എ്ള്‌ദി ബ്‌ട്ട കാര്യഗാള്‌ന പറ്റി നാന് സൊല്ലുവ നായ എന്തെന്റ് സൊന്ന: പെ്ണ്ണ്‌മക്കാള്‌ന അണ്ണാദെ ഇര്‌ക്കുവാദ്‌ത്തെ മന്‌സാന്‌ക്ക് നല്ലാദ്.

1 കൊരിന്ത്യഗാറാര് 7:3

പെ്ണ്ടച്ചിക്ക് ഇര്‌ക്കുവ ആസേന ആളാന്‌ക്ക്‌മ് ആളാന്‌ക്ക് ഇര്‌ക്കുവ ആസേന പെ്ണ്ടച്ചിക്ക്‌മ് ഗേന്ത് കൊഡുക്കുവാദ്‌ക്കുള്ള കഡാമെ അവാര് റാഡാള്‌ക്ക്‌മ് ഇര്‌ക്ക്‌ന്റ്.

1 കൊരിന്ത്യഗാറാര് 7:9

ആന തമ്മ് സരിഗല ആസേന അഡാക്കി ബെക്ക്യ മുഡ്യാത്തവാര് കല്യണ മുഡിക്കുഡൊ. അവാര് ഉരിഗി നഡാക്കുവാദ്‌ന ബ്‌ഡ കല്യണ മുഡിക്കുവാദ്‌ത്തെ അവാര്‌ക്ക് നല്ലാദ്.

എപസോസുഗാറാര് 5:28

അദേപാസെ ആളനച്ചനാമ് തമ്മ് സരിഗലന പാസെ ഇര്‌ക്കുവ തമ്മ് പെ്ണ്ടച്ച്യാമോഡ സീവാന്‌ബെത്ത് നഡാക്കുഡൊ. തമ്മ് പെ്ണ്ടച്ച്യാമോഡ സീവാന്‌ബെത്ത് പെ്ളേക്ക്‌ന്റവാര് തന്നോഡ താനേമ് സീവാന്‌ബെത്ത് നഡാക്ക്‌ന്റാന്.

എപസോസുഗാറാര് 5:33

ക്‌റ്‌സ്‌ത്ത് ഏസ്സ്‌ഗാറാര് കൂട്ടന സീവാന്‌ബെത്ത് നഡാക്കുവ പാസെ നിമ്മ ഒട്ടുക്കുമു അവനവാന് പെ്ണ്ടച്ച്യാമോഡ സീവാന്‌ബെത്ത് നഡാക്കുഡൊ. പെ്ണ്ടച്ച്യാമ്‌മ് തമ്മ് ആളനച്ചനാമ്‌ന മദിസി കൊണ്ടു നഡാക്കുഡൊ എന്റ് നാന് പിന്നേമ് സൊന്റെ.

1 തെസെലോനിക്ക്യഗാറാര് 4:4

സാമിന തെര്യാത്ത എഗുദാരല്ലാത്ത ജാദിഗാള്‌ത്തെ കാമാക്ക് കണ്ണില്ലാദെ കണ്ടപഡിക്ക് പെ്ളേക്കുവാദ്. നിമ്മ അത്തെ പെ്ളേക്കാദേന്. നിമ്മ ഒന്റൊന്റാള്‌മ് മാനമര്യാദോഡാമ് സുത്താപ്പോഡാമ് പെ്ളേത്ത് അവനവാന്‌ന സൂസാരിത്ത് ബെക്ക്യ പഡിത്ത്‍റ്ക്കുഡൊ.

1 തിമിത്തോസു 4:3

അവാര് ആള്‌ഗാള് പെ്ണ്ണെ്ഡ്‌ക്കുവാദ് ആഗ എന്റ്‌മ് തിന്നുവ ജാദിഗാള്‌ല് ലേസ ജാദിഗാള്‌ന തിന്ന ബേ്ഡ എന്റ്‌മ് പഡ്‌സ്‌ന്റാര്. ആന സത്ത്യാന തെരിന്ത്‌റ്‌ക്കുവ ഏസ്സ്‌ഗാറാര്‌ക്ക് നണ്ണി സൊല്ലി തിന്ന്യ സാമി തിന്നുവ ജാദിഗാള്‌ന ദ്‌ട്ടിസി ബെത്ത്‌റ്‌ന്റാന്.