1 കൊരിന്ത്യഗാറാര് 7:12 - സാമി സേദി

¹² ആന ഇന്നി നിമ്മ് കൂട്ടാത്ത്‌ല് ഇര്‌ക്കുവ ബേ്റ് ആള്‌ഗാള്‌ക്ക് ആണ്ടവാനല്ല നാന് താനെത്തെ സൊല്ലുവാദ് എന്തെന്റ് സൊന്ന ഒന്റു ഏസ്സ്‌ഗാറാന്‌ക്ക് ഏസ്സ്‌ന നമ്പാത്ത പെ്ണ്ടച്ചി ഇന്തദാന അവാള് അയാളോഡ ഒന്റായിര്‌ക്ക്യ മനേസ്സിന്ത അവാള്‌ന ബ്‌ഡ ബേ്ഡ.

1 കൊരിന്ത്യഗാറാര് 7:12 ပူးပေါင်းရင်းမြစ်များ

1 കൊരിന്ത്യഗാറാര് 7:11

പ്‌റ്‌ന്തദാന ബേ്റെ കല്യണ മുഡിക്കാദെ പെ്ളേക്കുഡൊ, അല്ലാദെ പോന ആളനോഡ രാജി കൂഡുഡൊ. ആളാന്‌മ് പെ്ണ്ട്‌ന ബ്‌ഡ്യ പാങ്കില്ലെ.

1 കൊരിന്ത്യഗാറാര് 7:13

അദേപാസെ ഒന്റു ഏസ്സ്‌ഗാറിസിക്ക് ഏസ്സ്‌ന നമ്പാത്ത ആളാന് ഇന്ത അയാള്‌ക്ക് അവാളോഡ ഇര്‌ക്ക്യ മനേസ്സിന്തദാന അവാള് അയാള്‌ന ബ്‌ഡ ബേ്ഡ.

1 കൊരിന്ത്യഗാറാര് 7:25

കുമാരി ആയിര്‌ക്കുവ പെ്ണ്ണ്‌മക്കാള്‌ന പറ്റി നിമ്മ എ്ള്‌ദിന്ത്‌റല്ല, അദ്‌ന പറ്റി ആണ്ടവാന്‌ലിന്ത് എനാക്ക് കല്‌പനെ ഒന്റുമു കെ്ഡേക്കാലെ. എന്റാല്‌മ് ആണ്ടവാന്‌ക്ക് കറ്‌മ്മ പ്‌ഡിത്ത് നമ്പ്യ മുഡിന്റവാന് ആയിര്‌ക്കുവ നാന് അദ്‌ന പറ്റ്യുള്ള എന്ന് നായന നിമാക്ക് സൊന്റെ.

1 കൊരിന്ത്യഗാറാര് 7:27

നീ പെ്ണ്ണ് സേന്ത്‌റ്‌ക്കുവദാന പെ്ണ്ട്‌ന ബ്‌ട്ട് പ്‌റ ബേ്ഡ. പെ്ണ്ണെ്ഡ്‌ക്കാത്ത ഒരുത്താന് പെ്ണ്ണെ്ഡ്‌ക്ക്യ നോഡ ബേ്ഡ.

1 കൊരിന്ത്യഗാറാര് 7:6

നിമ്മ സെറ്റെ നേര പ്‌റ്‌ന്ത്‌റ്‌ക്കുഡൊ എന്നുവാദ് എനാക്ക് സമ്മദത്തെ. ആന അദ് കണ്ടിപ്പായിമ് ഗേഡൊ എന്റ് നാന് സൊല്ലുവാദില്ലെ.

2 കൊരിന്ത്യഗാറാര് 11:17

ആണ്ടവാന് ഏസ്സ് സൊല്ല്യ ആസെപഡുവ കാര്യല്ല നാന് ഇന്നാല് സൊല്ലുവാദ്. ബുദ്ദിഗെ്ട്ടവാന്‌ന പാസെത്തെ നാന് ഇന്നാല് എനാന പറ്റി താനെ പെരിമെപഡുവാദ്.