1 കൊരിന്ത്യഗാറാര് 4:5 - സാമി സേദി5 അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്. အခန်းကိုကြည့်ပါ။ |
1 കൊരിന്ത്യഗാറാര് 4:5
48 ပူးပေါင်းရင်းမြစ်များ
അദ്‌നാലെ ഏസ്സ് സൊല്ലുപഡി നഡാക്കുവ ഇയാള് സാഗമാട്ടാന് എന്നുവ നായ ഏസ്സ്‌ഗാറാര് കൂട്ടാത്ത്‌ല് പജാന്ത്‌ദ്. ആന അയാള് സാഗമാട്ടാന് എന്റ് ഏസ്സ് സൊല്ലാലെ. <<നാന് തിരിഗി ബരമാട്ട്‌ക്ക് ഇയാള് പെ്ളേത്ത്‌റ്‌ക്കുഡൊ എന്റ് എനാക്ക് പിര്യ ഇന്തദാന നീ അദ്‌ന പറ്റി എന്ത്‌ക്ക് അര്‌ക്കപഡ്‌ന്റായി?>> എന്റ് താനെത്തെ ഏസ്സ് സൊന്നാദ്.
ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?
ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്.
ദൊഡ്ഡവാര്‌മ് സ്‌ന്നവാര്‌മ് ആയി അത്തെ സത്തവാര് ഒട്ടുക്കു കുറിഞ്ചി മുന്നുക്കു നിന്റ്‌റ്‌ക്കുവാദ്‌നാമ് നാന് കണ്ടെ. ബൊക്കുഗാള്‌ന ത്‌റാന്താന്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കു എന്നുവ ബേ്റെ ഒന്റു ബൊക്കുനാമ് ത്‌റാന്താന്. ബൊക്കുഗാള്‌ല് എ്ള്‌ദിര്‌ക്കുവ പാസെ തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് സത്തവാര്‌ക്കുള്ള ബിദി സൊന്നാന്.
ကြော်ငြာတွေ