1 കൊരിന്ത്യഗാറാര് 5:5 - സാമി സേദി

⁵ അത്തെ നമ്മ് ആണ്ടവാന് ഏസ്സ് ബിദിക്ക്യ ബരുവ നാള്‌ല് ഉജുരുകെ്ളെ തപ്പിസി കഡാക്ക്യ ബേ്ണ്ടി അയാള്‌ന നിമ്മ സെയിത്താന് കയിക്ക് കൊഡുനു. സെയിത്താന് അയാള് സരിഗലന ദെ്ണ്ടിക്കുഡൊ.

1 കൊരിന്ത്യഗാറാര് 5:5 ပူးပေါင်းရင်းမြစ်များ

മത്തായി 4:10

ഏസ്സ് സെയിത്താന്‌ക്ക്: <<സെയിത്താനെ, നീ എന്ന് പട്ട്‌ലിന്ത് പൊ! <നിന്ന് സാമ്യായിര്‌ക്കുവ ആണ്ടവാന്‌ന കുമ്മുഡി കൊണ്ടുമു അയി സാമിക്ക് പ്‌ഡിക്കുവ കാര്യഗാള്‌ന താനെ ഗേന്ത് കൊണ്ടുമു നഡാക്കുഡൊ> എന്റ് എ്ള്‌ദിര്‌ക്ക്‌ന്റല്ല>> എന്റ് സൊന്നാന്.

ലൂക്കോസു 22:31

<<സീമോനെ, സീമോനെ കേ്ള്. നിമാനൊട്ടുക്കു ഗോദിമ്പെ പാളേന തൂറ്റി തള്ളുവ പാസെ തൂറ്റി തള്ള്യ ബ്‌ഡ്‌ഡൊ എന്റ് സെയിത്താന് എനാന കേ്ട്ട് ബെത്തിന്താന്.

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

1 കൊരിന്ത്യഗാറാര് 1:8

നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബരുവ നാള്‌ല് നിമ്മ കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടി അയാള് നിമാന കഡേസി മാട്ട്‌മ് ഒറേപ്പുള്ളവാര് മാഡി ബെക്കുവാന്.

1 കൊരിന്ത്യഗാറാര് 11:32

ഇത്തെ ആണ്ടവാന് നമാന ദെ്ണ്ടിത്ത് അഡിത്ത് പഡുസുവാദ് ഉലഗാത്ത്‌ല ആള്‌ഗാള്‌ന ആണ്ടവാന് ദെ്ണ്ടിക്കാട്ടി നമാനാമ് ദെ്ണ്ടിക്കാദിര്‌ക്ക്യ ബേ്ണ്ടിത്തെ.

1 കൊരിന്ത്യഗാറാര് 5:13

സാമി സൊല്ലുസുലാക്കാത്ത്‌ല് സൊല്ലിര്‌ക്കുവ പാസെ <<അയി കെ്ട്ടവാന്‌ന നിമ്മ് കൂട്ടാത്ത്‌ലിന്ത് മുഡിക്കി ബ്‌ഡ്‌ന്.>>

2 കൊരിന്ത്യഗാറാര് 10:6

നിമ്മ സെരിക്ക്‌മ് ക്‌റ്‌സ്‌ത്ത് സൊല്ലുപഡിക്ക് നഡാക്ക്‌ന്റവാര് ആഗാട്ടി അയാള് സൊല്ലുപഡിക്ക് നഡാക്കാത്ത ഒന്റൊന്റാള്‌നാമ് ദെ്ണ്ടിക്ക്യ എമ്മ ഒരുങ്കുവേമ്.

2 കൊരിന്ത്യഗാറാര് 12:7

എനാക്ക് ബന്ത അദിസ്യമാന തോറ്റഗാള്‌ന സൊല്ലി നാന് അദിഗ പെരിമെപഡാദിര്‌ക്ക്യ ബേ്ണ്ടി എന്ന് സരിഗലാത്ത്‌ല് ഒന്റു മുള്ളു കുത്തുവ പാസെ ഇര്‌ക്കുവ കജട്ടന നാന് പട്ട്‌കൊണ്ടു ഇര്‌ക്ക്‌ന്റെ. ഇദ് എനാന കജട്ടപഡിസ്യ ബെത്ത്‌റ്‌ക്കുവ സെയിത്താന് ദൂദാന്‌ത്തെ.

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

പിലിപ്പ്യഗാറാര് 1:6

ഇത്തവ നല്ല കാര്യഗാള് ഗേയ നിമാക്ക് മനേസ്സ് തന്തവാന് സാമിത്തെ. ഏസ്സ് ക്‌റ്‌സ്‌ത്ത് തിരിഗി ബരുവ നാള് മാട്ട്‌ക്ക് ഈ നല്ല കാര്യഗാള്‌ന ഗേന്ത് മുഡിക്ക്യ അയി സാമി അത്തവ മനേസ്സ് നിമാക്ക് തന്ത് കൊണ്ടേ ഇര്‌ക്കുവാന് എന്റ് എനാക്ക് ഒറേപ്പിര്‌ക്ക്‌ന്റ്.

1 തിമിത്തോസു 1:20

ഗുമിനോസുമു അലസാണ്ടാര്‌മ് ഈ കൂട്ടാക്ക് പട്ടവാര്‌ത്തെ. അവാര് സാമിന കുറ്റ സൊല്ലാദിര്‌ക്ക്യ പഡിക്ക്യ ബേ്ണ്ടി നാന് അവാര്‌ന സെയിത്താന് കയിക്ക് കൊഡുത്ത്‌റ്‌ന്റെ.

2 തിമിത്തോസു 1:18

ആണ്ടവാന് തിരിഗി ബരുവ നാള് ഒനേസിപൊറോസുന ഗവ പഡുഡൊ എന്റ് നാന് പരേസ്‌ന്റെ. എപസോസുലു ബെത്ത് ഒനേസിപൊറോസു എത്തെല്ല എനാന കയിതാങ്ക്‌നാന് എന്റ്‌മ് നിനാക്ക് തെരിമല്ല.

2 പത്ത്‌റോസു 3:12

സാമി ബരുവ നാള്‌ക്ക് ബേ്ണ്ടി നിമ്മ കാത്ത് കൊണ്ടുമു അയി നാള് സട്ടന ബര്യ ബേ്ണ്ടി നിമ്മ ഗേവ കാര്യ നലമായിമ് ഗേഡൊ. എന്ത്‌ക്കെന്റ് സൊന്ന അയി നാള് ബര്‌ഗാട്ടി ബാന് തീയില് ബെന്ത് പോഗാട്ടി അദ്‌ലിര്‌ക്കുവാദെല്ല ഒട്ടുക്കു ബെന്ത് ഉരിഗി പോമു.

1 ഓഗന്നാന് 5:16

അദ്‌നാലെ ഏസ്സ്‌ഗാറാന് ആയിര്‌ക്കുവ ഒരുത്താന് സാവുക്കാളാഗാത്ത പാവ ഗേവാദ്‌ന പറ്റി ഏസ്സ്‌ഗാറാന് ആയിര്‌ക്കുവ ബേ്റൊന്റാള്‌ക്ക് തെരിന്തദാന അയാള് അയി പാവ ഗേന്തവാന്‌ക്ക് ബേ്ണ്ടി പരേസുഡൊ. അയാള് ഗേന്ത പാവ സാവുക്കാളാഗാത്ത പാവ ആയിന്തദാന സാമി അയാള്‌ക്ക് പിന്നേമ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്. ആന സാവുക്കാളാവ പാവ ഗേന്റവാര്‌മ് ഇര്‌ക്ക്‌ന്റാര്. അത്തവാള്‌ഗാള്‌ക്ക് ബേ്ണ്ടി പരേസുഡൊ എന്റ് നാന് സൊല്ലുവാദില്ലെ.