1 കൊരിന്ത്യഗാറാര് 5:12 - സാമി സേദി

¹² ഈ ഉലഗാക്ക് പട്ടവാര്‌ന ബിദിക്കുവാദ് എന്ന് കാര്യല്ല, ഏസ്സ്‌ഗാറാര് കൂട്ടാത്ത്‌ല് ഇര്‌ക്ക്‌ന്റവാര്‌നാത്തെ നിമ്മ ബിദിക്കുഡൊ. അല്ലത്തവാര്‌ന സാമി ബിദിക്കുവാന്.

1 കൊരിന്ത്യഗാറാര് 5:12 ပူးပေါင်းရင်းမြစ်များ

മര്‌ക്കോസു 4:11

ഏസ്സ് അവാര്‌ക്ക് ഇത്തെ സൊന്നാന്: <<സാമി ആളുവാദ്‌ന പറ്റി മറേന്ത്‌റ്‌ക്കുവ സത്ത്യ നിമാക്ക്‌ത്തെ കെ്ഡേത്ത്‌റ്‌ക്ക്‌ന്റ്. ആന സാമി ആളുവാദ്‌ക്ക് ബെ്ളിഗെ ഇര്‌ക്ക്‌ന്റവാര്‌ക്ക് ഇദ്‌ന പറ്റി നാന് കദേത്തെ സൊല്ലി കൊഡുക്കുന്റെ.

ലൂക്കോസു 12:14

ആന ഏസ്സ് അയാള്‌ക്ക്: <<പൊന്നാ, നിമ്മ് പട്ട്‌ക്ക് നായഗാറാന്‌മ് സൊത്തുന പങ്കി കൊഡുക്കുന്റവാന്‌മായി എനാന ആരാറ്റ എ്ഡ്‌ത്ത് ബെത്ത്‌റ്‌ന്റാര?>> എന്റ് സൊന്നാന്.

ഓഗന്നാന് 18:36

അദ്‌ക്ക് ഏസ്സ്: <<നാന് ആളുവ നാഡ് ഈ ഉലഗാക്ക് പട്ടാദല്ല, നാന് ആളുവ നാഡ് ഈ ഉലഗാക്ക് പട്ടാദ് ആയിന്തദാന എനാന എഗുദാര് കയിക്ക് കൊഡുക്കാദിര്‌ക്ക്യ ബേ്ണ്ടി എന്ന് ഗിലാസഗാറാര് എനാക്ക് ബേ്ണ്ടി ജുദ്ദ ഗേന്ത്‌റ്‌ക്കുവാര്. ആന നാന് ആളുവ നാഡ് ഈ ഉലഗാക്ക് പട്ടാദല്ല>> എന്റ് സൊന്നാന്.

കൊലേസ്യഗാറാര് 4:5

ഏസ്സ്‌ന നമ്പാത്തവാരോഡ ബുദ്ദ്യോഡ നഡാന്ത്‌പ്‌ഡിത്ത് ഗേന്. നിമാക്ക് കെ്ഡേക്കുവ സമ്യനെല്ല നിമാക്കാഗമാട്ട് നലമായി ഉവഗരപഡിസ്യ നോഡുനു.

1 തെസെലോനിക്ക്യഗാറാര് 4:12

അത്തെ ഗേന്ത് നിമ്മ പെ്ളേക്കാട്ടി ഏസ്സ്‌ന നമ്പാത്തവാര് നിമാന മദ്‌സുവാര്, നിമാക്ക് ബേ്ഡ്‌മാന കാര്യാക്ക് ബേ്ണ്ടി നിമ്മ അഡ്‌ത്തവാര്‌ന അണ്ടുവ തേവിമ് ബരമാട്ട.

1 തിമിത്തോസു 3:7

മൂപ്പാന്‌ന ഏസ്സ്‌ഗാറാര് കൂട്ട താനെ അല്ല, ഏസ്സ്‌ഗാറാരല്ലത്തവാര് ഗുഡി മദ്‌സുഡൊ. അന്നാപ്പ് അയാള്‌ക്ക് കെ്ട്ട പേര് ബരാമ്‌മാട്ട, സെയിത്താന് സദിക്ക് അയാള് സിക്കാമ്‌മാട്ടാന്.