1 കൊരിന്ത്യഗാറാര് 4:9 - സാമി സേദി

⁹ ആന അപ്പോസുത്തലാര് ആയിര്‌ക്കുവ എമാന കൊല്ല്യ ബിദിത്ത് എ്ഡ്‌ത്ത് പോന്റവാര്‌ന പാസെ സാമി ഒന്റേപെ്ട്ട് കഡേസി നില്ലിസിര്‌ന്റാന് എന്റ് നാന് നെനേക്ക്‌ന്റെ. എന്ത്‌ക്കെന്റ് സൊന്ന ദൂദാര്‌ഗാള്‌ക്ക്‌മ് മന്‌സാര്‌ഗാള്‌ക്ക്‌മ് അത്തെ എല്ലാ ഉലഗാത്ത്‌ലവാര്‌ക്ക്‌മ് നഗ്‌ക്ക്യാമ് നല്യാമ് ബെത്ത്‌റ്‌ക്കുവ ആള്‌ഗാള്‌ന പാസെ എമ്മ ആയിര്‌ന്റേമ്.

1 കൊരിന്ത്യഗാറാര് 4:9 ပူးပေါင်းရင်းမြစ်များ

അപ്പോസുത്തലാര് 19:29

അത്തെ അയി കലമ്പാല് പട്ടണാക്ക് ഒട്ടുക്കു പജാന്ത്‌ദ്. ജനകൂട്ട ഒന്റായി പവുലോസോഡ നഡാന്തിന്ത ഗായോസുനാമ്, അരിസ്‌ത്തറ്‌ഗോസുനാമ് പ്‌ഡിത്താര്. അവാര് റാഡാള്‌മ് മക്കെദോന്യഗാറാര് ആയിന്താര്. പ്‌റസാരി കലമ്പാല് മാഡ്‌നവാര് അവാര്‌ന ഉന്ത്യെ്ഡ്‌ത്ത് കൊണ്ടു പട്ടണാത്ത്‌ല് ആള്‌ഗാള് കൂട്ട കൂഡുവ പട്ട്‌ക്ക് ഓഡി പോനാര്.

അപ്പോസുത്തലാര് 19:31

ആസ്യ നാഡ്‌ല ലേസ അദിഗാരിഗാള് പവുലോസു എ്ണേവുഗാറാര് ആയിന്താര്. അദ്‌നാലെ പവുലോസു ആള്‌ഗാള് കൂട്ട കൂഡുവ പട്ട്‌ക്ക് പോഗ ബേ്ഡ എന്റ് അവാര് സേദി സൊല്ലി ബ്‌ട്ടാര്.

റോമഗാറാര് 8:36

<<നിനാക്ക് ബേ്ണ്ടി എമ്മ ഉജുരുക്കു ബരുവ ആവാത്ത്‌ഗാള്ന നാള്‌ക്ക് താങ്കി കൊണ്ടു ഇര്‌ക്ക്‌ന്റേമ്, അറ്‌ക്ക്യ ബെത്ത്‌റ്‌ക്കുവ കൊറ്യാഡ്‌ഗാള്‌ന പാസെത്തെ എമാന നെനേക്ക്‌ന്റാര്>> എന്റ് എ്ള്‌ദിര്‌ക്ക്‌ന്റല്ല.

1 കൊരിന്ത്യഗാറാര് 15:19

നമ്മ ഈ ബൂമില പെ്ളേപ്പ്‌ക്ക് ബേ്ണ്ടിത്തെ ക്‌റ്‌സ്‌ത്ത്‌ന നെഞ്ചഡെ ബെത്ത്‌റ്‌ക്കുവദാന ക്‌റ്‌സ്‌ത്ത്‌ന നമ്പാത്തവാര്‌ന ബ്‌ഡ നമ്മ എത്ത്‌റാഗോ അറങ്കെ്ട്ടവാര്‌ത്തെ.

2 കൊരിന്ത്യഗാറാര് 11:23

അവാര് ക്‌റ്‌സ്‌ത്ത് ഗിലാസഗാറാര? അത്ത്യാന പിരാന്താര് സൊല്ലുവ പാസെ നാന് സൊന്റെ, നാന് അവാര്‌ന ബ്‌ഡ മ്‌ഗ്‌ന്തവാന്‌ത്തെ, നാന് അവാര്‌ന ബ്‌ഡ മ്‌ഗ്‌ന്ത പാഡ്‌പട്ടെ, എനാന എഞ്ചോ ജമ്പ് ജെയില്‌ക്ക് ഇക്ക്‌നാര്, എഞ്ചോ അഡി കെ്ഡേസ്‌നവാന്, എഞ്ചോ ജമ്പ് ഉജുരുക്കു ബരുവ ആവാത്ത്‌ഗാള് ബന്തവാന്.

2 കൊരിന്ത്യഗാറാര് 6:9

എമ്മ നേര്‌മോഡ സാമിക്ക് ഗിലാസ ഗേന്റവാര് എന്റ് ആള്‌ഗാള്‌ക്ക് തെരിമ്. ആനാല്‌മ് അവാര് നമ്പുവാദില്ലെ. എമ്മ് ഉജുരുക്കു ആവാത്ത് ബന്റവാര് ആനാല്‌മ് എമ്മ പെ്ളേക്ക്‌ന്റേമ്. എമ്മ അഡി തിന്റവാര് ആനാല്‌മ് എമ്മ സാവാലെ.

1 തെസെലോനിക്ക്യഗാറാര് 3:3

ആന കൊഡിമെഗാള്‌പഡ്യാത്തെ സാമി നമാന എ്ഡ്‌ത്ത് ബെത്ത്‌റ്‌ക്കുവാദ് എന്റ് നിമാക്ക് താനെ തെരിമല്ല.

എവുറായാര് 1:14

ആന ദൂദാര്‌ഗാളെല്ല സാമിക്ക് ഗിലാസ ഗേയ ബെത്ത്‌റ്‌ക്കുവ നിഗാല്‌ഗാള്‌ത്തെ. തപ്പിസി കഡാക്ക്യ പോന്റവാര്‌ന കയിതാങ്ക്യ സാമി അവാര്‌ന സൊല്ലി ബ്‌ഡ്‌ന്റാന്.

എവുറായാര് 10:33

എ്ഡെക്കെ്ഡേക്ക് ആള്‌ഗാള് മുന്നുക്കു ബെത്ത് നിമാന നാണാമ് ഗെ്ഡ്‌സ്‌നാര്, കൊഡിമേമ് പഡ്‌സ്‌നാര്. ബേ്റെ ഗളിഗേല് അത്തെ നാണാമ് പട്ട് കൊഡിമേമ് പട്ടവാരോഡ നിമ്മാമ് എ്ണേന്ത്‌റ്.

എവുറായാര് 11:36

ബേ്റെ ലേസ ആള്‌ഗാള്‌ന നാണാമ് ഗെ്ഡ്‌സ്‌നാര്, സാട്ടെവാര്‌ല്‌മ് അഡിത്താര്. സങ്കിലിക്ക്‌മ് കെ്ട്ട്‌നാര്, ജെയില്‌ക്ക്‌മ് അഡേത്താര്.