1 കൊരിന്ത്യഗാറാര് 6:19 - സാമി സേദി

¹⁹ സാമി ദാന ഗേന്ത സാമിനിഗാല് ഇര്‌ക്കുവ ബീ്ഡ്‌ത്തെ നിമ്മ് സരിഗല എന്റ്‌മ് നിമാന സാമി ബെലേക്ക് ബാങ്കിര്‌ക്കുവാദ്‌നാലെ നിമ്മ നിമാക്കുള്ളവാര് താനെ അല്ല എന്റ്‌മ് നിമാക്ക് തെരിവാദില്ലേഗ?

1 കൊരിന്ത്യഗാറാര് 6:19 ပူးပေါင်းရင်းမြစ်များ

ഓഗന്നാന് 2:21

ആന ഏസ്സ് തന്ന് ഉരുവു എന്നുവ സാമിബീ്ഡ്‌ന പറ്റിത്തെ സൊന്നാദ്.

റോമഗാറാര് 8:9

സാമിനിഗാല് നിമ്മോഡ ഇര്‌ക്കുവദാന നിമ്മ മന്‌സാന്‌ക്ക് ഇര്‌ക്കുവ പാവ ഗേവ പളാക്കുള്ളവാരല്ല, സാമിനിഗാല് സൊല്ലുപഡി നഡാക്ക്‌ന്റവാര്‌ത്തെ. ക്‌റ്‌സ്‌ത്ത് നിഗാല് ഇല്ലത്തവാര് ക്‌റ്‌സ്‌ത്ത്‌ക്കുള്ളവാനല്ല.

1 കൊരിന്ത്യഗാറാര് 3:16

സാമിബീ്ഡ് എന്നുവാദ് നിമ്മാത്തെ എന്റ്‌മ് സാമിനിഗാല് നിമ്മോഡ ഇര്‌ക്ക്‌ന്റ് എന്റ്‌മ് നിമാക്ക് തെരിമല്ല?

1 കൊരിന്ത്യഗാറാര് 6:13

<<തീനി ബേ്റ്‌ക്ക്‌മ് ബേ്റ് തീനിക്ക്‌മ് ഉള്ളാദ്‌ത്തെ>> എന്റ് സിലപ്പ നിമ്മ സൊല്ലുവുറു. ആന സാമി ഇദ് റാഡ്‌നാമ് ഇല്ലാദെ മാഡുവാന്. സരിഗല ബേസ്യാഡി നഡാക്ക്യുള്ളാദല്ല, ആണ്ടവാന്‌ക്കുള്ളാദ്‌ത്തെ, ആണ്ടവാനൊ സരിഗലന പാദ്‌ഗാക്ക്‌ന്റവാന്‌ത്തെ.

1 കൊരിന്ത്യഗാറാര് 6:3

നമ്മ ദൂദാര്‌ഗാള്‌ന ബിദിക്ക്‌ല എന്റ് നിമാക്ക് തെരിവാദില്ലേഗ? അത്ത്യാന ഈ ഉലഗാത്ത്‌ല സ്‌ന്ന സ്‌ന്ന കാര്യഗാള്‌ന ബിദിക്ക്യ നിമാക്ക് കണ്ടിപ്പായിമ് മുഡിമ്.

2 കൊരിന്ത്യഗാറാര് 5:15

അയാള് എല്ലാ ആള്‌ഗാള്‌ക്ക് ബേ്ണ്ടി സത്താന്. അദ്‌നാലെ പെ്ളേക്ക്‌ന്റവാര് ഇന്നി തമാക്ക് ബേ്ണ്ട്യല്ല, തമാക്ക് ബേ്ണ്ടി സത്ത പ്‌റ സാമി ഉജുര്‌ളാക്ക്‌ന ആണ്ടവാന്‌ക്ക് ബേ്ണ്ടിത്തെ പെ്ളേക്കുഡൊ.

2 കൊരിന്ത്യഗാറാര് 6:16

സാമിബീ്ഡ്‌ക്ക്‌മ് സെലേക്ക്‌മ് ആങ്കീങ്ക് എ്ണേഗമാട്ട. നമ്മ ഉജുരുള്ള സാമി ഇര്‌ക്കുവ ബീ്ഡ് ആയിര്‌ക്കുവാദ്‌നാലെ സെലെന കുമ്മുഡുന്റവാരോഡ നമാക്ക് എ്ണേയ പറ്റമാട്ട. <<എന്ന് ജനഗാളോഡ നാന് ഒന്റായി തങ്കുവെ, അവാരോഡൊപ്പ നാന് നഡാക്കുവെ, നാന് അവാര്‌ക്ക് സാമിമ് അവാര് എന്ന് ജനഗാള്‌മ് ആയിര്‌ക്കുവാര്>> എന്റ് സാമി സൊല്ലിര്‌ക്ക്‌ന്റാനല്ല.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

ആക്കോവു 4:5

അല്ല പോന നിമ്മ സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ് ബെ്റ്‌ദേത്തെന്റ് നെനേക്ക്‌ന്റ്‌റ? അദ് ഇത്തേത്തെ: <<സാമി നമാക്ക് തന്ന് നിഗാല്‌ന തന്ത്‌റ്‌ക്ക്‌ന്റാന്. അയി നിഗാല് നമ്മ സാമിന ബ്‌ട്ട് പ്‌റ്‌ന്ത് പോഗാഗേ ബേ്ഡ എന്റ് ആസെപഡ്‌ന്റ്.>>

1 പത്ത്‌റോസു 2:5

അത്തെ നിമ്മാമ് ഉജുരുള്ള കല്ല്‌ഗാളായി ഏസ്സ് ക്‌റ്‌സ്‌ത്ത്‌ന ബെത്ത് സാമി തങ്കാരിക്കുവാദ്‌മ് സാമിനിഗാല്‌ല് കൊഡുക്കുവാദ്‌മാന പലി കൊഡുക്ക്യ സാമിക്ക് പട്ട പൂസാരിഗാളായി ഒന്റു സാമിബീ്ഡ് കെ്ട്ടി കൊണ്ട്‌റ്‌ന്റാന്.