1 കൊരിന്ത്യഗാറാര് 4:7 - സാമി സേദി

⁷ അഡ്‌ത്തവാര്‌ക്ക് ബ്‌ഡ നിമാന ഉജാത്തി കാട്ട്യ നിമാക്ക് എന്ത് ഗുണ ഇര്‌ക്ക്‌ന്റ്? സാമിലിന്ത് കെ്ഡേത്താദല്ലാദെ നിമാക്ക് ബേ്റെ എന്ത് ഇര്‌ക്ക്‌ന്റ്? നിമ്മോഡ ഇര്‌ക്കുവാദെല്ല സാമി തന്താദ് ആനാദ്‌നാലെ അദെല്ല സാമി തന്താദ് അല്ലാത്ത പാസെ നിമ്മ പെരിമെപഡുവാദ് എന്ത്‌ക്ക്?

1 കൊരിന്ത്യഗാറാര് 4:7 ပူးပေါင်းရင်းမြစ်များ

ഓഗന്നാന് 3:27

അദുക്കുള ഓഗന്നാന് ഇത്തെ ബദ്‌ല് സൊന്നാന്: <<മേലോഗാത്ത്‌ല സാമി കൊഡുക്കാദെ കണ്ട് ആര്‌ക്ക്‌മ് ഒന്റുമു കെ്ഡേയ.

1 പത്ത്‌റോസു 4:10

സാമിക്ക് പല ദിന്‌സ് ബരഗാള് ഇര്‌ക്ക്‌ന്റ്, അദ്‌ന നലമായി നോഡി നഡാത്ത്‌ന്റവാര് ആയിര്‌ക്കുവ നിമാക്ക് ഒന്റൊന്റാള്‌ക്ക്‌മ് കെ്ഡേത്ത അയി ബരഗാള്‌ന ബെത്ത് കൊണ്ടു അഡ്‌ത്തവാര്‌ക്ക് നല്ലാദ് ഗേന്.

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.

റോമഗാറാര് 12:6

അദ്‌നാലെ സാമി നമാക്ക് ഗേന്ത പ്‌ണ്ണ്യാക്ക് തഗ്‌ന്ത പാസെ പല ദിന്‌സ് ബരഗാള് നമാക്ക് കെ്ഡേത്ത്‌റ്ക്ക്ന്റ്. അദ്‌നാലെ സാമിക്ക് മന്‌സാരോഡ സൊല്ല്യ ഇര്‌ക്കുവ കാര്യഗാള്‌ന സൊല്ലുവ ബര കെ്ഡേത്തവാന് അയാള്‌ക്ക് ഇര്‌ക്കുവ നമ്പിക്കേക്ക് തഗ്‌ന്ത പാസെ അയാള് അയി കാര്യ ഗേഡൊ.

ഓഗന്നാന് 1:16

അയാള് തുമ്പ ഗവ ഇര്‌ക്ക്‌ന്റവാന് ആനാദ്‌നാലെ അയാള് പിന്നേമ് പിന്നേമ് നമാന ഗവപട്ട്‌റ്‌ന്റാന്.

ലൂക്കോസു 19:13

അദ്‌നാലെ പോവാദ്‌ക്ക് മുദാല് അയാള് തന്ന് ഗിലാസഗാറാര്‌ല് പത്താള്‌ഗാള്‌ന ബ്‌ളിത്ത് ഒന്റൊന്റാള്‌ക്ക് ഒന്റൊന്റു പൊന്നു പണാന കൊഡുത്തിന്ത്: <നാന് തിരിഗി ബരമാട്ട്‌ക്ക് ഇദ്‌ന ബെത്ത് ഏവര ഗേന്> എന്റ് അവാര്‌ക്ക് സൊന്നാന്.

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

1 കൊരിന്ത്യഗാറാര് 7:7

എല്ലാ മന്‌സാര്‌ഗാള്‌മ് എനാന പാസെ ഒണ്ടി മന്‌സാനായി പെ്ളേക്കുഡൊ എന്റ്‌ത്തെ നാന് ആസെപഡുവാദ്. ആനാല്‌മ് ഒന്റൊന്റാള്‌മ് എത്തെ പെ്ളേക്കുഡൊ എന്റ് സാമി ബര കൊഡുത്ത്‌റ്ക്ക്‌ന്റാന്. ഒന്റാള്‌ക്ക് ഒന്റു ബര, ബേ്റൊന്റാള്‌ക്ക് ബേ്റൊന്റു ബര.

റോമഗാറാര് 12:3

നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ.

റോമഗാറാര് 1:5

മന്‌സാന് പ്‌റാവിന ബെത്ത് നോഡുന ഏസ്സ് ക്‌റ്‌സ്‌ത്ത് ദാവീദ് കാല്‌ക്ക് പട്ടവാനായി പ്‌റാന്താന്. സത്തിന്ത് ഉജുര്‌ളാഗ്‌നാദ്‌നാലെ സുത്താപ്പുള്ള നിഗാലുള്ളവാനായി ഇര്‌ക്കുവാദ്‌ന ബെത്ത് നോഡുന അയാള് സാമിമഗാന് എന്നുവ സക്‌തിന കാട്ട്‌ന്റാന്.

1 കൊരിന്ത്യഗാറാര് 5:6

നിമ്മ ബക്‌തിഗാറാര് എന്റ് പെരിമെപഡുവാദ്‌ല് എന്ത് അര്‌ത്ത ഇര്‌ക്ക്‌ന്റ്? <<ഒന്റു സൊട്ടു പുളിമാവു മാവുനൊട്ടുക്കു പുളിത്ത മാവു മാഡ്‌ന്റ്>> എന്റ് നിമാക്ക് തെരിവാദില്ലേഗ?

1 കൊരിന്ത്യഗാറാര് 3:5

അപ്പലോസു അത്ത്‌റ ദൊഡ്ഡവാന? പവുലോസു എന്നുവ നാന് അത്ത്‌റ ദൊഡ്ഡവാന? അല്ല. നിമ്മ ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കേല് നിമാന ഒറേത്തവാര് മാഡ്യ ബേ്ണ്ടി നിമാന കയിതാങ്ക്യ ബെത്ത്‌റ്‌ക്കുവ ബെ്റ് നോട്ടഗാറാര്‌ത്തെ എമ്മ. ആണ്ടവാന് തന്ത ഗിലാസഗാള്‌നത്തെ എമ്മ ഒന്റൊന്റാള്‌മ് ഗേന്റേമ്.