1 കൊരിന്ത്യഗാറാര് 6:18 - സാമി സേദി

¹⁸ അദ്‌നാലെ ബേസ്യാഡി നഡാക്കുവാദ്‌ന തെ്റിന്ത് തള്ള്‌ന്. മന്‌സാന് സരിഗലന കെ്ഡ്‌സുവ ഇത്ത്‌റ ദൊഡ്ഡ പാവ ബേ്റെ ഇല്ലെ. എന്ത്‌ക്കെന്റ് സൊന്ന ബേസ്യാഡി നഡാക്കുവ പാവ നമ്മ് സിരിഗലാക്ക് താനെ ഗേവ പാവത്തെ.

1 കൊരിന്ത്യഗാറാര് 6:18 ပူးပေါင်းရင်းမြစ်များ

റോമഗാറാര് 1:24

അദ്‌നാലെ സാമി അവാര്‌ന തമ്മ് നെഞ്ച്‌ലിര്‌ക്കുവ കെ്ട്ട ആസെഗാള്‌ന ബെത്ത് അവനവാന് സരിഗലന ആങ്കീങ്ക് മാനഗെ്ഡിസ്യ ബേ്ണ്ടി മാനതാന ഇല്ലാത്ത കാര്യഗാള് ഗേയ ഒപ്പ്‌സി കൊഡുത്താന്.

1 കൊരിന്ത്യഗാറാര് 6:9

കേ്ഡ്‌ഗെ്ട്ടവാര് ആര്‌മ് സാമി ആളുവ ആള്‌ഗാള് കൂട്ടാക്ക് എജേഗമാട്ടാര് എന്റ് നിമാക്ക് താനെ തെരിമല്ല. നിമ്മ നിമാന താനെ സദിക്കാദിര്‌ന്: കണ്ടപഡിക്ക് നഡാക്ക്‌ന്റവാര്, സെലെന കുമ്മുഡുന്റവാര്, ബേസ്യാഡ്‌ന്റവാര്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഉറാങ്ക്‌ന്റവാര്, ത്‌റ്‌ട്ടാര്, ആസെപാഡ്‌ഗാറാര്, കുഡിഗാറാര്, നൊണ്ടു സൊന്റവാര്, പ്‌ഡിങ്കിപറ്‌ക്ക്‌ന്റവാര് ഇത്തവാള്‌ഗാള് സാമി ആളുവ നാഡ്‌ക്ക് ഉരിമെഗാറാര് ആഗമാട്ടാര്.

2 കൊരിന്ത്യഗാറാര് 12:21

എമ്മ ഈ ഗഡി ബര്‌ഗാട്ടി നിമ്മ് മുന്നുക്കു ബെത്ത് സാമി എനാന മാനഗെ്ഡ്‌സുവാനൊ എന്റ്‌മ് നാന് അഞ്ച്‌ന്റെ. കെ്ട്ട പെ്ളേപ്പ്, ബേസ്യാഡി നഡാക്കുവാദ്, കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ഗാള്‌ക്കെല്ല സിക്കി സാമിസാരി തിര്‌ഗാദെ ഇര്‌ക്ക്‌ന്റവാര്‌ന പറ്റി ദുക്കപഡുവ ഗെദി ബരുമൊ എന്റ്‌മ് നാന് അഞ്ച്‌ന്റെ.

ഗലാത്ത്യഗാറാര് 5:19

മന്‌സാന് പിര്യപഡുവ കെ്ട്ട കാര്യഗാള്: ബേസ്യാഡുവാദ്, ആഡ്‌മാഡ്‌ന പാസെ ഏ്റി നഡാക്കുവാദ്, ഗണ്ട്‌പെ്ണ്ണ് ആങ്കീങ്ക് ആസെ ബെത്ത് നഡാക്കുവാദ്,

എപസോസുഗാറാര് 5:3

അദ്‌താനേമല്ല, ആസെപാഡ് പട്ട് നഡാക്കുവാദ്, ബേസ്യാഡി നഡാക്കുവാദ് ഇത്തെ ഗേവ എല്ലാ കെ്ട്ട കാര്യഗാള്‌നാമ് ഗേഗാദേന്. അത്തവ കാര്യഗാള് ഗേന്റവാര് ഇര്‌ന്റാരെന്റ് നിമ്മ് കൂട്ടാത്ത്‌ല് പേര് ബര്യാഗേ പാങ്കില്ലെ.

കൊലേസ്യഗാറാര് 3:5

അദ്‌നാലെ ബേസ്യാഡി നഡാക്കുവാദ്‌നാമ്, മെലിങ്കി നഡാക്കുവാദ്‌നാമ്, ഗൊഡ്ഡുക്കിക്കി നഡാക്കുവാദ്‌നാമ്, കെ്ട്ട കാര്യഗാള് ഗേയ ആസെപഡുവാദ്‌നാമ്, സെലെന കുമ്മുഡുവ പാസെ പണാക്ക് ബേ്ണ്ടി അളാവുക്കു മീ്റി ആസെപഡുവാദ്‌നാമ് ഇത്തെ നിമ്മ ബൂമില് ഗേവാദ്‌ന ഒട്ടുക്കു ബ്‌ട്ട് തള്ള്‌ന്.

1 തെസെലോനിക്ക്യഗാറാര് 4:3

നിമ്മ സുത്താപ്പോഡ പെ്ളേക്കുവാദ്‌ത്തെ സാമിക്ക് മെച്ച്‌പ്‌ഡിത്ത കാര്യ. നിമ്മ കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ന തള്ളി പെ്ളേന്.

2 തിമിത്തോസു 2:22

അദ്‌നാലെ ബാലിവെഗളിഗേല് ഗേയ ആസെപഡുവ എല്ലാ കെ്ട്ട കാര്യഗാള്‌നാമ് ബ്‌ട്ട്‌തള്ള്. എന്റിന്ത് നല്ല മനേസ്സോഡ ആണ്ടവാന്‌ന നെനേത്ത് പരേസ്‌ന്റവാരോഡ നീയിമ് എ്ണേന്ത് നേരാന കാര്യഗാള് ഗേന്ത്, എല്ലാവാര്‌ക്ക്‌മ് നമ്പ്യ മുഡിന്റവാനായിമ്, അഡ്‌ത്തവാരോഡ സീവാന്‌ബെത്ത്‌മ് നിമ്മ്‌ദ്യോഡാമ് പെ്ളേക്ക്യ നോഡുഡൊ.

എവുറായാര് 13:4

കല്യണ മുഡിക്കുവാദ്‌ന എല്ലാര്‌മ് മദ്‌സ്‌ന്. ആളാന്‌പെ്ണ്ട് ആങ്കീങ്ക് ബേ്റെ പോഗാദെ നമ്പ്യ മുഡിന്റവാര് ആയിര്‌ക്കുഡൊ. കണ്ടപഡിക്ക് നഡാക്ക്‌ന്റവാര്‌നാമ് ബേസ്യാഡ്‌ന്റവാര്‌നാമ് സാമി ദെ്ണ്ടിക്കുവാന്.

1 പത്ത്‌റോസു 2:11

എനാക്ക് മെച്ച്‌പ്‌ഡിത്തവാരെ, നിമ്മ അന്ന്യ നാഡ്‌ഗാറാര്‌മ് നോഡ്യ ബന്തവാര്‌നാമ് പാസെത്തെ. അദ്‌നാലെ നിമ്മോഡിര്‌ക്കുവ നിഗാല് കുട്ടിക്ക് പോട്ടി നിന്റ് ജുദ്ദ ഗേവ സരിഗല ആസെപഡുവ പാവ ഗേവ കാര്യഗാള്‌ലിന്ത് നിമ്മ ഒയിന്ത് നില്ല്‌ന് എന്റ് നാന് നിമാക്ക് ബുദ്ദി സൊന്റെ.