1 കൊരിന്ത്യഗാറാര് 5:11 - സാമി സേദി11 ആന ഏസ്സ്‌ഗാറാന് എന്റ് പേരെ്ഡ്‌ത്ത ഒന്റൊരുത്താന് ബേസ്യാഡ്‌ന്റവാനൊ, ആസെപാഡ്‌ഗാറാനൊ, സെലെന കുമ്മുഡുന്റവാനൊ, നൊണ്ടു സൊല്ലി നഡാക്ക്‌ന്റവാനൊ, കുഡിഗാറാനൊ, പ്‌ഡിങ്കിപറ്‌ക്ക്‌ന്റവാനൊ ആനദാന അവാനോഡ എ്ണേന്ത് നഡാക്ക ബേ്ഡ എന്റ്‌ത്തെ നാന് അര്‌ത്ത മാഡ്‌നാദ്. അത്തെ ഇര്‌ക്ക്‌ന്റവാനോഡ ഒന്റായിന്ത് തീനി ഗുഡി തിന്ന ബേ്ഡ എന്റ്‌ത്തെ നാന് നിമാക്ക് എ്ള്‌ദുവാദ്. အခန်းကိုကြည့်ပါ။ |
1 കൊരിന്ത്യഗാറാര് 5:11
47 ပူးပေါင်းရင်းမြစ်များ
ബക്‌തിഗാറാരായി നഡിക്കുവ ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് ആയിര്‌ക്ക്‌ന്റവാരെ, നിമാക്ക് എത്ത്‌റ കജട്ട. നിമ്മ ക്‌ണ്ടിഗാള്‌നാമ് ഗളാസ്‌ഗാള്‌നാമ് ബെ്ളിഗെ നലമായി കച്ച്‌ന്റ്‌റ്. അദേപാസെ നിമ്മ ബെ്ളിഗെ നല്ലവാരാനാല്‌മ് നിമ്മ് മനേസ്സ്‌കുളാക്ക് എഞ്ച്‌ക്ക് കെ്ഡേത്താല്‌മ് ഇന്നിമ് ഇന്നിമ് ബേ്ഡ്‌മെന്നുവ ആസേമ് മിദിമീ്റി ഗേയ ഉള്ള എല്ലാ കെ്ട്ട നെനേവുഗാള്‌മ് തുമ്പിര്‌ക്ക്‌ന്റ്.
കേ്ഡ്‌ഗെ്ട്ടവാര് ആര്‌മ് സാമി ആളുവ ആള്‌ഗാള് കൂട്ടാക്ക് എജേഗമാട്ടാര് എന്റ് നിമാക്ക് താനെ തെരിമല്ല. നിമ്മ നിമാന താനെ സദിക്കാദിര്‌ന്: കണ്ടപഡിക്ക് നഡാക്ക്‌ന്റവാര്, സെലെന കുമ്മുഡുന്റവാര്, ബേസ്യാഡ്‌ന്റവാര്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഉറാങ്ക്‌ന്റവാര്, ത്‌റ്‌ട്ടാര്, ആസെപാഡ്‌ഗാറാര്, കുഡിഗാറാര്, നൊണ്ടു സൊന്റവാര്, പ്‌ഡിങ്കിപറ്‌ക്ക്‌ന്റവാര് ഇത്തവാള്‌ഗാള് സാമി ആളുവ നാഡ്‌ക്ക് ഉരിമെഗാറാര് ആഗമാട്ടാര്.
എന്റാല്‌മ് നിനാന പറ്റി ലേസ കുറ്റ എനാക്ക് സൊല്ല്യ ഇര്‌ക്ക്‌ന്റ്. ഇസ്‌റവേല്‌ഗാറാര്‌ന സെലെഗാള്‌ക്ക് മേല്‌സ ബെത്താദ്‌ന തിന്ന്യ ബ്‌ട്ട് കൊണ്ടുമു കണ്ടപഡിക്ക് നഡാന്ത് ബേസ്യാഡ്യ ബ്‌ട്ട് കൊണ്ടുമു അവാര്‌ന എത്തെ പാവ ഗേയ ബെക്കുഡൊ എന്റ് ബാലാക്ക്‌ക്ക് ബുദ്ദി സൊല്ലി കൊഡുത്തവാന്‌ത്തെ ബിലെയാമ്. അയി ബിലെയാമ് പഡ്‌സ്‌നാദ്‌ക്ക് കെ്ട്ട്‌പട്ട് നഡാക്കുവ ലേസ ആള്‌ഗാള് നിമ്മ് പട്ട്‌ല് ഇര്‌ന്റാര്.
എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്. താനൊന്റു സാമിദാസി എന്റ് താന്‌താനെ സൊല്ലികൊണ്ടു എന്ന് ഗിലാസഗാറാര്‌ന കണ്ടപഡിക്ക് നഡാന്ത് ബേസ്യാഡ്യാമ് സെലെഗാള്‌ക്ക് മേല്‌സ ബെത്താദ്‌ന തിന്ന്യാമ് ബുദ്ദി സൊല്ലി കൊഡുത്തു ഏമാത്തി തള്ളുവ ഈസവേല് എന്നുവ പെ്ണ്ണ്‌പ്‌ളെന നീ അത്തേഗേ ഗേയ ബ്‌ട്ട്‌റ്‌ക്ക്‌ന്റായി.
ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.
ကြော်ငြာတွေ