1 കൊരിന്ത്യഗാറാര് 3:9 - സാമി സേദി

⁹ നിമ്മാത്തെ സാമി കാഡ്, എമ്മ അദ്‌ല് സാമിക്ക് ബേ്ണ്ടി ഗിലാസ ഗേവ ബെ്റ് ഗിലാസഗാറാര്‌ത്തെ. നിമ്മാത്തെ സാമിബീ്ഡ്.

1 കൊരിന്ത്യഗാറാര് 3:9 ပူးပေါင်းရင်းမြစ်များ

മത്തായി 15:13

അദുക്കുള ഏസ്സ്: <<മേലോഗാത്ത്‌ല എന്ന് അപ്പാന് സാമി നാട്ടാത്ത സെ്ഡി ഒട്ടുക്കു ബേരോഡ പ്‌ഡാങ്കി തള്ള്‌മ്.

മത്തായി 16:18

നീ പത്ത്‌റോസുത്തെ. എന്റ് സൊന്ന അറെ എന്റ്‌ത്തെ അര്‌ത്ത. ഈ അറെ കുദ്ദാക്ക് നാന് എനാക്കുള്ള കൂട്ടന കെ്ട്ടുവേന്. നരഗ ലോഗാക്ക് ഇര്‌ക്കുവ സക്‌തിക്ക് അദ്‌ന ഗെലിസ്യ മുഡ്യാമാട്ട എന്റ് നാന് നിമാക്ക് സൊന്റെ.

മത്തായി 9:37

അദുക്കുള അയാള് തന്ന് സൊല്ലുപഡി നഡാക്ക്‌ന്റവാര്‌ക്ക്: <<അറ്‌ക്ക്യ മൊത്തനാക്ക് ഇര്‌ക്ക്‌ന്റ്, ആന ഗിലാസഗാറാര് മായതാനെത്തെ.

മര്‌ക്കോസു 16:20

സൊല്ലുപഡി നഡാക്ക്‌ന്റവാര് എല്ലാ എ്ഡെഗാള്‌ക്ക്‌മ് പോയി നല്ല സേദിന സൊന്നാര്. ആണ്ടവാന് അവാര്‌ക്ക് തൊണെ ഇന്താന്. അദ്‌നാലെ അവാര് സൊന്ന നല്ല സേദി സത്ത്യ എന്റ് കാട്ടി കൊഡുക്ക്യ ബേ്ണ്ടി അദിസ്യഗാള് ഗേന്ത് പോന്റാര്.]

അപ്പോസുത്തലാര് 4:11

സാമി ബൊക്കുലു ഏസ്സ്‌ന പറ്റി ഇത്തെ എ്ള്‌ദിര്‌ക്ക്‌ന്റ്: <നിമ്മ ബീ്ഡ് എ്ഡ്‌ക്കാട്ടി നിമ്മ തെ്റിന്ത് തള്ള്‌ന കല്ല്‌ത്തെ, എല്ലാ കല്ല്‌ഗാള്‌ന ബ്‌ഡ മുക്ക്യമാന കല്ല് ആറ്റ്> അയി കല്ല്‌ത്തെ ഈ ഏസ്സ്.

1 കൊരിന്ത്യഗാറാര് 3:16

സാമിബീ്ഡ് എന്നുവാദ് നിമ്മാത്തെ എന്റ്‌മ് സാമിനിഗാല് നിമ്മോഡ ഇര്‌ക്ക്‌ന്റ് എന്റ്‌മ് നിമാക്ക് തെരിമല്ല?

1 കൊരിന്ത്യഗാറാര് 3:6

സാമി കാഡ്‌ന പാസെത്തെ നിമ്മ. അയി കാഡ്‌ക്ക് ബെദേന നാട്ട്‌നവാന്‌ന പാസെത്തെ നാന്, അദ്‌ക്ക് നീര് നലേസ്‌നവാന്‌ന പാസെത്തെ അപ്പലോസു, ആന അയി ബെദേന ബളാത്ത്‌നാദ് സാമിത്തെ.

1 കൊരിന്ത്യഗാറാര് 6:19

സാമി ദാന ഗേന്ത സാമിനിഗാല് ഇര്‌ക്കുവ ബീ്ഡ്‌ത്തെ നിമ്മ് സരിഗല എന്റ്‌മ് നിമാന സാമി ബെലേക്ക് ബാങ്കിര്‌ക്കുവാദ്‌നാലെ നിമ്മ നിമാക്കുള്ളവാര് താനെ അല്ല എന്റ്‌മ് നിമാക്ക് തെരിവാദില്ലേഗ?

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

2 കൊരിന്ത്യഗാറാര് 6:16

സാമിബീ്ഡ്‌ക്ക്‌മ് സെലേക്ക്‌മ് ആങ്കീങ്ക് എ്ണേഗമാട്ട. നമ്മ ഉജുരുള്ള സാമി ഇര്‌ക്കുവ ബീ്ഡ് ആയിര്‌ക്കുവാദ്‌നാലെ സെലെന കുമ്മുഡുന്റവാരോഡ നമാക്ക് എ്ണേയ പറ്റമാട്ട. <<എന്ന് ജനഗാളോഡ നാന് ഒന്റായി തങ്കുവെ, അവാരോഡൊപ്പ നാന് നഡാക്കുവെ, നാന് അവാര്‌ക്ക് സാമിമ് അവാര് എന്ന് ജനഗാള്‌മ് ആയിര്‌ക്കുവാര്>> എന്റ് സാമി സൊല്ലിര്‌ക്ക്‌ന്റാനല്ല.

എപസോസുഗാറാര് 2:10

ആന ക്‌റ്‌സ്‌ത്ത് ഏസ്സ് നല്ല കാര്യഗാള് ഗേന്ത പാസെ നമ്മാമ് നല്ല കാര്യഗാള് ഗേയ ബേ്ണ്ടിത്തെ ക്‌റ്‌സ്‌ത്ത് ഏസ്സോഡൊപ്പ സാമി നമാനാമ് പുദ്യ മന്‌സാര് മാഡ്‌നാദ്. ഇത്തെ നമ്മ നല്ല കാര്യഗാള് ഗേന്ത് പെ്ളേക്കുഡൊ എന്റ് സാമി മുദാല് താനെ നെനേത്തിന്താന്.

കൊലേസ്യഗാറാര് 2:7

അദ് താനേമല്ല, നിമ്മ അയാള് സൊല്ലുപഡിക്ക് നഡാക്ക്‌ന്റവാര് എന്റ് നെനേത്ത് സാമിക്ക് നണ്ണി സൊല്ലി അയാള് കാര്യന കേ്ട്ട് നമ്പിക്കേല് ഉറുദ്യുള്ളവാരായി നിമ്മ് നിഗാല് കുട്ടിന അയാള്‌ന പാസെ മാഡ്‌ന്.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

1 പത്ത്‌റോസു 2:5

അത്തെ നിമ്മാമ് ഉജുരുള്ള കല്ല്‌ഗാളായി ഏസ്സ് ക്‌റ്‌സ്‌ത്ത്‌ന ബെത്ത് സാമി തങ്കാരിക്കുവാദ്‌മ് സാമിനിഗാല്‌ല് കൊഡുക്കുവാദ്‌മാന പലി കൊഡുക്ക്യ സാമിക്ക് പട്ട പൂസാരിഗാളായി ഒന്റു സാമിബീ്ഡ് കെ്ട്ടി കൊണ്ട്‌റ്‌ന്റാന്.

3 ഓഗന്നാന് 1:8

അദ്‌നാലെ ഏസ്സ് ക്‌റ്‌സ്‌ത്ത്‌ന പറ്റി അവാര് പഡുസുവ കാര്യഗാള്‌ല് നമ്മാമ് പങ്ക്‌ഗാറാരായ ബേ്ണ്ടി ഏസ്സ്‌ന നമ്പി നഡാക്കുവ നമ്മ അവാര്‌ന പാസെ ഇര്‌ക്കുവ ആള്‌ഗാള്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുഡൊ.